Kontent qismiga oʻtish
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦

Lazgi

ZiyoSfera, erkin ensiklopediya
, dagi Programmer (munozara | hissa) versiyasi
(farq) ←Avvalgi koʻrinishi | Hozirgi koʻrinishi (farq) | Yangiroq koʻrinishi→

Lazgi — Xorazm xalq kuyi va raqsi. Erkaklar (jangovar va qahramonlik ruhida) va ayollar (lirik, hazilomuz) raqslari farqlanadi[1].

Afsonaviy oʻzbek raqqosalari Tamaraxonim, Mukarrama Turgʻunboyeva va Gavhar Matyoqubova har bir harakatga sayqal bergan holda, Xorazm xalq raqslarini mukammallikka olib kelganlar va shu bilan jahon sahnasini zabt etganlar.[2]

Xalqaro eʼtirof

Lazgi 2019-yil 13-dekabr kuni ,,Xorazm raqsi – lazgi” nomi ostida YUNESKOning insoniyat nomoddiy madaniy merosi reprezentativ roʻyxatiga kiritilgan. Oʻzbekiston Respublikasi Prezidenti Shavkat Mirziyoyevning 2020-yil 28-sentabrda ,,Lazgi xalqaro raqs festivalini tashkil etish va oʻtkazish toʻgʻrisida”gi PQ 4843-sonli qarori qabul qilingan. Qarorga koʻra, 2022-yildan boshlab har ikki yilda bir marta „Lazgi“ xalqaro raqs festivali 25-30-aprel kunlari Xiva shahrida oʻtkazilishi belgilangan. Ixtiyor Baxtiyorov tomonidan tasvirga olingan ,,Lazgi” hujjatli filmi ,,Art Stream”, ,,Fifflondon”, ,,Blackboards”, ,,Lift-Off Season Awards”, va ,,IFFT” kabi qator xalqaro tanlovlarda ,,Raqs haqidagi eng yaxshi hujjatli film” sifatida munosib koʻrilib, mukofotlangan.

Dubai Opera sahnasida “Lazgi – qalb va muhabbat raqsi” balet postanovkasining xalqaro premyerasi oʻtkazilgan[3][4].

Ijro uslubi

Kuy kichik muqaddima va 3 qismdan iborat. 6/8 oʻlchovli gul ufori usulida ijro etiladi. Raqs sekin va oddiy harakatlar bilan boshlanadi — oldin barmoqlar, bilaklar, yelka va keyin butun tana jonlana boshlaydi. Soʻngra birdaniga qoʻl, oyoq, tana ishtirok etadigan murakkab harakatlar ulanib ketadi. Kuyning bir qismi takrorlangan holda raqs harakatlari almashib boradi. Kuy harakteri oʻzgarishi va surʼat tezlashishi bilan raqs tobora qizgʻinlasha borib, keskin holda tamom boʻladi.

Yaratilishi

Lazgining qadim tarixi olovning kashf qilinishi bilan bogʻliq boʻlib, zardushtiylik diniga borib taqaladi. Zardushtiylikning muqaddas kitobi boʻlmish “Avesto”da bu haqida yagona maʼlumotlarning borligi olimlar tomonidan taʼkidlangan. Xorazm xalq ogʻzaki ijodida lazgining yaratilishi haqida turli xil afsona va rivoyatlar bor. Masalan, jonning tanaga kirish jarayonini ifodalishi haqida, iqlimning sovuq boʻlganligi va olov yoqib isinish uchun turli harakatlar orqali raqsning paydo boʻlganligi haqidagi maʼlumotlarni lazgining yaratilishiga bogʻlashadi. Qadimgi lazgi toʻgʻrisida shunday afsona bor. Inson tanasi dastlab loydan yasalib, alohida-alohida boʻlgan ekan. Jonga ,,tanaga kir” deb buyuribdilar jon tanaga kirib birdan qoʻrqib qaytib chiqadi. ,,Kir tanaga” deb qayta buyuradilar. U ,,qoʻrqaman” debdi. Shunda ilohiydan bir kuy taralibdi. Bu kuyga maftun boʻlgan jon tanaga qanday kirganini oʻzi bilmay qolibdi. Oldin barmoqlariga, panjalariga, bilaklariga, yelkalariga jon kirib, inson tirilibdi. Bu ilohiydan kelgan “Lazgi” kuyi ekan[5].

Turlari

Hozirgi davrda Xorazmda lazgi raqsining 8 turi mavjud boʻlib, ular:

  • ,,Qayroq lazgisi”;
  • ,,Dutor lazgisi”;
  • ,,Surnay lazgisi”;
  • ,,Masxaraboz lazgi”;
  • ,,Saroy lazgi”;
  • ,,Changak lazgi”;
  • ,,Xiva lazgi”;
  • ,,Garmon lazgi” kabi turlarini aytish mumkin.

Bulardan tashqari, XX asr oʻrtalaridan boshlab soʻz bilan ijro etiladigan, turli ijrochilar tomonidan yallali lazgilar yaratilgan: "Kimni sevar yorisan" (K. Otaniyozov), "Loyiq" (A. Otajonov va M. Rahimov), "Sani oʻzing bir yona" (O. Hayitova, B. Jumaniyozov), "Gal-gal" (B. Hamdamov), "Parang roʻmol" (O. Xudoyshukurov), "Xorazmning lazgisi" (O. Otajonov), "Oʻyna-oʻyna" (K. Rahmonov), "Ajoyib" (T. Shomurodov) va boshqalar. lazgining kuy va usulidan Sh. Ramazonov "Xorazmcha syuita"sida, M. Yusupov "Xorazm qoʻshigʻi" operasi va "Gulsanam" baletida, B. Giyenko "Xorazm mavzulariga syuita"sida, S. Yudakov "Xorazmcha bayramona yurish"ida, M. Bafoyev "Xorazmcha kaprichchio"sida unumli foydalanishgan.

Komiljon Otaniyozov

Komiljon Otaniyozov tengdosh doʻstlari Abdusharif Otajonov va Matniyoz Yusupovlar bilan oʻz davrida lazgini zamonaga mos ravishda koʻrsatish, keyingi avlodlarga yetkazish borasida ulkan ishlarni amalga oshirganlar.  1958-yili Xorazm surnay lazgisi asosida bastakor Abdusharif Otajanov unga oʻziga xos usul va avjlarni kiritib, shoir Xushnud Abdullaning ,,Loyiq” radifli gʻazali bilan ashula variantini ishlagan. Bundan ilhom olib lazgining cholgʻu qismiga yangi jilo berib, Komiljon Otaniyozov yuqorida nomi keltirilgan lazgiga oʻxshamagan yangi uslubda oʻziga xos bir turini ijod qilgan. Qoʻshiqni boshlangʻich qismiga chorlov uslubida ,,Omon-ey, omon!” degan soʻzi asosida muqaddima qilib, asosiy lirik qismiga Komil Xorazmiy soʻzlaridan foydalanib, betakror yalla variantini yaratganlar. Komiljon Otaniyozov tashabbusi bilan hamkasb doʻsti Matniyoz Yusupov tomonidan 1960-yilda nashr qilingan (I.Akbarov bilan hamkorlikda) ,,Oʻzbek xalq muzikasi”ning VII tomiga Lazgi va Surnay Lazgisi  kuylarining notalari kiritilgan. Lazgini keng ommaga targʻib qilish uchun Komiljon Otaniyozov taklifi bilan ,,Maftuningman” filmiga ,,Lazgi” raqsi kiritilgan[6].

Manbalar

  1. ↑ Botir Matyoqubov. OʻzME. Birinchi jild. Toshkent, 2000-yil
  2. ↑ „Lazgi raqsi – Xorazm folklorining yuragi“. Qaraldi: 2023-yil 21-aprel.
  3. ↑ Xudayberganova M, Xolmoʻminov М. Хorazm “Lazgi” raqsi: paydo bo‘lish tarixi, shakllanish davri va taraqqiyot bosqichlari. 
  4. ↑ Oriental Art and Culture, Volume 3 Issue 2. Scientific-Methodical Journal, iyun 2022. 
  5. ↑ Matyoqubova G. Ofatijon “Lazgi”, Toshkent, 1993 — 12-bet. 
  6. ↑ Rahimov B. Lazgi ashulasi qanday yaratilgan?, Issue 10, Volume 1, Oriental Renaissance: Innovative, educational, natural and social sciences. ISBN 2181-1784. 



Havolalar