Lashkargoh (qarorgoh)

Lashkargoh, Lashkari - Bozor — Janubiy Afgʻonistonda joylashgan ulkan tarixiy-maʼmuriy majmua; gʻaznaviylar (10— XII asrlar) va gʻuriylar (XII asr oʻrtasi — XIII asr boshi) sulolasi sultonlari qarorgohi. Arxeologik tadqiqotlar natijasida XII asrga oid saroy va bogʻ-park inshootlari qoldikdari topilgan. Umumiy maydoni taxminan 164x95 m dan iborat. Majmua tarkibi L. jan. da joylashgan bosh saroy (toʻrt tomoni ayvon bilan oʻralgan hovli sahni; bir necha zal, yotoqxonalar, xizmat xonalari alohida guruh boʻlib joylashgan; devoriy rasmlar, bezak qilib terilgan gʻishtlar), shuningdek, L.ning markaziy va shim. qismida joylashgan 2 ta saroy, masjid, bogʻ koʻshklari, kaptarxona(kaptar minor), turar joy qoldiklaridan iborat.