Lashkargoh

Lashkargoh — lashkar oʻrnashadigan joy, harbiy lager (qarang Oʻrdu).

Turkiy va moʻgʻul xalqlarida hukmdor, xon qarorgohi, qalʼa. Istiloh ushbu maʼnoda ilk bor qadimiy Oʻrxun-Enasoy bitigi "Irq bitig"da qayd etiladi. Qoraxoniy hukmdor saroyi yoki Qoshgʻar shahri Oʻrdukand deb yuritilgan. Baʼzan Lashkargoh oʻrnida uning maʼnodoshi xonto'y birikmasi ham ishlatilgan. Yirik turk va moʻgʻul davlatlari hamda koʻchmanchi qabilalari ittifoqlari — Oltin Oʻrda, Noʻgʻay Oʻrdasining nomi shundan kelib chiqqan. Turli tarixiy davrlarda qalʼa (V—VI asrlargacha), diz (VI—VIII asrlarda), ark (IX—XVII asrlar) deb ham atalgan. Lashkargoh, asosan, balandlikda bunyod etilgan, unga qiya uzun yoʻlak (pandus) orqali kirilgan; davlat ahamiyatidagi inshootlar, maʼmuriy binolar, hukmdor saroyi va boshqalarni oʻz ichiga olib, atrofi burjlari boʻlgan devor bilan oʻralgan. Oʻrda shaharsozlik tarixida muhim oʻrin tutgan. Lashkargohlar ayrim maʼmuriy — shaharsozlik (oʻrni, oʻlchami, koʻlami, bino, hovuz va boshqalar) jihatlari bilan farqlangan (Koʻhna Ark, Xudoyorxon oʻrdasi, Toshkent oʻrdasi va boshqalar