Larisa Alaverdyan
| Larisa Alaverdyan | |
|---|---|
Լարիսա Ալավերդյան | |
| Birinchi Ombudsman | |
|
Mansab davri 1-mart 2004-yil – 20-fevral 2006-yil | |
| Oʻtmishdoshi | ilk marotaba tashkil etilgan |
| Vorisi | Armen Harutyunyan |
| Milliy majlis aʼzosi | |
|
Mansab davri 2007-yil – 2012-yil | |
| Shaxsiy maʼlumotlari | |
| Tavalludi |
1943-yil 21-sentyabr Baku, ASSR, Sovet Ittifoqi |
| Siyosiy partiyasi | Muassislar parlamenti |
| Alma mater | Ozarbayjon davlat pedagogika instituti |
| Kasbi | pedagog va siyosatchi |
Larisa Asaturi Alaverdyan (armancha: Լարիսա Ասատուրի Ալավերդյան; 1943-yil 21-sentabrda tugʻilgan) — armanistonlik pedagog va siyosatchi, Armanistonning birinchi Inson huquqlari himoyachisi (ombudsmani), 2007–2012-yillarda Milliy majlis aʼzosi va 2009–2012-yillarda Muassislar parlamenti partiyasi fraksiyasi rahbari boʻlgan[1].
Hayoti
Alaverdyan hozir Ozarbayjon Respublikasi tomonidan boshqariladigan Boku shahrida tugʻilgan. 1966-yilda Ozarbayjon davlat pedagogika institutini tugatgach, u pedagogik faoliyatini matematika va chizmachilik oʻqituvchisi sifatida boshlagan. 1966–1967-yillarda qishloq oʻrta maktabida matematika oʻqituvchisi boʻlgan[2].
1991-yildan 1995-yilgacha Togʻli Qorabogʻ bilan bogʻliq masalalar boʻyicha Armaniston Oliy kengashi Maxsus komissiyasining bosh eksperti boʻlgan, 2006-yildan esa „Qonun buzilishiga qarshi“ nodavlat notijorat tashkilotining ijrochi direktori hisoblanadi[3][4].
Hozirda u Rus–Arman universitetining Huquq va siyosat instituti direktori boʻlib ishlaydi va 2002-yildan beri u yerda dars beradi[5].
2008-yil 24–26-noyabr kunlari boʻlib oʻtgan 10-majlisda Yevropa Ittifoqi–Armaniston parlament hamkorlik qoʻmitasida ishtirok etgan[6].
Ombudsman sifatidagi faoliyati
Armanistonning Inson huquqlari himoyachisi yoki ombudsman instituti 2003-yil oktabr oyida qonun bilan tashkil etilgan va 2004-yil 19-fevralda Larisa Alaverdyan prezident farmoni bilan ushbu lavozimga tayinlangan[7][8]. 2004-yil 1-mart kuni esa lavozimni rasman qabul qilib olgan.
U zoʻravonlik qurbonlari uchun Janubiy Kavkaz reabilitatsiya markazini tashkil etishda yordam bergan. Ushbu markaz 1992–1996-yillar oraligʻida bir qator arman bolalarini uylariga qaytarishga muvaffaq boʻlgan[9].
Manbalar
- ↑ Լարիսա Ալավերդյան (Wayback Machine saytida 2021-07-24 sanasida arxivlangan) (armancha)
- ↑ Larisa ALAVERDYAN
- ↑ „Staff“. 2023-yil 27-yanvarda asl nusxadan arxivlangan. Qaraldi: 2026-yil 30-mart.
- ↑ Azerbaijan should be brought to political arena: Larisa Alaverdyan[sayt ishlamaydi]
- ↑ „Director of the Institute: Larisa Alaverdyan“. 2020-yil 7-avgustda asl nusxadan arxivlangan. Qaraldi: 2019-yil 18-yanvar.
- ↑ List and short biographies of Armenian Members
- ↑ Լարիսա Ալավերդյանը՝ մարդու իրավունքների պաշտպան (armancha)
- ↑ ՀԱՅԱՍՏԱՆԻ ՕՄԲՈՒԴՍՄԵՆԻ ՊԱՇՏՈՆՈՒՄ ՆՇԱՆԱԿՎԵԼ Է ԼԱՐԻՍԱ ԱԼԱՎԵՐԴՅԱՆԸ (armancha)
- ↑ „Larisa Alaverdyan“. 2019-yil 8-iyulda asl nusxadan arxivlangan. Qaraldi: 2019-yil 6-fevral.