Lajin
| Lajin | |
|---|---|
 1297—1299-yillarda Qohirada zarb qilingan Lajin oltin dinori | |
| Misr sultoni | |
| Saltanat | 1296-yil 7-dekabr — 1299-yil 16-yanvar |
| Oʻtmishdoshi | Al-Adil Kitbugha |
| Davomchisi | An-Nasir Muhammad |
| Dini | Sunniy Islom |
Lajin (arabcha: لاجين; qirollik paytidagi ismi: Al-Malik al-Mansur Husomiddin Lajin al-Mansuriy; arabcha: الملك المنصور حسام الدين لاجين المنصورى) – 1296—1299-yillarda Misr mamluk sultoni boʻlgan. Asli yunonlik boʻlgan Lajin, Qolavunning mamlugi edi va Qalavunning oʻgʻli Sulton al-Ashraf Xalilni oʻldirishda ishtirok etgandi. U Sulton al-Adil Kitbugʻani ham oʻldirishga uringan, biroq muvaffaqiyatsizlikka uchragan. Kitbugʻa oʻz hayotidan xavotirlanib, Lajinga xabar yuborib, uning sulton boʻlishi uchun taxtdan voz kechishga tayyorligini bildirgan. Lajin bu taklifni qabul qilib, al-Mansur Husomiddin unvoni bilan sulton boʻlgan, Kitbugʻaga esa Levant hududida mulk inʼom etilgan.