La det swinge
| „La det swinge“ | |
|---|---|
| singli | |
| Bobbysocks! albomidan | |
| Chiqarilgan sanasi | 1985-yil |
| Yozilgan sanasi | 1985-yil |
| Davomiyligi | 2:50 |
| Leybl | Bahama |
| Qoʻshiq muallif(lar)i | Rolf Løvland |
| Prodyuser(lar) | Torgny Söderberg |
| Official performance video | |
| "La det swinge" YouTubeda | |
„La det swinge“ (Norveg tilida talaffuzi: [lɑː də ˈsvɪ̂ŋːə]; maʼnosi: „Shovullashiga qoʻyib ber“ yoki „Erkin qoʻy“) — Bobbysocks! pop dueti Hanne Krogh va Elisabeth Andreassen tomonidan ijro etilgan qoʻshiq. Qoʻshiqning musiqasi va norvegcha matni Rolf Løvland tomonidan yozilgan. U Norvegiyaga nomidan Eurovision qo'shiq tanlovi 1985da ishtirok etgan. Tanlov Gothenburg shahrida oʻtkazilgan boʻlib, ushbu chiqish mamlakatga Eurovision tarixidagi ilk gʻalabani taqdim etgan. Ular ushbu qoʻshiqni „Let It Swing“ deb nomlangan inglizcha versiyasi bilan birga bitta singlda taqdim etishdi. Ushbu gʻalabadan soʻng, tarona Norvegiya va Belgiya singllari xit-paradida birinchi oʻrinni egalladi, shuningdek, Daniya, Shvetsiya, Shveysariya, Avstriya, Irlandiya hamda Buyuk Britaniya kabi bir qator mamlakatlar chartlaridan joy oldi.
Tarixi
Yaratilish tarixi
„La det swinge“ qoʻshigʻining musiqasi va norvegcha matni Rolf Løvland tomonidan yozilgan[1]. Ushbu tarona radioda yangraydigan eski rok-n-roll musiqasi ostida raqs tushish sharafiga bagʻishlangan. Mavzuga mos ravishda, qoʻshiqning oʻzi ham eski uslubda yozilgan, uning boshlanishida esda qolarli saksofon kuyi yangraydi. Kuy aranjirovkasi retro uslubida boʻlib, oʻz ichiga 1980-yillar zamonaviy musiqasi elementlarini hamda 1950-yillar ohanglarini qamrab olgan[2]. A. Zandra qoʻshiqning „Let It Swing“ deb nomlangan inglizcha versiyasi uchun matn yozgan[3]. Bobbysocks! pop dueti — Hanne Krogh va Elisabeth Andreassen qoʻshiqning har har ikkala versiyasini ham ijro etgan va ular dastlab bitta singl tarkibida chiqarilgan[2].
Eurovision
1985-yil 30-martda Bobbysocks! dueti ijrosidagi „La det swinge“ taronasi Melodi Grand Prix tanlovida gʻoliblik uchun kurashdi. Ushbu milliy saralash bosqichi Eurovision qoʻshiq tanlovining 30-mavsumida Norvegiya sharafini himoya qiladigan qoʻshiq va ijrochini aniqlash maqsadida Norsk Rikskringkasting (NRK) teleradiokompaniyasi tomonidan tashkil etilgan edi. Sahnaga har ikki ijrochi ham qora-oq rangdagi libos ustidan yaltiroq, och binafsha rangli pidjak kiygan holda chiqdi. Krogh esa yerga tegib turadigan qora va oq yoʻl-yoʻl koʻylakda edi. Qoʻshiq tanlovda gʻolib chiqdi va Eurovisionda Norvegiya nomidan qatnashish huquqini qoʻlga kiritdi[4].
1985-yil 4-may kuni Gyoteburgdagi Scandinavium arenasida Eurovision qoʻshiq tanlovi boʻlib oʻtdi. Sveriges Television (SVT) teleradiokompaniyasi boshchiligida tashkil etilgan ushbu musobaqa butun qitʼa boʻylab jonli efirda namoyish etildi. Tanlov kechasida Bobbysocks! dueti „La det swinge“ taronasini oʻn uchinchi raqam ostida ijro etdi. U Italiya vakili Al Bano va Romina Power ijrosidagi „Magic Oh Magic“ qoʻshigʻidan keyin va Buyuk Britaniya vakili Vikki Watson ijrosidagi „Love Is“ taronasidan oldin sahnaga chiqdi. Norvegiya vakilining jonli orkestr joʻrligidagi chiqishiga Terje Fjærn dirijyorlik qildi[5].
Bu har ikkala xonanda, Andreassen va Krogh uchun Eurovision qoʻshiq tanlovidagi ikkinchi ishtirok edi. Jumladan, Andreassen 1982-yilda Shvetsiya sharafini „Chips“ dueti tarkibida (Kikki Danielsson bilan birga) himoya qilib, „Dag efter dag“ qoʻshigʻini ijro etgan. Krogh esa bundan avval, yaʼni 1971-yilgi tanlovda „Lykken er“ taronasi bilan qatnashib, oxiridan bitta oldingi, 17-oʻrinni egallagan edi.
Ovoz berish yakunida qoʻshiq 123 ball toʻplab, 19 ta ishtirokchi orasida birinchi oʻrinni egallagan va tanlov gʻolibiga aylangan[6]. Bu Norvegiyaning Eurovision qoʻshiq tanlovi tarixidagi ilk gʻalabasi boʻldi. Keyingi yil, yaʼni 1986-yilda Norvegiya nomidan Ketil Stokkan ijrosidagi „Romeo“ qoʻshigʻi tanlovda mamlakatning navbatdagi vakili sifatida ishtirok etgan.
Natijalar va keyingi voqealar
Elisabeth Andreassen keyinchalik Eurovision qoʻshiq tanlovida yana ikki marta ishtirok etgan. 1994-yilgi tanlovda u Jan Werner Danielsen bilan duet ijro etib, „Duett“ qoʻshigʻi bilan 6-oʻrinni egallagan. 1996-yilgi tanlovda esa yakkaxon ijrochi sifatida „I evighet“ qoʻshigʻi bilan qatnashib, Irlandiya vakili Eimear Quinn ijrosidagi „The Voice“ qoʻshigʻidan keyin 2-oʻrinni qoʻlga kiritgan.
Trek roʻyxati
- „Let It Swing“ — 2:50
- „La det swinge“ — 2:50
Chartlardagi natijalari
Haftalik chartlar
|
|
.svg){kind=small}
.svg){kind=small}
Manbalar
- ↑ Vem e de´du vill ha entry at Svensk mediadatabas, retrieved 11 July 2010
- ↑ 2,0 2,1 „La det swinge - lyrics“. The Diggiloo Thrush.
- ↑ Let it swing entry at Svensk mediadatabas, retrieved 11 July 2010
- ↑ „National finals: Norway 1985“. ESC National Finals database.
- ↑ „Eurovision Song Contest 1985“. Eurovision Song Contest. 4 May 1985. SVT / EBU.
- ↑ „Official Eurovision Song Contest 1985 scoreboard“. Eurovision Song Contest.
- ↑ "Bobbysocks – La det swinge". Singles Top 100.
- ↑ "Bobbysocks – Let It Swing" (olmoncha). Ö3 Austria Top 40.
- ↑ "Bobbysocks – Let It Swing" (niderlandcha). Ultratop 50.
- ↑ "The Irish Charts – Search Results – Let It Swing". Irish Singles Chart.
- ↑ "Nederlandse Top 40 – Bobbysocks" (niderlandcha). Dutch Top 40.
- ↑ "Bobbysocks – Let It Swing" (niderlandcha). Single Top 100.
- ↑ "Bobbysocks – Let It Swing". VG-lista.
- ↑ "Bobbysocks – Let It Swing". Swiss Singles Chart.
- ↑ "Official Singles Chart Top 100". Official Charts Company.
- ↑ "Offiziellecharts.de – Bobbysocks – Let It Swing". GfK Entertainment Charts.