Kontent qismiga oʻtish

LP(qoʻshiqchi)

ZiyoSfera, erkin ensiklopediya
LP
LP 2014-yilda chiqish qilmoqda
LP 2014-yilda chiqish qilmoqda
Umumiy maʼlumot
Tavalludi Laura Pergolizzi
1981-yil 18-mart (1981-03-18) (45 yosh)
Huntington Station, AQSH
Janrlar
Kasbi Qoʻshiqchi va bastakor
Faoliyat yillari 1998-yildan hozirgacha
Leybllar Warner Bros. Records (2012-yildan hozirgach)[3]
Veb-sayt iamlp.com

Laura Pergolizzi (talaffuzi: Lora Pergolitssi; 1981-yil 18-martda tugʻilgan) — LP taxallusi bilan tanilgan amerikalik qoʻshiqchi, musiqachi va qoʻshiqnavis. Pergolizzi Bruklin (Nyu-York) shahridan. LP hozirga qadar yettita albom va uchta EP (mini-albom) chiqargan. U boshqa koʻplab mashhur sanʼatkorlar, jumladan Rihanna, Christina Aguilera, Backstreet Boys, Leona Lewis, Mylène Farmer, Cher Lloyd va Céline Dion uchun qoʻshiqlar yozib bergan[4].

Yoshligi

Pergolizzi 1981-yil 18-martda Long-aylend orolidagi Huntington Station shaharchasida tugʻilgan[5]. Xonandaning ota-onasi italyan-amerikalik boʻlib, ota tomondan bobosi Palermodan, buvisi esa Neapoldan boʻlgan[6]. Pergolizzi Huntington Stationda ulgʻaygan va Walt Whitman yuqori maktabida tahsil olgan. Pergolizzining 16 yoshida onasi vafot etagan. 2014-yilda Pergolizzi onasining xotirasiga bagʻishlab „Forever For Now“ qoʻshigʻini yozagan[7]. 2004-yilda Nyu-York shahriga koʻchib oʻtgach, „LP“ taxallusidan foydalana boshlagan[8].

Faoliyati

Cracker guruhi aʼzosi David Lowery LPning chiqishini koʻrib qolagan. LPni Guruhning 1998-yilda chiqarilgan „Gentleman's Blues“ albomidagi „Cinderella“ qoʻshigʻiga ijrochi boʻlishni taklif etagan[9]. Shuningdek, LP ushbu albomdagi yana ikkita trekda bek-vokalchi sifatida ishtirok etgan[10]. Keyinchalik Lowery LPning 2001-yilda Koch Records leyblida taqdim etilgan „Heart-Shaped Scar“ debyut albomiga prodyuserlik qilgan. LPning ikkinchi albomi — „Suburban Sprawl & Alcohol“ 2004-yilda Lightswitch Records leybli orqali dunyo yuzini koʻrgan. Ushbu plastinkada ular taniqli qoʻshiqnavis va musiqa prodyuseri Linda Perry bilan hamkorlik qilishgan[8]. Albomni targʻib qilish uchun turlar oʻtkazilganligi va ijobiy taqrizlar berilganiga qaramay, u ommaviy miqyosda katta eʼtirof qozona olmagan[11].

2006–2010-yillar

2006-yilda LP South by Southwest musiqiy konferensiyasida chiqish qilgan. Bu chiqish yirik musiqa leyblari oʻrtasida u bilan shartnoma imzolash boʻyicha raqobatni keltirib chiqargan. Natijada xonanda Universal Music Group tarkibiga kiruvchi The Island Def Jam Music Group leybli bilan shartnoma imzolagan. Biroq, ijodiy kelishmovchiliklar sababli LP shartnomani bekor qilgan. 2007-yilda SoBe Entertainment leybli bilan shartnoma imzolab, avvalgi yirik leyblda yozilgan qoʻshiqlarni shu yerda chiqargan[12]. Uning Island Def Jam guruhidagi Billy Mann bilan birgalikda yozgan „Love Will Keep You Up All Night“ treki 2007-yil oxirida Backstreet Boys guruhining „Unbreakable“ albomida chiqarilgan. LP oʻzining „Suburban Sprawl & Alcohol“ albomidagi „Wasted“ qoʻshigʻini ham ijro etgan. „Wasted“ taronasi „Noggin“ telekanalining oʻsmirlar uchun moʻljallangan bloki boʻlmish „The N“da namoyish etilgan „South of Nowhere“ teleserialining saundtreki sifatida ishlatilgan. Shuningdek, 2009-yilda „MTV“ telekanalining The Hills shousida ham LPning „Damage Is Done“ qoʻshigʻi saundtrek sifatida ishlatilgan. Hamda iTunes platformasida sotuvga chiqarilgan.

2009-yildan boshlab LP boshqa xonandalar uchun qoʻshiq yozishni boshlagan. Xususan, u Warner Music Group tomonidan taqdim etilgan Heidi Montagning „Superficial“ albomidagi bir nechta treklarga mualliflik qilgan[13][14]. LP „More Is More“ singlini, shuningdek, albomdagi „Twisted“, „Hey Boy“ va „Love It or Leave It“ treklarini ham hammualliflikda yozgan. Ular Montag bilan birgalikda (baʼzilarida Cathy Dennis ishtirokida) „Look How I’m Doinʼ“, „I Do This“ va „Whoʻs That Girl“ kabi taronalarni yaratishgan. LPning Alexander Kronlund bilan hamkorlikda yozgan „Standing Where You Left Me“ qoʻshigʻi Erik Hasslening Buyuk Britaniyadagi debyut albomi boʻlmish „Pieces“ tarkibida chiqqan. LP 2010-yilda Los-Anjelesga koʻchib oʻtgan[15].

2011–2012-yillar

2010-yil avgust oyida LP RedOnening „2011 Records“ leybli bilan shartnoma imzolagani eʼlon qilgan. LP qoʻshiqnavis sifatidagi ilk ulkan muvaffaqiyatiga Rihannaning 2010-yil noyabrida Def Jam Recordings leyblida chiqqan beshinchi studiyaviy albomi (Loud) tarkibidagi „Cheers (Drink to That)“ qoʻshigʻini hammualliflikda yozib erishgan. Ushbu qoʻshiqda LP ijro etgan vokal huk ham mavjud boʻlib, u Avril Lavignening „I’m with You“ taronasidan olingan. Rihanna 2010-yilda „MTV News“ telekanaliga bergan intervyusida ushbu trek haqida shunday degan: „Men bu qoʻshiqni juda yaxshi koʻraman. Bu albomdagi eng sevimli taronalarimdan biridir. U sizda bayramona kayfiyat uygʻotadi. Ichingizda xuddi koʻchaga chiqib, biror nima ichgisi kelayotgandek his paydo qiladi[16].“ LP Christina Aguilera ijrosidagi „Beautiful People“ qoʻshigʻini ham hammualliflikda yozgan. Bu tarona 2010-yil noyabr oyida RCA Records tomonidan chiqarilgan „Burlesque: Original Motion Picture Soundtrack“ film saundtreklari qatoriga kiritilgan.

2011-yil iyun oyida LP NBC telekanalining „The Voice“ shousi finalchisi Vicci Martinez tomonidan ijro etilgan hamda iTunes Top Singles chartida 10-oʻringacha koʻtarilgan „Afraid to Sleep“ taronasining hammuallifi boʻlgan. 2011-yil sentyabr oyida esa Warner Bros. Records bilan toʻgʻridan-toʻgʻri shartnoma imzolagan. Koʻp oʻtmay, LP muallifligi va ijrosidagi „Into the Wild“ taronasi Citibank bankining milliy televizion reklamasida qoʻllanilgan. 2012-yil aprelida LP oʻzining yirik leybldagi ilk albomi — beshta jonli ijrodan iborat „Into the Wild: Live at EastWest Studios“ mini-albomni taqdim etdi va SXSW, Bonnaroo, Lollapalooza, Bumbershoot, Tropfest, Tokioning Sonic Boom hamda Londonning Hyde Park kabi nufuzli festivallarida qatnashib, gastrolda boʻlgan. 2012-yilda LP dunyodagi birinchi Martin Guitar ayol elchisi boʻlgan[17].

2013–2017-yillar

LP 2018-yilda Germaniyaning Freiburg shahridagi Zelt-Musik-Festival festivalida

2012-yil may oyida LP „Vogue“ jurnali tomonidan „Hafta artisti“ deb topilgan. Keyingi ikki yil davomida u Billy Steinberg, Isabella "Machine" Summers, Josh Alexander, Claude Kelly, Justyn Pilbrow, Carl Ryden va Rob Kleiner kabi ijodkorlar bilan hamkorlikda yangi albom yozishgan[18]. Albomga Warner Bros. Records raisi va prodyuseri Rob Cavallo prodyuserlik qilgan. 2014-yil 1-aprelda LPning uchinchi toʻliq studiyaviy albomi „Forever for Now“ deb nomlanishi va u 3-iyunda chiqishi eʼlon qilingan. Albomning asosiy singli sifatida „Night Like This“ taronasi taqdim etilgan[4]. Ikkinchi singl — „Someday“ 2014-yil iyun oyida Kanadada chiqarilgan[19]. 16-sentyabr kuni esa „Time“ jurnali veb-saytida „Tokyo Sunrise“ qoʻshigʻiga olingan videoklip premyerasi boʻlib oʻtgan[20].

2015-yil sentyabr oyida „Muddy Waters“ taronasi „Lost on You“ albomining singli sifatida chiqarilgan[21][22]. 2015-yil noyabrida esa xonandaning vizit kartasiga aylangan eng mashhur qoʻshigʻi — „Lost on You“ ommaga taqdim etilgan va ulkan muvaffaqiyat qozongan. LP oʻz qoʻshiqlarida oʻziga xos hushtak chalish mahoratini bilan ham tanilgan[23][24].

2016-yil iyun oyida „Muddy Waters“ qoʻshigʻi Netflix kompaniyasining seriali boʻlmish „Orange Is the New Black“ning toʻrtinchi fasl finalidagi yakuniy sahnada yangragan. Shuningdek, u „NBC“ kanalining „Shades of Blue“ shousi treylerida ham qoʻllanilgan. Shuningdek, „Muddy Waters“ taronasi „Starz“ telekanalining „Power“ seriali 5-fasl, 4-qismi ochib berishda xizmat qilgan. Noyabr oyida „Lost on You“ singli chiqqan vaqtda LP „No Vacancy“ klubida chiqishlarini oʻtkazayotgan edi[25]. Har ikki tarona ham prodyuser Mike Del Rio bilan hamkorlikda yaratilgan. „Death Valley“ nomli mini-albom (EP) esa 2016-yil 17-iyunda sotuvga chiqarilgan[22][26].

2017-yil 25-aprelda LP BBC telekanalining mashhur „Later… With Jools Holland“ musiqiy shousida qatnashib, „Lost on You“ taronasini jonli ijro etgan[27].

David Baerwald tomonidan LP ishtirokida ijro etilgan „Hi Ho Nobody Home“ qoʻshigʻi „Mr. Mercedes“ serialining epizodlaridan birida ishlatilgan. 2017-yilda LP Netflixning yana bir mashhur original loyihasi — „Sense8“ serialining 2-fasl, 5-qismi uchun „Back Where I Belong“ qoʻshigʻini ijro etgan.

LP Mylène Farmer bilan birgalikda 22-iyunda chiqqan „N'oublie pas“ singlida duet kuylagan. Bu singl chiqqan zahoti Fransiyaning iTunes chartida 1-oʻrinni egallagan[28]. Mazkur tarona Farmerning „Désobéissance“ albomidagi ikkinchi singl hisoblanadi.

2018-yildan hozirgacha

2018-yil 15-iyunda LP oʻzining Facebook sahifasida yangi albom ustida ishlayotganini maʼlum qilgan[29]. Bir kun oʻtgach, plastinkaning birinchi treki — „Girls Go Wild“ eʼlon qilingan[30]. Keyinroq esa „Recovery“ treki chiqqan.

2018-yil sentyabr oyida LP xonanda Morrisseyning yangi kover-albomlar toʻplami uchun ikkita qoʻshiq yozib bergan[31].

2019-yil oktyabr oyida uning „Strange“ taronasi Samsung Galaxy telefoni reklamasida foydalanilgan[32].

2019-yil iyun oyida LP „Heart to Mouth“ albomi targʻiboti doirasida Turkiyaning eng yirik raqamli musiqiy jurnali boʻlmish „ÖMC Dergi“ga intervyu bergan va Turkiyada ilk bor jurnal muqovasi qahramoniga aylangan[33]. Mazkur jurnal muqovasini oʻzining barcha ijtimoiy tarmoqlarida baham koʻrgan holda, LP shunday yozgandi: „Iyun oyi uchun intervyu va muqova artisti!! Ankara — tez orada koʻrishguncha!“[34] Ushbu fotosessiyani rejissyor va fotograf Darren Craig bajargan[35]. Ushbu intervyudan keyin LP Istanbul, Izmir va Anqara shaharlarida uchta yirik konsert bergan.

2020-yilda „How Low Can You Go“ va „The One That You Love“ taronalari chiqqan. 2021-yilda esa „One Last Time“, „Goodbye“ va „Angles“ chiqarilgan. Ushbu beshala trek ham oʻsha yilning 3-dekabrida taqdim etilgan „Churches“ albomiga singl sifatida kiritilgan. Shuningdek, 2021-yilda LP qozogʻistonlik prodyuser Imanbek bilan birgalikda „Fighter“ qoʻshigʻini taqdim etgan.

2022-yil oktyabr oyida LP Amerikaning Palaye Royale guruhining „Fever Dream“ albomidagi „Line It Up“ qoʻshigʻida taklif etilgan artist sifatida qatnashgan.

2023-yil sentyabr oyida esa u oʻzining „Golden“, „One Like You“ va „Long Goodbye“ singllarini oʻz ichiga olgan „Love Lines“ albomini chiqargan.

2024-yil fevralida LP Instagram tarmogʻidagi videosida rossiyalik muhlislaridan sovgʻa sifatida olgan Rossiya bayrogʻi tasvirlangan libosda chiqish qilgan. Mazkur holat keng miqyosli norozilikka sabab boʻlgan va natijada uning Litvaning Kaunas shahridagi rejalashtirilgan konserti bekor qilingan[36].

LP 2024-yilda Parij moda haftaligi doirasida Christian Louboutin taqdimotida ishtirok etgan va u yerda oʻzining „Lost On You“ hitini ijro etgan[37].

2026-yil 29-aprelda LP oʻzining kutilayotgan „Room 12“ albomining bosh singli hisoblangan „Shelly“ taronasini taqdim etgan. Ushbu albomni qoʻllab-quvvatlash maqsadida „Lost on You“ albomining 10 yilligiga bagʻishlangan „All Is Not Lost Tour“ jahon gastrol safari rejalashtirilgan.

Manbalar

  1. ↑ Sullivan, Caroline „LP review – pop-rock alley cat stalks the stage with dramatic intent“. The Guardian (2017-yil 29-noyabr). Qaraldi: 2021-yil 5-may.
  2. ↑ Blase, Cazz „LP: Heart To Mouth – Album review“. Louder Than War (2019-yil 2-aprel). Qaraldi: 2021-yil 5-may.
  3. ↑ Graff, Gary „Into the Wild (Live at EastWest Studios) — EP by LP on Apple Music“. Apple Music (2012-yil 24-aprel).
  4. ↑ 4,0 4,1 Graff, Gary (June 3, 2014). „LP focuses on LP with First Album in a Decade“. Billboard.
  5. ↑ „Bio“. LP Blog Official (2018-yil 17-mart). Qaraldi: 2019-yil 13-iyul.
  6. ↑ „"Nata dai locali di New York mi nutro di pop senza confini" – La Stampa“. Lastampa.it (2016-yil 14-dekabr). Qaraldi: 2017-yil 14-iyun.
  7. ↑ Mossman, Kate „“I can feel the male and female in me flying around in a fury when I’m singing“: LP on songwriting and diversity“ (en-US). New Statesman (2018-yil 5-dekabr). Qaraldi: 2024-yil 6-noyabr.
  8. ↑ 8,0 8,1 „Not a tomboy in a dress: after walking away from a contract at Island Records, rocker LP returns to their androgynous roots with their anticipated third album.“. The Advocate. 2024-yil 20-yanvarda asl nusxadan arxivlangan. Qaraldi: 2013-yil 14-iyul.
  9. ↑ „News“. lprock.com. Qaraldi: 2013-yil 15-noyabr.
  10. ↑ Gentleman's Blues (Media notes). Cracker. 1998.{{cite AV media notes}}: CS1 maint: others in cite AV media (notes) ()
  11. ↑ Marti, Kris Scott „AfterEllen.com – Review of LP's Suburban Sprawl & Alcohol“. afterellen.com (2004-yil 27-oktyabr). 2007-yil 4-aprelda asl nusxadan arxivlangan. Qaraldi: 2016-yil 5-aprel.
  12. ↑ „Bio: Who is LP?“. lprock.com.
  13. ↑ Harmsworth, Andrei „Laura Pergolizzi Q&A on sexuality and the music biz“. Metroguiltypleasures.com (2017-yil 23-aprel). — „You've also written for an eclectic mix of artists, from Rihanna to Heidi Montag. How did that come about?
    No offence to Heidi, she's lovely, but I didn't write with her. A few of the songs I had, she just cut.“. 2017-yil 7-noyabrda asl nusxadan arxivlangan. Qaraldi: 2017-yil 4-may.
  14. ↑ Lansky, Sam „In Defense Of Heidi Montag's 'Superficial'“. Idolator (2012-yil 28-sentyabr). — „Contributors to the album include The Runners (Rihanna, Cher Lloyd), Kool Kojak (Ke$ha, One Direction), Steve Morales (Enrique Iglesias, Celine Dion), Stacy Barthe (Katy Perry, Brandy), Chris Rojas (Pink, Sophie Ellis-Bextor) and Laura Pergolizzi (Christina Aguilera, Rita Ora).“. 2020-yil 19-avgustda asl nusxadan arxivlangan. Qaraldi: 2017-yil 4-may.
  15. ↑ Gumbrecht, Jamie. „Songwriter LP goes into the wild -- as a singer“. CNN (2012-yil 24-aprel). Qaraldi: 2013-yil 14-iyul.
  16. ↑ Vena, Jocelyn „Rihanna Glad Avril Lavigne Appears On Loud's 'Cheers'“. MTV (2010-yil 17-noyabr). 2011-yil 21-martda asl nusxadan arxivlangan. Qaraldi: 2013-yil 14-iyul.
  17. ↑ „Martin Guitar Ambassador“. iamlp.com (2012-yil 10-may). 2013-yil 6-sentyabrda asl nusxadan arxivlangan. Qaraldi: 2013-yil 14-iyul.
  18. ↑ Listing of the Forever for Now album on Discogs.com, (accessed March 7, 2015).
  19. ↑ „Someday – Single by LP“. iTunes (CA) (2014-yil 3-iyun). Qaraldi: 2015-yil 16-noyabr.
  20. ↑ Feeney, Nolan. „Catch a 'Tokyo Sunrise' With LP and Her New Video: Premiere“. Time. Qaraldi: September 16, 2014.
  21. ↑ „Muddy Waters – Single by LP“. iTunes (US). 2015-yil 15-noyabrda asl nusxadan arxivlangan. Qaraldi: 2015-yil 16-noyabr.
  22. ↑ 22,0 22,1 Kaye, Ben „LP shares new single "Lost on You" — listen“. Consequence of Sound (2015-yil 16-noyabr). Qaraldi: 2015-yil 16-noyabr.
  23. ↑ „L.P - The Melody Of A Well Formed Whistle | Obscure Sound“ (2021-yil 16-aprel). Qaraldi: 2026-yil 18-mart.
  24. ↑ Stigler, Britt „Laura Pergolizzi (LP) talks music, hardship and pursuing the impossible“ (2019-yil 28-mart). Qaraldi: 2026-yil 18-mart.
  25. ↑ „LP's New Tune "Muddy Waters" Is a Sultry Prowl of a Song“. NOISEY (2015-yil 24-sentyabr). Qaraldi: 2015-yil 13-dekabr.
  26. ↑ Rosenzweig, Mathias „LP After the Storm“. Interview Magazine (2016-yil 2-mart). Qaraldi: 2016-yil 5-aprel.
  27. ↑ „BBC Two – Later... with Jools Holland, Series 50 Live, Episode 3, LP – Lost On You“ (en-GB). BBC. Qaraldi: 2023-yil 23-noyabr.
  28. ↑ „Instagram“. Instagram.com. Qaraldi: 2022-yil 29-iyun.
  29. ↑ „'Girls Gone Wild' Facebook Post“. Facebook (2018-yil 15-avgust). Qaraldi: 2018-yil 18-avgust.
  30. ↑ Bote, Joshua. „LP Announces New Album, Shares New Single 'Girls Go Wild': Watch“. Billboard. Qaraldi: August 18, 2018.
  31. ↑ „LP (Laura Pergolizzi) and Morrissey photos (9 total); LP sings on two tracks – Morrissey Central“ (en-US). Morrissey. Qaraldi: 2018-yil 22-oktyabr.
  32. ↑ „TV Commercial Songs“. Tvadvertsongs.com (2019-yil 2-oktyabr). 2021-yil 27-iyulda asl nusxadan arxivlangan. Qaraldi: 2019-yil 21-oktyabr.
  33. ↑ „LP – Duygusal, Gerçek ve Etkileyici – Haziran 2019“. Omcdergi.com. Qaraldi: 2022-yil 29-iyun.
  34. ↑ „Interview + cover artist for June. Ankara – See you soon!!“. Twitter.com. Qaraldi: 2022-yil 29-iyun.
  35. ↑ „Amazing new @iamlp by darrenfuckingcraig and interview in omcdergi 🧡👍 Thank you!“. Twitter.com. Qaraldi: 2022-yil 29-iyun.
  36. ↑ „American singer LP appears with Russia flag hoodie, concert in Lithuania cancelled updated“. Lietuvos nacionalinis radijas ir televizija (2024-yil 27-fevral).
  37. ↑ Iredale, Jessica „Christian Louboutin Makes a Splash at Paris Fashion Week“. The New York Times (2024-yil 28-sentyabr). Qaraldi: 2024-yil 6-oktyabr. 
"https://ziyosfera.uz/index.php?title=LP(qoʻshiqchi)&oldid=1252723" dan olindi