LOTTE City Hotels Tashkent Palace
| LOTTE City Hotels Tashkent Palace | |
|---|---|
LOTTE City Hotels Tashkent Palace | |
 | |
  | |
| Muqobil nomlari | Tashkent hotel palace |
| Umumiy maʼlumot | |
| Maqomi | Tugallangan |
| Turi | Mehmonxona |
| Manzili | 56-uy, Buyuk Turon koʻchasi, Toshkent |
| Koordinatalar | 41°18′36″N 69°16′07″E / 41.309981467383636°N 69.26872549120172°E |
| Qurilishi tugagan | 1958-yil |
| Mijoz | Lotte Hotels & Resorts |
| Egasi | Alfa Invest |
| Texnik holati | |
| Qavatlar soni | 5 |
| Binoning ichki maydoni | 24,300 m2 (262,000 kv ft) |
| Dizayn va konstruksiya | |
| Meʼmor | Mitxat Bulatov va Leonid Karash |
LOTTE City Hotels Tashkent Palace („Toshkent saroy mehmonxonasi“) — 4 yulduzli mehmonxona; Toshkent shahrining Buyuk Turon koʻchasida, Navoiy teatri roʻparasida joylashgan. 1958-yilda meʼmor M.Bulatov, L.Karash loyihasi asosida Toshkent mehmonxonasi nomi bilan bunyod etilgan[1]. Mehmonxona oʻsha yili Toshkentda boʻlib oʻtgan Osiyo va Afrika mamlakatlaridan kelgan yozuvchilarning xalqaro konferensiyasi paytida ochilgan, konferensiya ishtirokchilari uning birinchi rezidentlari boʻlgan[2]. Bino tarhi P shaklida, markaziy korpusi 5 qavatli, yon qanotlari 4 qavatli[1]. Toshkentdagi hovuzi bor birinchi mehmonxona[2].
2003-yilda Azamat Toʻxtayev muallifligida „Aysel“ firmasi tomonidan taʼmirlandi. 2003—04-yillarda E Mepsnep Taaglegi ralake polel, 2005—2013-yillarda Tashkent palace hotel nomlari bilan atalgan[1][3]. 2003-yilgi taʼmirdan soʻng 232 ta xonadan iborat boʻldi: 149 ta 1 oʻrinli lyuks, 39 ta 2 oʻrinli lyuks, 29 ta 1 xonali superlyuks, 13 ta 2 xonali, 1 ta 3 xonali apartamentli va 1 ta prezident apartamentli xonalari bor. Binoning yer osti qismida yordamchi xonalar, ustaxona va texnik xonalar joylashgan. Ichkari hovlida hovuz, 1-qavatda vestibyul, biznes-markaz va konferensiya zali, sartaroshxona, doʻkon, 210 oʻrinli restoran, 34 oʻrinli qahvaxona, sogʻlomlashtirish markazi faoliyat koʻrsatadi. 2—5-qavatlarda turar joy xonalari joylashgan. Ular zamonaviy mebel va boshqa kerakli uskunalar bilan jihozlangan. 6-qavatda shinamgina ayvonli qahvaxona mavjud[1].
Binoning meʼmoriy yechimi avvalgi koʻrinishda saqlangan. Faqat uning granitdan qilingan qismi qayta tiklangan. Yogʻoch derazalar alyuminiy derazalar (shishapeiat) bilan almashtirilgan. Bino yanada goʻzallashgan[1].
2003-yilgi taʼmirdan soʻng mehmonxona boshqaruvi Air France aviakompaniyasining mehmonxonalar tarmogʻi boʻlgan Le Meridien brendiga berilgan[2].
2013-yil 1-oktyabrdan Janubiy Koreyaning Lotte Hotels & Resorts brendi ostida faoliyat yuritib kelmoqda[3][2].
Mehmonxona maydoni 1,14 gektar. Umumiy maydoni 24,3 ming kvadrat metrni tashkil etadi[3][2].
Egaligi
2024-yilgacha mehmonxonaga Oʻzbekiston milliy banki Tashkent Palace New MChJ orqalik egalik qilgan. 2024-yil noyabrda Davlat aktivlarini boshqarish agentligi LOTTE City Hotels Tashkent Palace hamda International mehmonxonalari xususiylashtirilganini maʼlum qildi[4][5]. Xususiylashtirish jarayoniga KPMG maslahatchi, Deloitte mustaqil baholovchi sifatida jalb etilgan. Tenderda $20 mln taklif bilan Alfa Invest sugʻurta kompaniyasi gʻolib deb topilgan[4][5].
Manbalar
- ↑ 1,0 1,1 1,2 1,3 1,4 „Tashkent pelis xoutel“, Fayl:National Encyclopedia of Uzbekistan logo.png Oʻzbekiston milliy ensiklopediyasi: 8-jild (Solnoma — Toʻytepa). Toshkent: „Oʻzbekiston milliy ensiklopediyasi“ Davlat ilmiy nashriyoti, 2004 — 704-bet.
- ↑ 2,0 2,1 2,2 2,3 2,4 „Собиқ «Тошкент» меҳмонхонаси бузилмайди — Тошкент ҳокимлиги“. gazeta.uz. Gazeta News (2026-yil 9-fevral). Qaraldi: 2026-yil 1-may.
- ↑ 3,0 3,1 3,2 „Lotte City Hotel Tashkent Palace - Гостиница с историей“ (ruscha). Toshkent: Oʻzbekiston milliy banki (2013-yil 1-oktyabr). Qaraldi: 2026-yil 1-may.
- ↑ 4,0 4,1 „"Lotte City Hotel Tashkent Palace" ва "International" меҳмонхоналарини хусусийлаштириш бўйича келишувга эришилди“. Davlat aktivlarini boshqarish agentligi (2024-yil 21-noyabr). Qaraldi: 2026-yil 2-may.
- ↑ 5,0 5,1 „Lotte City Hotel Tashkent mehmonxonasi 20 mln dollarga xususiylashtirildi“. Toshkent: gazeta.uz. Gazeta News (2024-yil 21-noyabr). Qaraldi: 2026-yil 2-may.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Toshkentga oid ushbu maqola chaladir. Siz uni boyitib, ZiyoSferaga yordam berishingiz mumkin. |