Kvitka Sisik
Kvitka Sisik | |
|---|---|
 | |
| Tavalludi |
ukraincha: Квитослава-Орыся Цисык 4-aprel 1953-yil |
| Vafoti |
29-mart 1998-yil (44 yoshda) Manhattan, Nyu-York, AQSH |
| Janrlar | folk |
| Kasbi | qoʻshiqchi |
| Faoliyat yillari | 1971—1998 |
| Leybllar | ABC Records |
| Fuqaroligi |
 AQSH |
| Veb-sayt | kvitkacisyk.com |
Kvitka Sisik, toʻliq ismi Kvitoslava-Orisya Sisik (ukraincha: Квітка Цісик, shuningdek inglizcha: Kacey Cisyk; 1953-yil 4-aprel, Queens, Nyu-York – 1998-yil 29-mart, Manhattan, Nyu-York) – asli ukrainalik boʻlgan amerikalik qoʻshiqchi, Amerika Qoʻshma Shtatlarida mashhur reklama jingle ijrochisi, opera va blyuz qoʻshiqchisi, ukrain xalq va mashhur qoʻshiqlari ijrochisi. Qoʻshiqchi uchun ijro etgan „You Light Up My Life“ filmi uchun xuddi shu nomdagi ijro etgan qoʻshigʻi 1978-yilda „Eng yaxshi film qoʻshigʻi“ nominatsiyasida Oscar[1] va „Oltin globus“ni[2] olgan, shuningdek, „Yil qoʻshigʻi“ nominatsiyasida Grammy mukofotiga nomzod boʻlgan[3].
Hayoti
Qoʻshiqchi 1953-yil 4-aprelda Nyu-Yorkning Queens tumanida urushdan keyin Gʻarbiy Ukrainadan kelgan muhojirlar Ivanna Lev va Vladimir Sisik oilasida tugʻilgan[4]. Qoʻshiqchining ismi ukrain tilida „gul“ degan maʼnoni anglatadi. Besh yoshida Kvitka skripka chalishni oʻrgangan, bunda unga Lvov konservatoriyasida taʼlim olgan va keyinchalik Amerikadagi Ukraina musiqa institutida dars bergan konsert skripkachisi boʻlgan otasi yordam bergan. Kvitka Mannes musiqa maktabida vokal yoʻnalishi boʻyicha taʼlim olgan. Qoʻshiqchiga 1945-yilda Germaniyadagi koʻchirilgan shaxlar lagerida tugʻilgan opasi Mariya joʻr boʻlgan. Mariya Sisik pianinochi boʻlib, San-Fransisko konservatoriyasining direktori lavozimida ishlagan va Karnegi xollda mahorat darslari oʻtkazgan.
Skripka chalishdan tashqari, Kvitka Sisik taniqli balerina Roma Priyma-Bogachevskayaning balet maktabida sahna sanʼatini oʻrgangan.
Kvitka oʻzining „Kvitka – Songs of Ukraine“ va „Kvitka – Two Colors“ nomli ikki albomi tufayli mashhur boʻlgan. Bu ikkala albom ham oilaviy loyiha boʻlgan. Uning eri, ovoz yozish rejissyori Ed Rakowicz albomlarni tayyorlagan; opasi Mariya pianino chalgan, onasi Ivanna esa qizining talaffuzi sofligini nazorat qilib turgan.
1983-yilda Kvitka onasi bilan Ukraina SSRga tashrif buyuradi va Ukraina mustaqilligi eʼlon qilinganidan keyin oʻz vatanida bir qator konsertlar berishni orzu qilgan. Ammo qoʻshiqchining orzulari roʻyobga chiqmaydi. 1998-yil 29-martda Kvitka 45 yoshga toʻlishiga 6 kun qolganda koʻkrak bezi saratonidan vafot etgan[5][6].
Xotira
2008-yilda vafotining oʻn yilligi munosabati bilan Ukrainaning „Inter“ telekanali xonandaga bagʻishlangan dastur tayyorladi. Kiyev va Nyu-York shaharlarida „Nezabutnya Kvіtka“ (Nezabivaemaya Kvitka) nomli xotira kechalari oʻtkazildi.
2009-yilda Ukraina Madaniyat va turizm vazirligi Kvitka Sisik xotirasiga bagʻishlangan „Kvitka“ Ukraina qoʻshigʻi xalqaro festival-tanloviga tayyorgarlik koʻra boshlaydi. Uning birinchi bosqichi AQShda oʻtkazilgan III Ukraina madaniyati festivali doirasida boʻlib oʻtgan.
2010-yil 22-yanvarda Sobor kuni Lvovda xotira taxtasi ochildi, taxta 1944-yilgacha qoʻshiqchining oilasi yashagan Glubokaya koʻchasidagi 8-uy fasadida oʻrnatilgan. Oʻsha yilning 25-iyunida Lvovdagi koʻchaga Kvitki Sisik nomi berilgan.
2011-yil 1-3-aprel kunlari Lvov filarmoniyasida Kvitka Sisik nomidagi Xalqaro Ukraina romans tanlovi boʻlib oʻtdi, unda lvovlik Oksana Muxa gʻolib chiqqan. 4-aprel kuni qoʻshiqchi nomi bilan atalgan 54-sonli Lvov maktabi binosida Kvitki Sisik muzeyi ochildi.
Xonandaning tugʻilgan kunining 60 yilligi munosabati bilan Ukrainaning „Inter“ telekanali „Kvitka. Golos v edinstvennom ekzemplyare“ („Kvitka. Yagona nusxadagi ovoz“) nomli hujjatli film suratga olishdi. Film mualliflari qoʻshiqchi fenomenini oʻrganishgan. Qoʻshiqchi haqida qarindoshlari va yaqinlari eri Ed Rakowicz, oʻgʻli Eddy, Lvovdagi oilasi, qoʻshiqchi bilan ishlagan odamlar va muxlislari oʻz hikoyalarini aytishgan. 2013-yil 4-aprelda boʻlib oʻtgan filmning premyerasini Kiyev, Lvov, Ternopil, Ivano-Frankivsk, Odessa, Lugansk va Chernovtsida minglab odamlar tomosha qilishdi. Film 2013-yil 5-aprelda „Inter“ telekanalida efirga uzatilgan. Sunʼiy yoʻldosh orqali translyatsiya tufayli millionlab odamlar nafaqat Ukrainada, balki Rossiya, Yevropa va Shimoliy Amerika mamlakatlarida ham filmni koʻrish imkoniyatiga ega boʻlishgan.
Albomlari
- „Songs of Ukraine“ (Ukraina qoʻshiqlari), 1980;
Vershe, mij vershe, Kasey (Kvitka) Cisyk`s album „Songs of Ukraine“ – 5:05
- „Two Colors“ (Ikki rang), 1989;
„Two Colors“ from Kvitka Cisyk’s album „Two Colors“ – 5:12
- „You Light Up My Life (Original Sound Track)“ (1977)
Manbalar
- ↑ „The 50th Academy Awards | 1978“ (en). Oscars.org | Academy of Motion Picture Arts and Sciences. 2015-yil 2-aprelda asl nusxadan arxivlangan. Qaraldi: 2018-yil 28-iyun.
- ↑ „You Light Up My Life“ (en). www.goldenglobes.com. 2016-yil 4-iyulda asl nusxadan arxivlangan. Qaraldi: 2018-yil 28-iyun.
- ↑ „Grammy Award Nominees 1978 - Grammy Award Winners 1978“. www.awardsandshows.com. 2017-yil 26-sentyabrda asl nusxadan arxivlangan. Qaraldi: 2018-yil 28-iyun.
- ↑ „Квітка Цісик: те, що за кадром“ (uk). zikua.tv. Qaraldi: 2018-yil 28-iyun.[sayt ishlamaydi]
- ↑ „Kasey Cisyk; Singer for TV Commercials, Film“ (en-US). Los Angeles Times (1998-yil 14-aprel). Qaraldi: 2024-yil 25-oktyabr.
- ↑ Robert Mcg. Thomas Jr. „Kasey Cisyk, Singer, Dies at 44; Made Mark in Commercials“ (en). The New York Times (1998-yil 13-aprel). 2024-yil 8-yanvarda asl nusxadan arxivlangan. Qaraldi: 2017-yil 1-oktyabr.