Kunafa shirinligi

„Kunafa“ shirinligi- Kunafa soʻzi arabcha „kanafa“ soʻzidan kelib chiqqan boʻlib, u oʻrab olish degan maʼnoni anglatadi. Kunafa — bu xamir iplaridan tayyorlangan shirinlik hisoblanadi. Unga sariyogʻ, shakar va maydalangan yongʻoq qoʻshiladi.

Tarixi

Kunafa — Shom va Misr oshxonasining mashhur shirinliklaridan biri boʻlib, uning Falastinning Nablus shahriga xos boʻlgan „Nabulsiyya Kunafasi“ turi ayniqsa mashhurdir. Bu shirinlik yilning barcha fasllarida sevib isteʼmol qilinadi. U ayniqsa ramazon oylarida koʻp tayyorlanadi. Bu roʻza tutgan odamni iftordan keyin quvvatlantiradi va unga kerakli energiya va kaloriyalarni beradi. Ular tarkibida koʻp miqdorda shakar va vitaminlar mavjud boʻlib, shuningdek, oqsil, yod, temir hamda fosfor kabi muhim oziq moddalarni ham oʻz ichiga oladi. Kunafa to‘ylar, ziyofatlar, turli tantanalar hamda oilaviy yig‘inlarda dasturxonga tortiladigan mashhur shirinliklardan biridir. Kunafaning asosiy masalliqlari xamir iplari (kadaif), sariyog‘ va shakardan iborat bo‘lib, unga ta'mini yanada boyitish uchun maydalangan yong‘oq ham qo‘shiladi. Lekin kunafaning har xil turlari va shakllariga qaramay, sut, pishloq, qaymoq, kraxmal, vanilin va shantilly kremi shakarli kukun kabi boshqa masalliqlarni ham kiritish mumkin. Kunafa qirgʻichdan chiqarilgan pishloq, tayyor kunafa xamiri, sariyogʻ, akkavi pishlogʻi va un yordamida tayyorlanadi. Sirop esa, shakar, atirgul sharbati, gullar sharbati va limon sharbati yordamida tayyorlanadi. Kunafa mazali va toʻyimli shirinlik. Bu shirinlikni barcha insonlar sevib isteʼmol qiladilar. Lekin, zarar keltirmasligi va semirib ketmaslik uchun uni meʼyorida isteʼmol qilish kerak boʻladi

Havolalar

Kunafa tayyorlash)

Manbalar

„ARAB MAMLAKATLARI MADANIYATI VA ANʼANALARINI OʻRGANAMIZ“ kitob 160bet