Кубан
| Кубан | |
|---|---|
| Тавсиф | |
| Узунлиги | 870 |
| Майдони | 57 900 км² |
| Сув оқими | |
| Давлат | |
Кубан — Россия Федерациясининг Ставропол ва Краснодар ўлкаларидаги дарё. Шимолий Кавказда. Элбрус тоғи ён бағирларидан бошланиб Азов денгизининг Темрюк қўлтиғига куйилади. Ўз. 870 км, ҳавзасининг майдони 57900 км². Денгизга куйилиш еридан 116 км юқорида дарёдан Протока тармоғи ажралиб чиқади. Ўша ердан К.нинг делтаси (майдони 4300 км²) бошланади. Асосий ирмоқлари: Катта ва Кичик Зеленчук, Уруп, Лаба, Белая, Пшиш. Йиллик ўртача сув сарфи Краснодар шаҳри яқинида 425 м³/ сек. Дарё оқимини тартибга солиб туриш учун Невинномиск канали, Цҳчик, Краснодар, Шапсуг сув омборлари қурилган. К. этагида муҳим шоликорлик раёни ташкил этилмоқда.
Делтасидан балиқовланади. Дарёнинг қуйи қисмида (Краснодар шаҳри дан куйилиш еригача) кема қатвайди. Дарё бўйида Карачаевск, Черкесск, Невинномиск, Армавир, Новокубанск, Кропоткин, Уст-Лабинск, Краснодар, Темрюк шаҳарлари бор.[1]
Манбалар
| Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |