Kovkab Safaraliyeva
Kovkab Safaraliyeva ozarbayjoncha: Kövkəb Səfərəliyeva | |
|---|---|
 | |
| Tavalludi |
1907-yil 3-yanvar |
| Vafoti |
1985-yil 27-iyun Boku, Ozarbayjon SSR |
| Kasbi | pianist, konsertmeyster, oʻqituvchi |
Kovkab Komil qizi Safaraliyeva (ozarbayjoncha: Kövkəb Səfərəliyeva; 1907-yil 3-yanvarda tugʻilgan – 1985-yil 27-iyunda vafot etgan) – ozarbayjonlik klassik pianinochi, pianino oʻqituvchisi va konsertmeyster[1].
Karyerasi
Kovkab Safaraliyeva 1907-yil 3-yanvarda oʻsha paytda Rossiya imperiyasi tarkibida boʻlgan Boku shahrida Komil Safaraliyev va Gamartaj Ziyadxonovalar oilasida dunyoga kelgan. Oilada besh farzand boʻlishgan. Ota-onasi, ayniqsa, musiqani yaxshi koʻrgan va oʻz qiziqishlarini farzandi bilan ham baham koʻrishni istagan va ular uchun xususiy musiqa oʻqituvchilarini yollagan. Kovkab va uning opa-singillari fortepianoda chalishni oʻrgangan, ukalaridan biri skripkada, boshqasi esa violonchelda chalgan. 1920-yilda Ozarbayjon Sovet hukumati nazoratiga oʻtganidan soʻng, Kovkab fortepiano kurslariga qatnashishni boshlagan va 1926-yilda Ozarbayjon Davlat konservatoriyasiga oʻqishga qabul qilingan. Shu bilan birga oʻzining yuksak mahorati tufayli Safaraliyeva oʻqituvchi yordamchisi sifatida talabalarga dars bera boshlagan. Shuningdek, ozarbayjon tilida soʻzlashuvchi talabalarga polifoniya va musiqa adabiyoti fanlaridan ham saboq bergan[2].
1930-yillarning boshlarida Boku Mehnat Teatrida pianist sifatida sahnaga chiqqan, soʻngra Ozarbayjon Opera Teatrida konsertmeyster boʻlib ishlagan. 1935–1936-yillarda Moskvada stajirovka oʻtagach, Safaraliyeva Boku shahriga qaytib kelib, oʻzi oʻqigan konservatoriyada dars bera boshlagan. Koʻpchilikning xotirasida Kovkab Safaraliyeva mehnatkash, isteʼdodli, talabchan va xarizmatik pedagog sifatida qolgan[3].
1930–1939-yillar oraligʻida Kovkab Safaraliyeva kamer orkestrlarining aʼzosi sifatida koʻplab chiqishlar qilgan. U keng qoʻllaniladigan „Plays Performed on the Piano Based on Azerbaijani Mugham“ (tarjimasi „Ozarbayjon mug‘omi asosida fortepianoda ijro etiladigan asarlar“) nomli oʻquv qoʻllanma va bir qator ilmiy maqolalar muallifi ham hisoblanadi[2].
Manbalar
- ↑ Ü.Hacıbəyov adına Azərbaycan Dövlət Konservatoriyası işçilərinə fəxri adlar verilməsi haqqında Azərbaycan SSR Ali Soveti Rəyasət Heyətinin 19 aprel 1972-ci il tarixli Fərmanı (Wayback Machine saytida 2017-09-25 sanasida arxivlangan) – anl.az
- ↑ 2,0 2,1 (ruscha) Kovkab Safaraliyeva (Wayback Machine saytida 2007-09-27 sanasida arxivlangan). Axtar.az
- ↑ (ozarbayjoncha) An Inexpiable Light of Music (Wayback Machine saytida 2003-07-25 sanasida arxivlangan) by Lala Huseynli. Musiqi dünyası
Havolalar
- Unknown Pages of the History of Our Music: Kovkab Safaraliyeva (ozarbayjoncha) by Adila Mailova. Musiqi dünyası