Komil Avaz
- Vikipediyada ismi Komil boʻlgan boshqa kishilar haqida ham maqolalar mavjud.
| Komil Avaz | |
|---|---|
| Tavalludi |
1942-yil |
| Vafoti |
24-iyun 2022-yil Urganch, Xorazm viloyati, Oʻzbekiston |
| Fuqaroligi |
 SSSR →  Oʻzbekiston |
| Taʼlimi | Toshkent toʻqimachilik va yengil sanoat instituti |
| Kasbi | Shoir, dramaturg |
Komil Avaz – shoir, dramaturg va Oʻzbekiston yozuvchilar uyushmasining aʼzosi[1].
Hayoti
1942-yil Xiva tumanida dunyoga kelgan. Toshkent toʻqimachilik institutini tamomlagan[2][3]. Kasbiga koʻra injener-mexanik boʻlishi bilan bir qatorda iqtisodiyot fanlari nomzodi boʻlgan. Dastlab paxta tozalash sanoat tizimida faoliyat yuritgan, 1985-yildan soʻng oddiy chilangarlik lavozimidan Xorazm paxta tayyorlash tresti bosh muhandisi lavozimiga loyiq deb topilgan. Ogahiy nomidagi Xorazm viloyat musiqali drama teatrida adabiy emakdosh sifatida ishlagandan soʻng direktor vazifasida ish yuritgan. Shuningdek, Ogahiy nomidagi xayriya jamgʻarmasida rais boʻlib ishlagan[4].
Ijodi
Uning ijodga kirib kelishiga oʻz hissasini qoʻshgan ustozi – ogʻasi Erkin Samandardir. 1957-yilda „Maktabim“ nomli sheʼri bir vaqtning oʻzida rus (N.Gatsunayev tarjimasida) va oʻzbek tillarida „Xorezmskaya pravda“ hamda „Xorazm haqiqati“ gazetalarida nashrdan chiqqan.
1982-yil „Ajib sir“ deb nomlangan asari „Muallifning ilk kitobi“ sifatida chop etilgan."Shashmaqom" (1983) „Xiva xonishlari“ va „Xivinskiye napevi“ (1884, Strinkovskaya tarjimasi) sheʼriy kitoblari nashrdan chiqqan.
1982-yil „Jahannam“ nomli ilk pyesasi Ogahiy nomidagi Xorazm viloyati teatrida sahnalashtirilgan. „Tashkildagi hangoma“ (1990), „Jobbi joʻjakning hiylasi“ (1991), „Marvarid taqqan ayol“ (1992), „Feruz“ (1994, musiqiy drama), „Munoqasha“ (1994), „Telbalar“ (1997, groteks), „Diyonatga xiyonat“ (1998), „Javlon jurra“ (2000), „Avesto— mehr farzandi“(2001), „Guliravza“ (2001, musiqiy drama), „Tandir“ (2005), „Soʻnggi umidlar“ (2007) kabi sahna asarlarining muallifidir. Oʻzbekiston televideniyasida adibning „Saqili navo“, „Jobbi joʻjakning hiylasi“, „Deyishma“, „Tashkil“ nomli asarlari asosida filmlar suratga olingan. Xorazm maqomi va suvoralariga atab yaratilgan ssenariysiga koʻra „Dil-u jonim sanga qurbon“ deb nomlangan uch qismli telefilm tasvirga olingan.
2003—2009-yillar oraligʻida „Tong epkini“, „Qoʻlangʻa“, „Oʻtayotgan vaqt“ saylanmasi, „Shoh boʻldi ishq ichinda“, „Ibrat manzili“ hamda Ogahiy tavalludining 200 yilligiga atalgan „Muhammad Rizo Ogahiy“ kabi asarlari chop etilgan.
2006-yilda „Olis yulduzlar“ pyesasi va „Komil Devoniy haqidagi adabiy-badiiy toʻplam“i nashrdan chiqqan.
2009-yil „Sharq yulduzi“ jurnalining birinchi sonida „Ogahiy“ dostoni eʼlon qilingan. Undan soʻng 2009—2011-yillar davomida „Iztirob“, „Sahroda bir kun“, „Toʻli timmitning toʻyi“, „Kelin kiyintirish“, „Sahrodagi odam“ nomli asarlari yaratilgan[5][6].
Vafoti
2022-yil 24-iyun kuni Urganch shahrida olamdan oʻtgan[7][8][9][10].
Manbalar
- ↑ „Shoir va dramaturg Komil Avaz olamdan oʻtdi“. xabar.uz. Qaraldi: 14-noyabr 2024-yil.
- ↑ „Рубрика: Комил Аваз“. Qaraldi: 14-noyabr 2024-yil.
- ↑ „Komil Avaz“. asarlar.uz. Qaraldi: 14-noyabr 2024-yil.
- ↑ „Komil Avaz haqida ma'lumot“. baxtiyor.uz. Qaraldi: 14-noyabr 2024-yil.
- ↑ „Komil Avaz haqida ma'lumot“. baxtiyor.uz. Qaraldi: 14-noyabr 2024-yil.
- ↑ Собир Миралиев, Рихсия Шокирова. Комил Аваз, 2016-yil, Тошкент: Ғафур Ғулом номидаги нашриёт-матбаа ижодий уйи — 235-236-bet. ISBN 978-9943-03-940-7.
- ↑ „Рубрика: Комил Аваз“. ziyouz.uz. Qaraldi: 14-noyabr 2024-yil.
- ↑ „Komil Avaz olamdan oʻtdi.“. oyina.uz. Qaraldi: 14-noyabr 2024-yil.
- ↑ „Скончался поэт и драматург Комил Аваз“. culture. Qaraldi: 14-noyabr 2024-yil.
- ↑ „Shoir va dramaturg Komil Avaz olamdan oʻtdi“. xabar.uz. Qaraldi: 14-noyabr 2024-yil.