Koauila

Koauila
ispancha: Coahuila de Zaragoza

Gerb Bayroq
Shtat
Tarkibida	38 munitsipalitet
Maʼmuriy markazi	Saltilno
Yirik shahari	Torreon
Boshqa yirik shaharlari	Torreon, Saltilno, Monklova
Asos solingan sanasi	7-may 1824
Gubernator	Ruben Moreyra Valdes (Rubén Moreira Valdez), PRI с 01.12.2011
Rasmiy tili	ispan
Aholi (2010)	2 748 391
Zichligi	18,13 kishi./km²
Millatlar tarkibi	Metislar, oqlar, kikapu.
Dinlar tarkibi	Katoliklar (86,4 %), protestantlar va evangellar (6,8 %), boshqa nasroniylar(1,8 %), yahudiylar (0,1 %), boshqa dinlar(0,1 %), ateistlar vaagnostiklar (3,8 %).
Maydoni	151 571 km² (3-oʻrin)
Balandligi dengiz sathidan  Baland choʻqqisi	3710 m
Kengligi	29º 53' — 24º 32' N
Uzunligi	99º 51' — 103º 68' E
Vaqt mintaqasi	UTC-6
Kod ISO 3166-2	MX-COA
Pochta indeksi	25 — 27
Rasmiy sayti	http://www.coahuila.gob.mx/
Xaritada

Koauila — Meksikadagi shtat, Meksika togʻligining shimoliy qismida, AQSH bilan chegaradosh. Maydoni 151,6 ming km². Aholisi 2,3 mln. kishi (2000). Maʼmuriy markazi — Saltilo. Yirik shaharlari: Torreon, Monklova, Pyedras-Negras. Relyefining aksari qismi choʻl landshaftli togʻlik, sharqida — sertepa tekislik. Sharqiy Syerra-Madre togʻlari Koauilani Meksika qoʻltigʻidan ajratib turadi. Iqlimi subtropik quruq iqlim. Yanvarning oʻrtacha temperaturasi 12—16°, iyulniki 24—29°. Shimolidan sovuq havo oqimining kirib kelishi natijasida baʼzan temperatura —10° gacha pasayadi. Yillik oʻrtacha yogʻin 200–400 mm.

Koauila — muhim metallurgiya va sugʻorma dehqonchilik rayoni. Sabinas daryosi havzasi mamlakatning asosiy toshkoʻmir olinadigan rayoni. Koks-kimyo, qora va rangli metallurgiya, oziq-ovqat, toʻqimachilik, kimyo, sement, qishloq xoʻjaligi mashinasozligi korxonalari bor. Asosiy ekinlari — paxta, bugʻdoy. Ekstensiv chorvachilik rivojlangan. Koauila orqali markaziy shtatlarni AQSH bilan bogʻlovchi muhim magistral yoʻllar oʻtgan.