Klang Xitoy musulmonlari jome masjidi

Klang Xitoy musulmonlari jome masjidi
	Masjid
	Klang Xitoy musulmonlari jome masjidi

Klang Xitoy musulmonlari Jome masjidi (malaycha: Masjid Jamek Cina Muslim Klang) — Malayziyaning Selangor shtati Kelang shahridagi Bandar Botanik mavzesi Taman Desavan Dua hududida joylashgan masjid va madaniy meros obidasi^[1]. 2024-yil 22-avgustda rasman ochilgan^[2]. Selangor shtatida anʼanaviy Xitoy meʼmorchiligi uslubida qurilgan birinchi masjid boʻlib, Malayziyada madaniyatlar va dinlar oʻrtasidagi hamjihatlik ramzi hisoblanadi^[3].

Meʼmorchiligi

Masjid loyihasi Xitoydagi dunyoning eng qadimiy va yirik masjidlaridan biri boʻlgan Sian katta masjidi meʼmorchiligidan ilhomlanib ishlangan^[3]. Asosiy namozxonadagi mehrob Makka yoʻnalishini koʻrsatib turuvchi Xitoy xattotligi namunalari bilan bezatilgan^[2].

Inshootlar

1,2 gektar maydonda barpo etilgan masjid bir vaqtning oʻzida 1000 nafar namozxonni sigʻdira oladi^[1]. Masjid majmuasida asosiy namoz zalidan tashqari madaniyat markazi, kutubxona, maʼruzalar zali, suvenirlar doʻkoni va umumiy ovqatlanish shoxobchasi ham mavjud^[2]. Shuningdek, masjidga tashrif buyuruvchilar va mahalliy aholi uchun xitoy tiliga, jumladan, mandarin tiliga tarjima qilingan Qur’on nusxalari ham taqdim etilgan^[3].

Tarixi va qurilish qiymati

Klang Xitoy musulmonlari Jome masjidini qurish loyihasi Selangor sultoni Sharafiddin Idris Shohning roziligi bilan amalga oshirilgan^[2]. Masjid qurilishiga jami 19,3 million Malayziya ringgiti sarflangan. Xarajatlar Selangor shtati hukumati tomonidan ajratilgan mablagʻlar, Malayziya Xitoy musulmonlari uyushmasi hissasi hamda jamoatchilik tomonidan xayriya mablagʼlari hisobidan toʻliq qoplangan^[1].

Masjid boshqaruviga Ahmad Mujohid Muhammad Zan masʼul boʼlsa, Adlu Kan Yong Sheng rasmiy imom hisoblanadi^[4].

Maqsad

Ushbu masjidning qurilishi mahalliy va xorijiy sayyohlarni jalb qilish orqali Selangor shtatida musulmonlar uchun doʼstona turizm rivojiga katta hissa qoʻshmoqda^[2]. Masjid, shuningdek, ayrim doiralarda mavjud boʻlgan salbiy qarashlarga qarshi turish hamda islomni qabul qilish inson oʻzligini yoʻqotishi yoki asl madaniy merosidan voz kechishi kerakligini anglatmasligini namoyon etish maqsadida barpo etilgan^[3].

Manbalar

↑ ^1,0 ^1,1 ^1,2 „Sultan Selangor berkenan rasmi Masjid Jamek Cina Muslim Klang“ (ms). Sinar Harian (2024-yil 5-dekabr). Qaraldi: 2026-yil 19-iyul.
↑ ^2,0 ^2,1 ^2,2 ^2,3 ^2,4 BERNAMA „Masjid Jamek Cina Muslim Klang tarikan baharu pelancongan Islam di Selangor“ (ms). Harian Metro (2026-yil 2-fevral). Qaraldi: 2026-yil 19-iyul.
↑ ^3,0 ^3,1 ^3,2 ^3,3 BERNAMA „Masjid Jamek Cina Muslim Klang tarik 55,000 pengunjung, tingkat pelancongan Islam“ (ms). Berita Harian (2026-yil 2-fevral). Qaraldi: 2026-yil 19-iyul.
↑ IDRIS, ABDUL RAZAK „Masjid nuansa Cina, ikon baharu Klang“ (ms). Kosmo Digital (2024-yil 6-oktyabr). Qaraldi: 2026-yil 19-iyul.

[lokasi-1] 1,0 ^1,1 ^1,2 „Sultan Selangor berkenan rasmi Masjid Jamek Cina Muslim Klang“ (ms). Sinar Harian (2024-yil 5-dekabr). Qaraldi: 2026-yil 19-iyul.

[hmetro_bernama_rasmi-2] 2,0 ^2,1 ^2,2 ^2,3 ^2,4 BERNAMA „Masjid Jamek Cina Muslim Klang tarikan baharu pelancongan Islam di Selangor“ (ms). Harian Metro (2026-yil 2-fevral). Qaraldi: 2026-yil 19-iyul.

[identiti-3] 3,0 ^3,1 ^3,2 ^3,3 BERNAMA „Masjid Jamek Cina Muslim Klang tarik 55,000 pengunjung, tingkat pelancongan Islam“ (ms). Berita Harian (2026-yil 2-fevral). Qaraldi: 2026-yil 19-iyul.

[temubual-4] IDRIS, ABDUL RAZAK „Masjid nuansa Cina, ikon baharu Klang“ (ms). Kosmo Digital (2024-yil 6-oktyabr). Qaraldi: 2026-yil 19-iyul.

[1]

[2]

[3]

[4]