Kontent qismiga oʻtish

Kim Tae-hee

ZiyoSfera, erkin ensiklopediya
Kim Tae-hee oq naushniklar bilan, qora ko'ylakda, LG Electronics tadbirida, 2013-yil
Kim Tae-hee LG kompaniyasining reklama tadbirida, 2013-yil

Kim Tae-hee (koreyscha: 김태희; tugʻilgan 1980-yil 29-martda) — Janubiy Koreyalik aktrisa. U Janubiy Koreyaning eng goʻzal aktrisalaridan biri sifatida tanilgan[1] [2]. U eng koʻp quyidagi teleseriallardagi rollari bilan mashhur: Stairway to Heaven (2003–2004), Love Story in Harvard (2004–2005), Iris (2009), My Princess (2011), Yong-pal (2015) va Hi Bye, Mama! (2020).

Erta hayoti va taʼlimi

Kim Tae-hee 1980-yil 29-martda Janubiy Koreyaning Ulsan shahrida tug‘ilgan. Uning otasi Kim Yoo-moon 1984-yilda Hankook Union Transportation Company nomli transport kompaniyasiga asos solgan va hozirda uning raisi hisoblanadi[3]. Kim Tae-hee Ulsan hududidagi yordamga muhtoj yoshlarga va buzilgan oilalarga ko‘mak berish maqsadida turli xayriya ishlarida faol qatnashadi[3]

Uning katta opasi Kim Hee-won va ukasi Kim Hyung-soo bor; ukasi aktyorlik faoliyatini Lee Wan sahna nomi ostida olib boradi[4]..

Kim boshlang‘ich ta’limni Samshin boshlang‘ich maktabida, o‘rta ta’limni Daehyun o‘rta maktabida, so‘ngra Ulsan qizlar litseyida olgan[5].

1999-yilda u Seulga ko‘chib o‘tib, mamlakatdagi nufuzli oliygohlardan biri — Seul Milliy Universitetida o‘qishni boshladi. U yerda SNU ayollar chang‘i klubi prezidenti lavozimida faoliyat yuritgan[6]. 2005-yilda moda dizayni yo‘nalishi bo‘yicha bakalavr darajasini olgan[7].

Faoliyatining boshlanishi (2001–2002)

2000-yilda Kim Tae-hee metroda ketayotganida reklama agentlaridan biri uni ko‘rib qoladi va unga model bo‘lishni taklif qiladi[8]. Shundan so‘ng u turli televizion reklama roliklari va bosma e’lonlarda ishtirok eta boshlaydi.

2001-yilda u ilk bor “Last Present” melodramasida kichik rol bilan aktyorlik faoliyatini boshlaydi[9].

2002-yilda Kim qisqa metrajli “Living in New Town” filmida va “Let's Go” sitcomida bosh rollarni ijro etadi[8]

Keyingi yili, yaʼni 2003-yilda esa “Screen” va “A Problem at My Younger Brother's House” kabi loyihalarda suratga tushadi[10]..

Mashhurlik va kinodagi debyut (2003–2006)

Kim Tae-hee 2003-yilda SBS telekanalining mashhur “Stairway to Heaven” serialida yovuz o‘gay opa roli orqali ommaga tanildi[11].

2004-yildan boshlab Kim bosh rollarda ishtirok eta boshladi. U avvaliga KBSning mistik janrdagi “Forbidden Love” serialida, so‘ngra SBSning melodramasi “Love Story in Harvard”da rol o‘ynadi[12]. “Love Story in Harvard” serialida Harvard tibbiyot fakulteti talabasi Su In Lee roli orqali tomoshabinlarning katta e'tiboriga sazovor bo‘ladi. Serial o‘ziga xos syujeti — Harvard universitetidagi koreys talabalarining akademik bosim va shaxsiy munosabatlar o‘rtasidagi ichki kurashlari bilan ajralib turadi.

“Love Story in Harvard” seriali butun Janubiy Koreya bo‘ylab barqaror reytinglarga ega bo‘lib, eng yuqori tomosha darajasi 20 foizga yetdi. Kim ushbu roli uchun Baeksang Arts Awards mukofotining “Televizion yo‘nalishdagi eng mashhur aktrisa” nominatsiyasida g‘olib bo‘ldi[13].

Serial Yaponiyada ham katta muvaffaqiyat qozondi va Kimning xalqaro mashhurligini oshirdi.

“Love Story in Harvard” serialidagi yutuqlardan so‘ng, Kim Tae-hee Janubiy Koreyada eng ko‘p reklama takliflari olgan aktrisalardan biriga aylandi[14].

2008-yilda Korea Broadcast Advertising Corporation tomonidan u “Yilning eng yaxshi reklama modeli” deb topildi va OAVda unga “CF Queen” (“Reklama malikasi”) unvoni berildi[15].


Shaxsiy hayoti

Nikoh va oila

2012-yil sentabr oyida Kim Janubiy Koreyalik qo‘shiqchi va aktyor Rain bilan uchrasha boshladi. Ular 2017-yil 19-yanvarda turmush qurishdi[16][17][18].

2017-yil 23-mayda Kimning agentligi Lua Entertainment tomonidan aktrisaning homiladorligi e’lon qilindi[19]. Ularning ikki qizi bor: biri 2017-yil oktabrda,[20][21][22] ikkinchisi esa, 2019-yil fevralda tug‘ilgan[23][24].

Dini

Kim Tae-hee Xristianlikning katolik mazhabiga e'tiqod qiladi[25].

Manbalar

  1. ↑ Korea Times: Kim Tae-hee ranked among Korea’s top beauties (2020)
  2. ↑ Soompi: 10 Most Beautiful Korean Actresses (2020)[sayt ishlamaydi]
  3. ↑ 3,0 3,1 „Kim Tae-hee's Father Speaks Out“. The Chosun Ilbo (2006-yil 28-dekabr). Qaraldi: 2025-yil 27-iyul.
  4. ↑ „Lee Wan talks about his relationship with sister Kim Tae-hee“. The Korea Herald (2020-yil 2-mart). Qaraldi: 2025-yil 27-iyul.
  5. ↑ „Profile of Kim Tae-hee“. Qaraldi: 2025-yil 27-iyul.
  6. ↑ „Kim Tae-hee was a model student“. The Korea Times. 2005-yil 15-dekabrda asl nusxadan arxivlangan. Qaraldi: 2025-yil 27-iyul.
  7. ↑ „Kim Tae-hee Graduates SNU“. The Korea Times (2005-yil 23-fevral). Qaraldi: 2025-yil 27-iyul.
  8. ↑ 8,0 8,1 „10 Things You May Not Know About Kim Tae Hee“. KDramaStars (2014-yil 28-may). Qaraldi: 2025-yil 27-iyul.[sayt ishlamaydi]
  9. ↑ „Last Present (2001)“. HanCinema. Qaraldi: 2025-yil 27-iyul.
  10. ↑ „Kim Tae-hee - AsianWiki“. Qaraldi: 2025-yil 27-iyul.
  11. ↑ „Heaven's stairway to a hit drama“ (2003-yil 20-dekabr). Qaraldi: 2025-yil 27-iyul.
  12. ↑ „Love Story in Harvard“. HanCinema. Qaraldi: 2025-yil 27-iyul.
  13. ↑ „2005 Baeksang Arts Awards Winners“. Baeksang Arts Awards. Qaraldi: 2025-yil 27-iyul.
  14. ↑ „Kim Tae-hee Is Queen of Commercials“ (2009-yil 15-yanvar). Qaraldi: 2025-yil 27-iyul.
  15. ↑ „2008 Advertising Model Survey“. KOBACO. Qaraldi: 2025-yil 27-iyul.
  16. ↑ „Rain, Kim Tae-hee tie the knot“. The Korea Times (2017-yil 19-yanvar). Qaraldi: 2025-yil 27-iyul.
  17. ↑ „Rain and Kim Tae-hee marry in a private wedding ceremony“. Soompi (2017-yil 19-yanvar). Qaraldi: 2025-yil 27-iyul.[sayt ishlamaydi]
  18. ↑ „Rain and Kim Tae-hee are officially married“. Koreaboo (2017-yil 19-yanvar). Qaraldi: 2025-yil 27-iyul.[sayt ishlamaydi]
  19. ↑ „Kim Tae-hee is pregnant with first child“. The Korea Times (2017-yil 23-may). Qaraldi: 2025-yil 27-iyul.
  20. ↑ „Rain and Kim Tae-hee welcome their first child“. Koreaboo (2017-yil 25-oktyabr). Qaraldi: 2025-yil 27-iyul.[sayt ishlamaydi]
  21. ↑ „Kim Tae-hee gives birth to baby girl“. Soompi (2017-yil 25-oktyabr). Qaraldi: 2025-yil 27-iyul.[sayt ishlamaydi]
  22. ↑ „Rain shares first message after becoming a dad“. Allkpop (2017-yil 25-oktyabr). Qaraldi: 2025-yil 27-iyul.
  23. ↑ „Rain and Kim Tae-hee welcome their second child“. The Korea Times (2019-yil 26-fevral). Qaraldi: 2025-yil 27-iyul.
  24. ↑ „Kim Tae-hee gives birth to second daughter“. Soompi (2019-yil 26-fevral). Qaraldi: 2025-yil 27-iyul.[sayt ishlamaydi]
  25. ↑ „Kim Tae-hee, devout Catholic, spotted attending Mass“. UCA News (2017-yil 2-iyun). Qaraldi: 2025-yil 27-iyul. 
"https://ziyosfera.uz/index.php?title=Kim_Tae-hee&oldid=545303" dan olindi