Kenan Doğulu
| Kenan Doğulu | |
|---|---|
 Kenan Doğulu 2012-yilda | |
| Tavalludi |
Kenan Doğulu 1974-yil 31-may Istanbul, Turkiya |
| Kasbi |
|
| Turmush oʻrtogʻi |
Beren Saat (turm. 2014) |
| Qarindoshlari | Ozan Doğulu (akasi) |
|
Musiqiy faoliyati | |
| Cholgʻular |
|
| Veb-sayti | kenandogulu.com.tr |
Kenan Doğulu (1974-yil 31-mayda tugʻilgan) — turkiyalik pop ijrochisi. U Helsinki shahrida oʻtkazilgan „Eurovision–2007“ tanlovida Turkiya nomidan ishtirok etib, 163 ochko bilan toʻrtinchi oʻrinni egallagan.
2006-yil yozida Doğulu Sezen Aksu bilan hamkorlikda „Festival“ nomli albomini ommaga taqdim etgan. Mazkur toʻplamdan oʻrin olgan „Çakkıdı“ qoʻshigʻi katta mashhurlikka erishgan[1].
Bigorafiyasi
Doğuluning otasi Yurdaer Doğulu, ukasi esa Ozan Doğulu hisoblanadi. Uning singlisi Cenan Doğulu moda dizayneri sifatida faoliyat yuritmoqda. Kenan Doğulu intervyularidan birida bobosi Gaziantepdan, otasi esa Adanadan ekanini aytib oʻtgan. Shuningdek, u „Doğulu“ familiyasi Isroil bilan bogʻliqlik ehtimoli borligini, avvallari sharqdan kelgan kishilar „Doğulu“ deb atalganini ham taʼkidlagan. Xonanda „Kenan“ ismi Kanʼon yurtini anglatishini qayd etgan[2][3].
Kenan Doğulu 2012-yil fevral oyida aktrisa Beren Saat bilan munosabatlarni boshlagan[4]. Juftlik 2014-yil 23-fevralda Istanbul shahrida unashtirilgan[5] hamda 2014-yil 29-iyulda Los Angeles shahrida yopiq marosimda turmush qurgan[6].
Taʼlimi
Doğulu besh yoshida konservatoriyaning fortepiano yoʻnalishiga birinchi oʻrin bilan qabul qilingan. U olti yil davomida fortepiano boʻyicha tahsil olgan, shuningdek, ustozlari Erkan Alpaydan fleyta, Erdem Sökmendan esa gitara saboqlarini olgan. Shu bilan birga, teatr yoʻnalishida taʼlimni davom ettirgan, bolalar xorida yakkaxon ijrochi sifatida qatnashgan hamda ritm cholgʻulari bilan shugʻullangan.
Doğulu oʻrta taʼlimni Kültür kollejida tamomlagan. Keyinchalik u AQShning New Hampshire hududidagi Hesser Collegeda „Kommunikatsiya“ sertifikat dasturini yakunlagan. Shundan soʻng Los Angelesdagi Musicians Instituteda tahsilni davom ettirgan. Keyinchalik esa Istanbul Bilgi Universityda oʻqigan[7].
Manbalar
- ↑ Ceminay, Cem. „Yaza damga vuranlar“ (tr). Sabah (2006-yil 22-iyul). Qaraldi: 2008-yil 26-iyul.
- ↑ Doğulu surname probably came from Israel. 07.50 minute YouTubeda
- ↑ „Kenan Doğulu Kimdir Kaç Yaşında Nereli?“ (2015-yil iyun).
- ↑ „Kenan Doğulu and Beren Saat, imaged for the first time.“ (2012-yil 10-mart). 2014-yil 3-sentyabrda asl nusxadan arxivlangan.
- ↑ „Kenan Dogulu and Beren Saat got engaged.“. Hürriyet (2014-yil 24-fevral).
- ↑ „Kenan Doğulu and Beren Saat married.“. Hürriyet (2014-yil 30-iyul).
- ↑ „Kenan Doğulu Kimdir? - Kenan Doğulu Hayatı ve Biyografisi“. Haberler.