Ken Welch
Kenneth T. Welch (1964-yil 15-avgustda tug‘ilgan) — AQShlik siyosatchi. U Florida shtatining Sankt-Pitersberg shahri meri lavozimida faoliyat yuritadi. Kenneth T. Welch Demokratik partiya a’zosi hisoblanadi. Mer bo‘lishidan oldin u Florida shtatidagi Pinellas okrugi komissiyasi a’zosi sifatida ishlagan. U Sankt-Pitersberg shahri tarixida birinchi afro-amerikalik mer boʻlgan.
Yoshlik va hayot
Kenneth T. Welch 1964-yil 15-avgustda AQShning Florida shtati, Sankt-Pitersberg shahrida tug‘ilgan. Uning otasi David Welch Sankt-Pitersberg shahar kengashining sobiq a’zosi bo‘lgan hamda buxgalteriya kompaniyasiga asos solgan[1][2]. Kenneth Welch ham ushbu kompaniyada ishlagan Welch Sankt-Pitersberg shahrida tug‘ilib o‘sgan uchinchi avlod vakili hisoblanadi. U bolaligini keyinchalik, Tropicana Field stadionini qurish uchun qayta tashkil etilgan Gas Plant District hududida o‘tkazgan[3]. U Melrose va Bay Point boshlang‘ich maktablarida, Bay Point Middle School hamda Lakewood Senior High Schoolda tahsil olgan. Keyinchalik South Florida universitetida buxgalteriya yo‘nalishida o‘qib, bakalavr darajasini olgan. Shuningdek, u Florida A&M universitetida tahsil olib, biznes boshqaruvi magistri (MBA) darajasini qo‘lga kiritgan[4].
Manbalar
- ↑ DeCamp, David „Pinellas County Commissioner Ken Welch says he won't run for St. Petersburg mayor“. Tampa Bay Times (2010-yil 6-dekabr). 2015-yil 24-sentyabrda asl nusxadan arxivlangan. Qaraldi: 2013-yil 10-oktyabr.
- ↑ „Ken Welch wins primary in quest for fourth County Commission term“. Tampa Bay Times (2012-yil 14-avgust). Qaraldi: 2013-yil 10-oktyabr.
- ↑ Rodriguez, Diedra „From Gas Plant resident to St. Pete mayor, Ken Welch's life comes full circle“. Fox13news.com (2022-yil 13-sentyabr). Qaraldi: 2023-yil 9-aprel.
- ↑ „Board of County Commissioners“. Pinellas County Florida. 2020-yil 29-iyunda asl nusxadan arxivlangan. Qaraldi: 2020-yil 6-may.