Kechqoʻnoq

Kechqoʻnoq Kechqoʻnoq
Qishloq
Mamlakat	Oʻzbekiston
Viloyat	Buxoro viloyati
Tuman	Buxoro tumani
Mahalla fuqarolar yigʻini	Yangiturmush qishloq fuqarolar yigʻini

Kechqoʻnoq — Buxoro viloyati, Buxoro tumanidagi qishloq. Kechqoʻnoq — turkiycha „kechki mehmon“ maʼnosini bildiradi. Biror joyga, biror kimsaning uyiga qoʻngan, tushgan yoʻlovchi — „qoʻnoq“, yaʼni mehmon atamasi bilan ifoda etilgan. Bunga yaqin „qoʻnalgʻa“ atamasi esa qushlar qoʻnib dam oladigan joyga nisbatan qoʻllangan. „Qoʻnoq“ atamasining umumiy maʼnosi „boshpana, pana joy“ demakdir. Shuningdek, qoʻngʻirboshlilar oilasiga mansub boshoqli bir yillik oʻsimlik hamda gʻalla va yem-xashak ekini ham qoʻnoq deyilgan. Shuningdek, qushlar, tovuqlar qoʻnadigan dor ham qoʻnoq deyilgan. Toponim yuzasidan boshqa mulohaza ham mavjud boʻlib, atamaning asl shakli turkmancha „gechqoʻnoq“ boʻlib, gechchilar, yaʼni echkilar kech boʻlganda tunaydigan joy maʼnosini bildiradi. Ushbu hududda istiqomat qilgan aholi tarkibida turkman etnik guruhi salmogʻining yuqoriligi bu fikrni tasdiqlaydi.