Kaula al-Yahudiy
| Kaula al-Yahudi | |
|---|---|
| Tavalludi | tax. 685 |
| Vafoti | 718 |
| Fuqaroligi | Umaviylar xalifaligi |
| Jang/urush | Guadalete jangi |
Kaula al-Yahudiy (tax. 685–711) VIII asrda yashagan yahudiy generali boʻlib, ushbu lavozimga Umaviylar xalifaligi qoʻmondoni Toriq ibn Ziyod tomonidan tayinlangan[1]. 711-yilda vestgotlarga qarshi Jerez jangida muhim rol oʻynagan, shuningdek, yahudiylar hamda berberlardan iborat qoʻshinga boshchilik qilgan. Ushbu jangda vestgotlarga qarshi kurashib, Kataloniyaning bir qismini oʻz nazorati ostiga olgan.
Keyinchalik al-Yahudiy Umaviylar tomonidan Ispaniyaga noib etib tayinlangan al-Hurr ibn Abdurahmonning zolim boshqaruviga qarshi isyon koʻtargan[1]. Biroq al-Hurr kuchliroq qoʻshin bilan unga qarshi hujum qilgan. Kaula orqaga, Lerida (hozirgi Ispaniyaning shimoli-sharqiy qismi) tomon chekinishga majbur boʻlgan. 718-yilda Lerida yaqinida Kaula magʻlubiyatga uchrab, asir olingan va qatl etilgan. Al-Hurr uning qoʻshini tarkibidagi yahudiy jangchilarni ham quvib borgan, ammo ular Kataloniya shaharlaridagi diniy birodarlari, yaʼni yahudiy hamjamiyatlari orasida panoh topishga muvaffaq boʻlgan.
Manbalar
- ↑ 1,0 1,1 Cosman, Madeleine Pelner. Handbook to Life in the Medieval World. Facts On File, 2009 — 318-bet. ISBN 978-1-4381-0907-7.