Kattahovuz mahallasi
Kattahovuz Kattahovuz mahallasi | |
|---|---|
| Mahalla | |
| Mamlakat | Oʻzbekiston |
| Shahar | Toshkent |
| Tuman | Shayxontohur |
| Vaqt mintaqasi | UTC+5 |
| Telefon kodi | +998 (71) |
| Pochta indeks(lar)i | 700004 |
| Avtomobil kodi | 01 |
Kattahovuz mahallasi (Asadulla Xoʻjayev koʻchasi, 2) – Oʻzbekiston Respublikasi Toshkent shahar Shayxontohur tumanidagi mahalla. 1-shahar klinik kasalxonasi yonida joylashgan. Hozirgi Obinazir, Gulobod, Sarxumdon, Yangi shahar, Oqlon mahallalari bilan chegaradosh.[1]
Tarixi
Kattahovuz Koʻkcha dahasidagi qadimiy mahalla. Oʻtmishda Obinazir, Darvoza, Ayrilish, Sarxumdon mahallalari bilan chegaradosh boʻlgan. Mahallada katta hovuz boʻlgan (nomi shundan). Qariyb 350 xonadon yashagan. Aholisi, asosan, oʻzbeklar boʻlib, koʻnchilik, shahar tashqarisidagi yerlarida (Qoʻriqrabod, Choʻponota, Oqtepa, Damachi mavzelarida) dehqonchilik bilan shugʻullangan. Masjid, choyxona, sartaroshxona, baqqollik doʻkonlari boʻlgan (20-asr boshi). Sovet davrida Kattahovuzning hozirgi hududida Gulobod dahasi qurilgan.[1]
1961-yilda yana mahalla sifatida tashkil etilgan. 1995-yildan hozirgi nomi bilan ataladi. Aholisi 3802 kishi, asosan, oʻzbeklar (2009). Mahalla hududida oziq-ovqat doʻkoni, modalar atelesi, bir qancha dorixona, novvoyxona mavjud. Mahalla 1998-yil tubdan oʻzgartirilgan. Mahallada shoir Tavallo va bir qancha taniqli sanʼatkorlar: Lutfixonim Sarimsoqova, Karim Zokirov istiqomat qilgan.[1]