Katsyaryna Andreeva
== ==
| Katsyaryna Andreeva | |
|---|---|
| Кацярына Андрэева | |
 | |
| Tavalludi |
1993-yil 2-noyabr |
| Kasbi | jurnalist |
| Turmush oʻrtogʻi | Ihar Ilyash |
| Mukofotlari |
 Pogonya medali ordeni |
Katsyaryna Andreeva (belaruscha: Кацярына Андрэева; ruscha: Катерина Андреева; haqiqiy ismi: Katsyaryna Andreevna Baxvalava; 1993-yil 2-noyabrda tugʻilgan) – belaruslik jurnalist. Belsat TV telekanalida faoliyat yuritgan. 2020-yilda Raman Bandarenka doʻpposlab oʻldirilgan Minskdagi „Oʻzgarishlar maydoni“dan ushbu voqeani jonli efirda yoritgan.
Andreevna 2020-yil 15-noyabr kuni voqea joyida hibsga olingan va ikki yillik qamoq jazosiga hukm qilingan. 2022-yilda unga nisbatan „davlatga xiyonat“ ayblovi bilan qoʻshimcha sakkiz yillik qamoq jazosi tayinlangan, bu ayblov Amnesty International tomonidan asossiz deb topilgan[1][2].
Yoshlik yillari va martabasi
Andreevna 1993-yil 2-noyabrda Minskda jurnalistlar oilasida dunyoga kelgan. Taxminan ikki yarim yil Minsk davlat tilshunoslik universitetida tahsil olgan, keyinchalik Ispaniyaga koʻchib oʻtgan. U yerda ikki yil davomida ingliz tilidan dars bergan. Soʻngra uyiga qaytib, „Nasha Niva“ gazetasiga jurnalist sifatida ishga kirgan. 2017-yildan esa Belsat TVda oʻz faoliyatini boshlagan[3].
Katsyaryna Andreeva 2020-yilda Ixar Ilyash bilan birgalikda „Belarusian Donbas“ kitobini yozgan[4]. Kitob Belrus xalqi va tashkilotlarining Donbasdagi urushda Rossiya separatist kuchlari tomonida qanday ishtirok etgani haqida yozilgan. Belarus rejimi tomonidan kitob ekstremistik deb topilgan va 2021-yilda sud qarori bilan kitob va undagi barcha maʼlumotlarning butun mamlakat boʻylab tarqalishi taʼqiqlab qoʻyilgan[5].
Katsyaryna birinchi marta 2017-yilda Orshada hibsga olingan[6]. 2020-yil 12-sentabrda esa OMON tomonidan Minskdagi ayollar marshini jonli efirda koʻrsatgani uchun hibsga olinib, uch kunga qamalgan[6].
Shaxsiy hayoti
Katsyaryna Andreeva 2016-yilda jurnalist Ixar Ilyash bilan oila qurgan[7].
Manbalar
- ↑ „Belarus: Immediately release journalist sentenced to eight years on bogus "state treason" charges“. Amnesty International (2022-yil 13-iyul). Qaraldi: 2024-yil 28-fevral.
- ↑ „Belarusian journalist sentenced to more than eight years in prison“ (en). euronews (2022-yil 13-iyul).
- ↑ Панкавец. „Хто такая журналістка Кацярына Андрэева? Расказваюць яе муж і дзядуля“ (be). Nasha Niva (2020-yil 21-noyabr). 2021-yil 25-martda asl nusxadan arxivlangan. Qaraldi: 2021-yil 25-mart.
- ↑ Панкавец. „Хто такая журналістка Кацярына Андрэева? Расказваюць яе муж і дзядуля“ (be). Nasha Niva (2020-yil 21-noyabr). 2021-yil 25-martda asl nusxadan arxivlangan. Qaraldi: 2021-yil 25-mart.
- ↑ „В Минске судили книгу "Белорусский Донбасс". Признали экстремистской“ (ru). Belsat TV (2021-yil 26-mart). 2021-yil 27-martda asl nusxadan arxivlangan. Qaraldi: 2021-yil 27-mart.
- ↑ 6,0 6,1 Styrczula. „Mąż aresztowanej reporterki Biełsatu: "To tak bolesne nie móc przytulić ukochanej osoby"“ (pl). Belsat TV (2021-yil 5-fevral). 2021-yil 5-fevralda asl nusxadan arxivlangan. Qaraldi: 2021-yil 27-mart.
- ↑ Панкавец. „Хто такая журналістка Кацярына Андрэева? Расказваюць яе муж і дзядуля“ (be). Nasha Niva (2020-yil 21-noyabr). 2021-yil 25-martda asl nusxadan arxivlangan. Qaraldi: 2021-yil 25-mart.