Kontent qismiga oʻtish

Katja Dedekind

ZiyoSfera, erkin ensiklopediya
Katja Dedekind
Shaxsiy maʼlumotlari
Jinsi ayol
Taxallusi/Laqabi Kitty-Kat
Fuqaroligi Avstraliya bayrogʻi Avstraliya
Tavallud sanasi 2001-yil 17-avgust
Durban, Janubiy Afrika
Sport
Qaysi sport para suzish, golbol
Klubi Yeronga Park Swim Club
Murabbiy(lar)i Nathan Doyle, Kate Sparkes

Katja Dedekind (2001-yil 17-avgustda tugʻilgan) – avstraliyalik para suzuvchi (koʻrish qobiliyati buzilishi tashxisi qoʻyilgan) va golbolchi. 2016-yil Rio-de-Janeyroda boʻlib oʻtgan Yozgi Paralimpiya oʻyinlarida bronza medalini, 2020-yil Tokio Paralimpiya oʻyinlarida ikkita bronza medalini qoʻlga kiritgan[1][2][3].

Shaxsiy hayoti

Dedekind 2001-yil 17-avgustda Janubiy Afrikaning Durban shahrida tugʻilgan[4]. Egizak ukasi bor[4]. U tugʻma katarakta va ambliopiyadan aziyat chekadi, oʻng koʻzi butunlay koʻrmaydi, chap koʻzining koʻrish qobiliyati esa cheklangan[5]. Avval Brisbane shahridagi Kenmore hududida yashagan[5] Dedekind hozirda Sunshine Coastda istiqomat qiladi. U 2019-yilda Buderimdagi Matthew Flinders Anglican College maktabini tamomlagan[6].

2018-yil mart oyida Dedekind XXI Butunjahon Hamdoʻstlik oʻyinlari oldidan 3500 nafar avstraliyalik ishtirokchidan biri sifatida Qirolicha Baton estafetasida ishtirok etish sharafiga muyassar boʻlgan[5].

Dedekind Grffith universitetida Axborot-kommunikatsiya yoʻnalishi boʻyicha tahsil olayotgan paytida „Sporting Full Blue“ mukofoti bilan taqdirlangan[7].

Dedekindning shiori: „Agar biror narsa seni qiynamasa, oʻsha narsa seni oʻzgartira olmaydi“[8].

Sport faoliyati

Dedekind suzish va golbol sporti bilan shugʻullanadi. Suzish boʻyicha S13 toifasida raqobat olib boradi.

U 2012-yilda „kelib koʻr va sinab koʻr“ (come and try) kunida qatnashganidan soʻng golbol bilan shugʻullanishni boshlagan. Oʻsha yili Melburnda boʻlib oʻtgan Avstraliya Golbol chempionatida „Eng yaxshi yosh himoyachi“ unvoniga sazovor boʻlgan[4]. 2013-yilda Sidneyda oʻtkazilgan Australian Invitational Cup musobaqasida gʻolib boʻlgan jamoa tarkibida edi[8].

Dedekind suzishni egizak ukasi bilan birga yoshligidan boshlagan, biroq musobaqalarda 2012-yildan boshlab qatnashgan[4]. 2015-yilda boʻlib oʻtgan Queensland shtati sprint suzish chempionatida nogironligi boʻlgan sportchilar orasida „Musobaqaning eng yaxshi suzuvchisi“ unvoniga loyiq topilgan[4]. Shu yili oʻtkazilgan SSA Tinch okeani maktab oʻyinlarida Dedekind 3 ta oltin va 5 ta kumush medalni qoʻlga kiritgan. 2016-yilgi Avstraliya suzish chempionatida ayollar oʻrtasida 200 metrga erkin usulda suzish bahslarida bronza medalini, 50 metrga chalqancha suzish bahslarida beshinchi oʻrinni va 50 metrga batterfley usulida suzish bahslarida yana beshinchi oʻrinni egallagan[4]. Sportchi Queensland universitetining UQ Swim Club suzish klubi aʼzosi boʻlib, u yerda David Heyden murabbiyligi ostida mashgʻulot olib borgan[4][9].

2016-yilda Dedekind Avstraliya terma jamoasi tarkibida Rio-de-Janeyroda boʻlib oʻtgan Paralimpiya oʻyinlarida ishtirok etuvchilar safidan joy olgan[10]. U toʻrtta yoʻnalishda raqobat olib borgan va ulardan bittasida sovrinli oʻrinni egallagan. U ayollar oʻrtasida S13 toifasida 100 metrga chalqancha suzish bahslarida bronza medalini qoʻlga kiritgan. Shuningdek, xuddi shu toifada 400 metrga erkin usulda suzish yoʻnalishida yettinchi oʻrinni egallagan[11]. Biroq sportchi 50 va 100 metrga erkin usulda suzish ahslarida final bosqichiga chiqa olmagan[12][13].

2018-yil avgust oyida Dedekind 17 yoshga toʻlishidan biroz oldin Queensland shtatining Cairns shahrida boʻlib oʻtgan Pan Pacific para suzish chempionatida 100 metrga chalqancha suzish boʻyicha oʻzining eng yaxshi natijasini qayd etib, oltin medalni qoʻlga kiritdi[14]. Shuningdek, u ayollar oʻrtasida SM12/13 toifasida 200 metrga kompleks suzish bahslarida bronza medalini, S13 toifasida 400 metrga erkin usulda suzish yoʻnalishida esa kumush medalni qoʻlga kiritdi.

Dedekind 2019-yilda Londonda boʻlib oʻtgan para suzish boʻyicha jahon chempionatida toʻrtta yoʻnalishda ishtirok etdi, biroq sovrindor sportchilar qatoridan joy egallay olmadi[15].

Sportchi Avstraliya suzuvchilar rasmiy terma jamoasi „Australian Dolphins“ aʼzosi hisoblanadi. 2020-yil Tokio Paralimpiya oʻyinlariga tayyorgarlik koʻrayotgan davrda Dedekindga Nathan Doyle murabbiylik qilgan[6][16]. Tokiodagi Paralimpiya oʻyinlarida Dedekind ayollar oʻrtasida S13 toifasida 100 metrga chalqancha suzish bahslarida 1.06.49 natija bilan bronza medalini qoʻlga kiritdi. Saralash bosqichida esa 1.07.38 natijani qayd etgan va bu uning eng yaxshi natijasi edi. Shuningdek, Dedekind ayollar oʻrtasida S13 toifasida 400 metrga erkin usulda suzish yoʻnalishida ham bronza medalini qoʻlga kiritdi[17][18]. Bu masofani u 4.35.87 soniyada bosib oʻtgan va bu koʻrsatkich oltin medal sohibasi ukrainalik Anna Stetsenkoning natijasidan 12 soniyaga ortda edi. Dedekind S13 toifasida 50 metrga erkin usulda suzish bahslarida ham qatnashdi. Musobaqaning final bosqichiga qadar yetib borgan boʻlsa-da, yakunda toʻrtinchi oʻrinni egalladi[19].

2022-yilda Madeirada boʻlib oʻtgan para suzish boʻyicha jahon chempionatida Dedekind uchta medal, jumladan, S13 toifasida ayollar oʻrtasida 50 metrga erkin usulda suzish bahslarida oltin medal, 100 metrga orqa chalqancha suzish va 400 metrga erkin usulda suzish yoʻnalishlarida kumush medalga sazovor boʻldi[20].

2022-yil Birmingemda boʻlib oʻtgan Hamdoʻstlik oʻyinlarida Dedekind ayollar oʻrtasida S13 toifasida 50 metrga erkin usulda suzish musobaqasida jahon rekordini oʻrnatdi va oltin medalni qoʻlga kiritdi[21][22]. 2023-yilda Angliyaning Manchester shahrida oʻtkazilgan para suzish boʻyicha jahon chempionatida u yana uchta medal, oltin, kumush va bronza medallarini qoʻlga kiritdi.

2022-yil iyun oylarida Dedekind SC Spartans klubini tark etib, Yeronga Park suzish klubiga oʻtdi. U yerda Robert van der Zant va Kate Sparkes murabbiyligida shugʻullana boshladi[23].

2024-yil Parijda boʻlib oʻtgan Yozgi Paralimpiya oʻyinlarida Dedekind S13 toifasida ayollar oʻrtasida 50 metrga erkin usulda suzish musobaqasida ishtirok etdi, biroq finalga chiqa olmadi[24].

Mukofotlari

  • 2016 – „Yilning yosh ayol sportchisi“, Sporting Wheelies va nogironlar uyushmasi[25];
  • 2021 – Sunshine Coast universiteti tomonidan „Yil sportchisi“[26];
  • 2022 – „Nogironligi boʻlgan eng yaxshi sportchi“, Queensland Sport[27].

Manbalar

  1. ↑ „Australian Paralympic Swimming Team announced“. Australian Paralympic Committee News, 1 August 2016. 2016-yil 29-avgustda asl nusxadan arxivlangan. Qaraldi: 2016-yil 1-avgust.
  2. ↑ „Katja Dedekind“. Rio Paralympics Official site. 2016-yil 23-sentyabrda asl nusxadan arxivlangan. Qaraldi: 2016-yil 18-sentyabr.
  3. ↑ „Paralympics Australia Names Powerful Para-Swimming Team For Tokyo“. Paralympics Australia (2021-yil 16-iyun). Qaraldi: 2021-yil 17-iyun.
  4. ↑ 4,0 4,1 4,2 4,3 4,4 4,5 4,6 „Katja Dedekind“. Australian Paralympic Committee website (2016-yil 21-iyul). Qaraldi: 2016-yil 1-avgust.„Katja Dedekind“. Australian Paralympic Committee website. 21 July 2016. Retrieved 1 August 2016.
  5. ↑ 5,0 5,1 5,2 O’Malley, Brendan. „An inspiring young swimmer will carry the Queen's baton in the Gold Coast Commonwealth Games“. Courier-Mail (Brisbane) (2017-yil 21-noyabr). Qaraldi: 2018-yil 24-avgust.
  6. ↑ 6,0 6,1 „Get to know Katja Dedekind“. Swimming Australia. Qaraldi: 2018-yil 24-avgust.
  7. ↑ Dobson. „Cass makes a big splash at Griffith Sports Blues Awards“ (en-EN). news.griffith.edu.au (2023-yil 16-noyabr). Qaraldi: 2023-yil 19-noyabr.
  8. ↑ 8,0 8,1 „Katja Dedekind-Goalball“. Sporting Dreams website. Qaraldi: 2016-yil 1-avgust.
  9. ↑ „True Story Tuesday: Katja Dedekind & Dave Heyden“. YouTube (2016-yil 18-aprel). Qaraldi: 2016-yil 1-avgust.
  10. ↑ „Swimming (Athletes)“. Athletes Selected for Rio. Australian Paralympic Committee (2015-yil 26-avgust). Qaraldi: 2016-yil 30-sentyabr.
  11. ↑ „Katja Dedekind“. Rio Official Results. Rio 2016 Paralympic Games. 2016-yil 23-sentyabrda asl nusxadan arxivlangan. Qaraldi: 2016-yil 30-sentyabr.
  12. ↑ „Katja Dedekind“. Rio Official Results. Rio 2016 Paralympic Games. 2016-yil 2-oktyabrda asl nusxadan arxivlangan. Qaraldi: 2016-yil 30-sentyabr.
  13. ↑ „Katja Dedekind“. Rio Official Results. Rio 2016 Paralympic Games. 2016-yil 23-sentyabrda asl nusxadan arxivlangan. Qaraldi: 2016-yil 30-sentyabr.
  14. ↑ „Cairns: Katja later – Dedekind and Dolphins deliver more gold for Australia“. Swimming Australia. Qaraldi: 2018-yil 24-avgust.
  15. ↑ „Katja Dedekind“. Swimming Australia. 2021-yil 19-aprelda asl nusxadan arxivlangan. Qaraldi: 2021-yil 22-iyun.
  16. ↑ Cumming, Stuart. „Teen targets Tokyo success in crucial build-up swim“. Susnshine Coast Daily (2018-yil 3-avgust). Qaraldi: 2018-yil 24-avgust.
  17. ↑ „Paralympics Australia Names Powerful Para-Swimming Team For Tokyo“. Paralympics Australia (2021-yil 16-iyun). 2021-yil 24-iyunda asl nusxadan arxivlangan. Qaraldi: 2021-yil 20-iyun.
  18. ↑ „Swimming - DEDEKIND Katja - Tokyo 2020 Paralympics“. Tokyo2020.org. Tokyo Organising Committee of the Olympic and Paralympic Games. Qaraldi: 2021-yil 26-avgust.
  19. ↑ „Australian Paralympic Team for Tokyo 2021“ (en-US). The Roar. Qaraldi: 2022-yil 20-iyul.
  20. ↑ „Dolphins Create Australian Swimming History In Portugal“. Swimming Australia (2022-yil 21-iyun). Qaraldi: 2022-yil 15-avgust.
  21. ↑ „Cole, Patterson And Levy Amongst Stars Of The Pool Ready To Splash And Dash In Birmingham“. Commonwealth Games Australia (2022-yil 5-may). Qaraldi: 2022-yil 6-may.
  22. ↑ „2022 Commonwealth Games Results“. Commonwealth Games Australia (2020-yil 16-iyun). Qaraldi: 2022-yil 15-avgust.
  23. ↑ „Yeronga Park Memorial Swimming Pool“ (en). www.brisbane.qld.gov.au. Qaraldi: 2022-yil 20-iyul.
  24. ↑ „Paralympics Australia Names Swimming Team For Paris 2024 Games“. Paralympics Australia (2024-yil 14-iyun). Qaraldi: 2024-yil 15-iyun.
  25. ↑ „2016 Annual Awards winners“. Sporting Wheelies and Disabled Association website. 2016-yil 20-dekabrda asl nusxadan arxivlangan. Qaraldi: 2016-yil 15-dekabr.
  26. ↑ „Paralympic medallist is USC's top athlete for 2021“. University of Sunshine Coast News (2021-yil 24-noyabr). 2021-yil 24-noyabrda asl nusxadan arxivlangan. Qaraldi: 2021-yil 25-noyabr.
  27. ↑ „Golf's Cameron Smith Wins The Courier Mail Channel Seven Queensland Sport Star Award For 2022“. QSport (2022-yil 25-noyabr). Qaraldi: 2022-yil 29-noyabr. 
"https://ziyosfera.uz/index.php?title=Katja_Dedekind&oldid=538720" dan olindi