Karolína Muchová
| Karolína Muchová | |
|---|---|
|
Fayl:Karolína Muchová (2023 US Open) 25 (cropped2).jpg Muchová 2023-yilgi AQSh ochiq chempionatida | |
| Mamlakat |
 Chexiya |
| Tugʻilishi |
1996-yil 21-avgust Olomouts, Chexiya |
| Boʻyi | 1,80 sm |
| Professionallik | 2013 |
| Ishlatadigan qoʻli | Oʻng qoʻl |
| Murabbiy | Sven Groeneveld (2026-hozirgacha) [1]. |
| Olgan jami pul mukofot(lar)i miqdori | $11,482,721 |
| Yakkalik bahslar | |
| Jami titullari | 2 |
| Eng yuqori pozitsiyasi | 8-oʻrin (2023-yil 11-sentyabr) |
| Joriy pozitsiyasi | 11-oʻrin (2026-yil 16-fevral) |
| „Katta dubulgʻa“ turniri yakkalik bahslari natijalari | |
| Australian Open | YF (2021) |
| French Open | F (2023) |
| Wimbledon | ChF (2019, 2021) |
| US Open | YF (2023, 2024) |
| Boshqa turnirlar | |
| Olympic Games | 1-bosqich (2024) |
| Juftlik bahslari | |
| Jami titullari | 0 |
| Eng yuqori pozitsiyasi | 156-oʻrin (2026-yil 12-yanvar) |
| Joriy pozitsiyasi | 157-oʻrin (2026-yil 16-fevral) |
| „Katta dubulgʻa“ turniri juftlik bahslari natijalari | |
| Australian Open | 1-bosqich (2020) |
| French Open | 1-bosqich (2019) |
| US Open | 2-bosqich (2019) |
| Boshqa juftlik turnirlari | |
| Olimpiyada oʻyinlari | YF (2024) |
| „Katta dubulgʻa“ turniri aralash juftlik bahslari natijalari | |
| US Open | ChF (2025) |
| Jamoa musobaqalari | |
| Fed Cup | 3–2 |
| Soʻnggi marta yangilandi: 2026-yil 16-fevral. | |
_25_(cropped2).jpg){kind=link}
Karolína Muchová (1996-yil 21-avgustda tugʻilgan) — chexiyalik professional tennischi. 2023-yil sentyabr oyida yakkalik bahslari boʻyicha dunyo reytingida 8-oʻrinni, 2026-yil yanvarida esa juftlik bahslarida 156-oʻrinni egallagan. Bu uning sport faoliyatidagi eng yuqori koʻrsatkichlari hisoblanadi. Hozirda Chexiyaning WTA yakkalik bahslari reytingida 1-raqamli raketka ustasi.
Muchová ikki marta WTA Tur yakkalik bahslari chempioni boʻlgan, jumladan, 2026-yilgi Qatar Ochiq chempionatidagi WTA 1000 turnirida gʻalaba qozongan. U 2023-yilgi Fransiya ochiq chempionati „Katta dubulgʻa“ turnirida yakkalik bahslari finalida ishtirok etgan.
Muchová 2013-yilda professional tennischiga aylangan[2]. U 2018-yilgi AQSh ochiq chempionatida ikki karra „Katta dubulgʻa“ turniri chempioni Garbiñe Muguruzani ikkinchi davrada magʻlub etib, ilk bor keng omma eʼtiborini oʻziga qaratgan. 2019-yilda Muchová Wimbledon musobaqasi chorak finaliga dunyo reytingida 3-oʻrinda turgan Karolína Plíškováni magʻlub etgan holda yoʻllanmani qoʻlga kiritgan. 2021-yilgi Avstraliya ochiq chempionatida sportchi dunyoning 1-raqamli raketka ustasi, mezbonlarning sevimli sportchisi boʻlgan Ashleigh Bartyni yengib, yarim finalga yoʻl olgan. 2023-yilgi Fransiya ochiq chempionatida sportchi dunyoning 2-raqamli oʻyinchisi Arina Sabalenkani ogʻir kechgan yarim final bahsida magʻlub etib, ilk bor „Katta dubulgʻa“ finalida ishtirok etgan. Final uchrashuvida u amaldagi chempion, dunyoning 1-raqamli tennischisi Iga Shvyontekka qarshi uch setlik murosasiz bahsda magʻlubiyatga uchragan va shohsupaning ikkinchi pogʻonasidan joy egallagan.
Yoshligi
Karolína Muchová 1996-yil avgust oyida Chexiyaning Olomouts shahrida tugʻilgan[3]. Uning otasi Jozef Mucha sobiq chexiyalik futbolchi hisoblanadi[4]. U qizini yetti yoshida tennisga olib kirgan. Uning akasi ham boʻlib, ular bolaliklarida birgalikda koʻplab sport turlari bilan shugʻullanishgan. Uyiga yaqin joyda tennis kortlari boʻlgani uchun Muchová tennis raketkasini qoʻliga olgan va taxminan 12 yoshiga kelib, gandboldan koʻra tennis sportinini tanlashga qaror qilgan[5]. 2019-yilda Muchová mashgʻulotlarni oʻtash uchun Pragaga koʻchib oʻtib, I. ČLTK Prague klubida tayyorlana boshlagan[3][5].
Sport faoliyati
Muchová 2013-yil oktyabr oyida 17 yoshida ITF ayollar davrasida oʻynashni boshlagan. Uning ilk turniri Dubrovnikda oʻtkazilgan sovrin jamgʻarmasi 10 ming dollarlik musobaqa boʻlib, u yerda sportchi ikkinchi davragacha yetib borgan[6]. Keyingi yilning iyul oyida u Slovakiyaning Michalovce shahrida oʻzining ilk ITF chempionligini qoʻlga kiritdi. Shundan soʻng Muchová 2016-yil martigacha sust natijalar qayd etdi, ammo oʻsha oyda Sharm ash-Shayxda oʻtkazilgan musobaqada yakkalik bahslari boʻyicha oʻzining ikkinchi chempionligini qoʻlga kiritdi. Ikki haftadan soʻng xuddi shu arenada oʻtkazilgan yana bir turnirda gʻolib chiqdi[7].
Manbalar
- ↑ „Muchová welcomes new coach in her team“. twitter.com. Qaraldi: 2026-yil 24-yanvar.
- ↑ Mastroluca, Alessandro „Karolina Muchova's got talent: guile and power to change her career“. tennisworldusa.org (2018-yil 31-avgust). Qaraldi: 2020-yil 7-dekabr.
- ↑ 3,0 3,1 „Karolina Muchova Bio“. WTA Tennis. Qaraldi: 2020-yil 6-dekabr.
- ↑ Němý, Miroslav. „Půlnoční drama. Jak kvalifikantka Muchová složila šampionku: Je to sen“ (cs). idnes.cz (2018-yil 30-avgust). Qaraldi: 2018-yil 30-avgust.
- ↑ 5,0 5,1 Nguyen, Courtney „Getting to Know: Karolina Muchova - 'I never had a Plan B'“. WTA Tennis (2020-yil 24-avgust). Qaraldi: 2020-yil 6-dekabr.
- ↑ „Karolina Muchova Matches“. WTA Tennis. Qaraldi: 2020-yil 6-dekabr.
- ↑ „Karolina Muchova Singles Activity“. ITF. Qaraldi: 2020-yil 7-dekabr.