Kariné Poghosyan

Kariné Poghosyan
Kariné Poghosyan
	; Kariné Poghosyan Carnegie Hall sahnasida chiqish qilmoqda
Umumiy maʼlumot
Tavalludi	1980-yil; Yerevan, Armaniston
Kasbi	pianist
Fuqaroligi	Armaniston, AQSh

Kariné Pogosyan – asli arman millatiga mansub pianist. Bugungi kunda Nyu-Yorkda istiqomat qiladi. Orkestr bilan ilk bora 14 yoshida sahnaga chiqish qilgan hamda Ludwig van Beethovenning Piano Concerto No. 1 asarini ijro etgan. Ilk yakkaxon konsertini 23 yoshida Carnegie Hall’da bergan. Shundan keyin koʻplab mukofotlarga sazovor boʻlib, dunyoning eng nufuzli konsert zallarida chiqish qilib kelmoqda.

Biografiyasi

Poghosyan musiqa boʻyicha ilk tahsilini tugʻilgan shahri Yerevandagi 1-sonli sanʼat maktabida boshlagan. Keyinchalik Romanos Melikian kolleji va Komitas nomidagi davlat konservatoriyasida oʻqishni davom ettirgan. Armanistondagi ustozlari orasida Irina Gazarian, Vatche Umr-Shat va Svetlana Dadyanlar boʻlgan. 1998-yilda Qoʻshma Shtatlarga koʻchib oʻtgach, Northridgedagi Kaliforniya shtati universitetida professor Françoise Regnat qoʻl ostida musiqa boʻyicha bakalavr (BM) darajasini summa cum laude, yaʼni eng yuqori faxriy unvon bilan egallagan. Shuningdek, Manhattan musiqa maktabida doktor Arkady Aronov rahbarligida magistratura (MM) va musiqa doktori (D. M. A.) darajalarini olgan. Poghosyan doktorlik darajasini rekord darajada qisqa, yaʼni atigi ikki yilda yakunlagan. Hozirda Nyu-Yorkda istiqomat qiladi va oʻzi tahsil olgan Manhattan musiqa maktabida kollej va maktabgacha darajadagi talabalarga dars beradi. Uning eng mashhur shogirdlaridan biri mashhur qoʻshiqchi Charlie Puth Poghosyan qoʻl ostida pre-kollej dasturida tahsil olgan.

Musiqiy faoliyati

Poghosyan Carnegie Hallning Weill Recital Hall zali^[1], Merkin Concert Hall, Steinway Hall, Trinity cherkovidagi Concerts at One dasturi, Beverly Hillsdagi Sundays at Two konsertlar turkumi, Los-Anjeles filarmoniyasi uchun Valley qoʻmitasi, Kaliforniyadagi Bach’s Lunch konsertlar seriyasi, Young Artists International Peninsula festivali va Nyu-Yorkdagi International Keyboard Institute and Festivalda oʻzining yakkaxon konsertlari bilan ishtirok etgan.

2007-yilning kuzida Poghosyan Yamaha piano salonida „Twentieth Century Piano Sonata“ (Yigirmanchi asr pianino sonatasi) nomli uch qismdan iborat konsert turkumini tashkil etib, unda oʻzi ham ijrochi sifatida qatnashgan. Nyu-Yorkdagi Sent-Vartan arman soborida Armanlar genotsidining 95 yilligiga bagʻishlangan „Requiem and Resurrection“ konsertini tashkil etishda yordam bergan. Ushbu konsertda Xachaturyanning fortepiano sonatasini ijro etib, tomoshabinlar tomonidan olqish bilan kutib olingan va ijrosi „hayratomuz“ deya baholangan. The Armenian Mirror Spectator gazetasi u haqida shunday yozgan: „Xachaturyanning kamdan-kam ijro etiladigan uch qismdan iborat sonatasi virtuoz pianinochi uchun haqiqiy mahorat sinovidir. Texnik jihatdan begʻubor ijroda Poghosyan tashqi qismlardagi kuchli harakatni va markaziy boʻlimdagi yurakni ezgu gʻam bilan toʻldiruvchi goʻzallikni mahorat bilan ochib berdi“^[2].

Poghosyan yakkaxon ijrochi sifatida koʻplab orkestrlar bilan, jumladan, New West Symphony, Park Avenue Chamber Symphony Orchestra, Musica Bella Symphony Orchestra, CSUN Symphony, Kokolo Ensemble va Greater Newburgh Symphony Orchestra bilan sahnaga chiqqan. Greater Newburgh Symphony Orchestraning musiqa direktori doktor Choe uni „tomoshabinlarni oʻziga tortuvchi ijrochi“ va „tugʻma ijrochi“ deya taʼriflagan. Poghosyan mashhur sanʼatkorlar Alicia de Larrocha, Claude Franck, Jon OʻConnor va Jerome Rosening mahorat darslarida ham ishtirok etgan.

Manbalar

↑ „Kariné Poghosyan Celebrates the 100th Anniversary of Gershwin's Rhapsody in Blue at Carnegie Hall“. Broadway World (2024-yil 31-yanvar). Qaraldi: 2024-yil 15-fevral.
↑ „Pianist Karine Poghosyan to Play St. Vartan Cathedral“. BWWClassical MusicWorld by www.broadwayworld.com (2013-yil 27-avgust). Qaraldi: 2013-yil 29-noyabr.

Havolalar

[1] „Kariné Poghosyan Celebrates the 100th Anniversary of Gershwin's Rhapsody in Blue at Carnegie Hall“. Broadway World (2024-yil 31-yanvar). Qaraldi: 2024-yil 15-fevral.

[2] „Pianist Karine Poghosyan to Play St. Vartan Cathedral“. BWWClassical MusicWorld by www.broadwayworld.com (2013-yil 27-avgust). Qaraldi: 2013-yil 29-noyabr.

[1]

[2]