Kamolot mahallasi (Mirzo Ulugʻbek tumani)
Kamolot Kamolot mahallasi | |
|---|---|
| Mahalla | |
| Mamlakat | Oʻzbekiston |
| Shahar | Toshkent |
| Tuman | Mirzo Ulugʻbek |
| Vaqt mintaqasi | UTC+5 |
| Telefon kodi | +998 (71) |
| Pochta indeks(lar)i | 700125 |
| Avtomobil kodi | 01 |
Kamolot mahallasi (Feruza mavzesi, 33-uy) – Oʻzbekiston Respublikasi Toshkent shahar Mirzo Ulugʻbek tumanidagi mahalla. Shalola, Feruza, Katta Yalongʻochota mahallalari bilan chegaradosh. 1996-yil 29-aprelda tashkil topgan.[1] 2016-yil 28-aprelgacha Yalongʻochota mahallasi nomi bilan yuritilgan. Oʻsha yili 21-apreldagi Xalq deputatlari Toshkent shahar kengashi qaroriga binoan mahalla nomi Kamolot deb oʻzgartirilgan.[2]
Xalq deputatlari Toshkent shahar kengashining 2021-yil 29-apreldagi 364/39-6-sonli qaroriga muvofiq Kamolot mahallasining bir qismida Yangi Kamolot mahallasi tashkil etilgan.[3]
Mahalla keksalarning fikricha, 1908-yilgacha mahalla hududida chaylada Yalongʻoch nomi bilan mashur boʻlgan avliyo oʻtgan. U qish mavsumida ham oyoq yalang, bir yaktada yurgan va oʻziga xos karomatlar koʻrsatgan. Joy nomi shu shaxsga nisbatan berilib „Yalongʻochota“ deyiladi. Aslida bu unchalik toʻgʻri emas, chunki bu atama 19-asrda ham mavjud boʻlgan. Yalongʻochota – oʻtmishda oʻzbek va qozoq xalqlarida shamol homiysi hisoblangan (Katta Yalongʻochota). Aholisi 8 952 kishi, asosan, oʻzbeklar, shuningdek, 19 ta millat vakillari yashaydi. Mahalla hududida 4 ta avto-korxona, farmatsevtika korxonasi, 2 ta oʻrta maktab, 4 ta bolalar bogʻchasi, Respublika ixtisoslashtirilgan akusherlik va ginekologiya ilmiy amaliy tibbiyot markazi joylashgan.[4]
Manbalar
- ↑ „"KAMOLOT" mahalla fuqarolar yig'ini“. orginfo.uz. Qaraldi: 18-aprel 2025-yil.
- ↑ „Toshkent shahridagi 100dan ortiq mahalla qayta nomlandi“. Kun.uz. Web Expert (2016-yil 29-aprel). Qaraldi: 18-aprel 2025-yil.
- ↑ „“Mirzo Ulug‘bek tumanidagi ayrim mahallalarni bo‘lish hisobiga yangi mahalla tashkil etish, nom berish hamda ularning chegaralarini o‘zgartirish va belgilash to‘g‘risida” gi Xalq deputatlari Toshkent shahar kengashining 364/39-6-sonli Qarori“. lex.uz. Oʻzbekiston Respublikasi Adliya vazirligi (2021-yil 29-aprel). Qaraldi: 18-aprel 2025-yil.
- ↑ Toshkent.Ensikopediya. Toshkent: Oʻzbekiston, 2009 — 680-681-bet.