Kaltaqoʻl
 | Bu maqolaga boshqa birorta sahifadan
ishorat yoʻq. (avgust 2024) |
Kaltaqo'l | |
|---|---|
| qishloq | |
| 38°50′37″N 67°7′37″E / 38.84361°N 67.12694°E | |
| Mamlakat | Oʻzbekiston |
| viloyat | Qashqadaryo viloyati |
| tuman | Yakkabog' tumani |
| Rasmiy til(lar)i | o'zbek |
| Aholisi (2023) |
619 kishi |
| Vaqt mintaqasi | UTC+5 |
| Telefon kodi | +998 |
| Avtomobil kodi | 70 |
|
| |
Kaltaqoʻl - qishloq nomining kelib chiqishi turli manbalarga ko'ra (Kaltag'o'l (soylik) kichik daralar) ba'zi manbalarga ko'ra Amir Temur ushbu manzilga yetganda, dushman qo'shinlari ancha olisda bo'lganligi sababli Amir Temur tomonidan aytilgan dushmanning qo'li kalta, uzoqda degan so'zlardan kelib chiqqan[1].
Kaltaqoʻl — Oʻzbekiston Respublikasining Qashqadaryo viloyatiga qarashli qishloq. Yakkabogʻ tumani Tatar MFY tarkibiga kiradi. Qishloq aholisi (o'zbek, tojik millatiga tegishli) 120 xo'jalikka yaqin (619 kishi 2023-yil holatiga ko'ra)[2]. Qishloq shimol tomondan Qizil, sharq tomondan Ko'ldara, Avg'a va janub tomondan Opqo'l qisman Ulog'o'ynar tog'lari bilan o'ralgan. Qishloq aholisi asosan dehqonchilik, chorvachilik, kam miqdorda asalarichilik, baliqchilik bilan shug'ullanadi.
Tabiati - Kaltaqo'l qishlog'i dengiz sathidan 1500 metr balandlikda joylashgan. Qishloq tabiati to'rt faslga mos, qishda 15-25℃ sovuq, yozda 30-35℃ issiq, bahor va kuz oylarida yog'ingarchilik kuchayib soylarda sel kelishi ortadi[3]. Qishloq hududi Qizilsuv o'rmon xo'jaligi tarkibiga kirgani bois qishloq atrofida olmazor, yong'oqzorlar mavjud. Havosi toza, musaffo, mevali daraxt va butalar (pista, bodom, do'lana, namatak, archa, irg'ay, jiyda, olma, gilos, uchqat, yong'oq, zirk (qoraqand) va b) va hayvonot dunyosi (Bo'ri, ayiq, quyon, burgut, kaklik, tulki, silovsin,toshbaqa,)ga boy. Qishloqqa yaqin tog' yonbag'irlarida tog' giyohlari (zira, alqor, kiyiko't, qizilmiya, ayiqquloq, arpabadyon, ravoch, sunbula, isiriq, shuvoq, zubturum, anzur (yovvoyi piyoz) va b mavjud. Hududda olib borilayotgan geologik tadqiqotlar natijasida, tog'larda foydali qazilmalardan istiqbolli polimetal konlari va ko'mir konlari aniqlangan.
Maktab - Kaltaqoʻl qishlog'ida 78-umumiy o'rta ta'lim maktabi faoliyat yuritadi. Maktabda 150 ga yaqin boshlang'ich va yuqori sinf o'quvchilari tahsil oladi.
Dam olish maydonlari - Kaltaqo'l qishlog'ida dam olish uchun qulay yong'oqzorlar, olmazor, archazor, qorli tog'lar, sharsharalar va qadimiy tog' ustunlari mavjud. Bundan tashqari qishloq orqali Amir Timur g'origa olib boradigan yo'l mavjud.[1]
- ↑ 1,0 1,1 Kaltaqo'l qishlog'i (2023-07-26), Kaltaqo‘l qishlog‘i, qaraldi: 2026-01-16
- ↑ „Yakkabogʻ tumani“, Vikipediya, 2025-08-17, qaraldi: 2026-01-16
- ↑ Kaltaqo'l qishlog'i (2025-02-02), Kaltaqo‘l qishlog‘i, Qashqadaryo viloyati Yakkabog‘ tumani, qaraldi: 2026-01-16
Ushbu maqola 16.01.2026 yil To'rayev Shaxzod tomonidan tahrir etildi.
 | Oʻzbekiston haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |
Qishloq haqida batafsil Kaltaqo'l qishlog'i telegram kanalidan ma'lumot olishingiz mumkun.[1]
- ↑ Manba xatosi: Invalid
<ref>tag; no text was provided for refs named:1