Kalliopi Kehajia
| Kalliopi A. Kehagia | |
|---|---|
 | |
| Tavalludi |
Καλλιόπη Κεχαγιά taxminan 1839 |
| Vafoti | 1905 |
| Mashhur ishlari | pedagog, feminist, ayollar huquqi himoyachisi, akademik administrator |
Kalliopi A. Kehajia (Καλλιόπη Κεχαγιά) (taxm. 1839–1905), yunon feminist va maʼrifatchi edi. Afinadagi Hill qizlar maktabi hamda Konstantinopoldagi Zappeion Qizlar maktabi direktori boʻlib ishlagan, shuningdek, Ayollar taʼlimini targʻib qilish jamiyatiga asos solgan[1].
Hayoti
Kalliopi Kehajia taxminan 1839-yilda Yunonistonda tugʻilgan. U oʻqituvchi sifatida taʼlim olish uchun Londonga safar qilgan va keyin Yunonistonga qaytgan. U Hill qizlar maktabining direktori boʻlib, u yerda adabiyot va ijtimoiy masalalar, jumladan ayollar masalalariga bagʻishlangan birinchi ochiq maʼruzalarni oʻqigan.
Kalliopi Kehajia 1872-yilda Ayollar ta’limini targʻib qilish jamiyatiga asos solgan. 1874-yilda Fransiyaga borib, ularning taʼlim tizimini oʻrgangan va boshqa ayollar hamda pedagoglar bilan aloqalar oʻrnatgan. 1875-yilda esa Konstantinopolga koʻchib, Zappeion Qizlar maktabiga asos solgan. U oʻn besh yil davomida ushbu maktabni direktor sifatida boshqargan. Kalliopi Kehajia Amerika Qoʻshma Shtatlariga ham sayohat qilgan va bu tajribasidan foydalanib, Yunonistondagi ayollarning ahvoli bayon etilgan gazeta maqolalarini chop ettirgan. Kalliopi Kehajia 1905-yilda vafot etgan[2][3][4].
Manbalar
- ↑ Rappaport, Helen. Encyclopedia of Women Social Reformers (en). ABC-CLIO, 2001. ISBN 978-1-57607-101-4.
- ↑ „Kehajia, Kalliopi (1839–1905)“. www.encyclopedia.com. Encyclopedia.com.
- ↑ Boles, Janet K.; Hoeveler, Diane Long. Historical Dictionary of Feminism (en). Scarecrow Press, 2004. ISBN 978-0-8108-4946-4.
- ↑ Uglow, J.; Hendry, M.. The Palgrave Macmillan Dictionary of Women's Biography (en). Springer, 8 March 2005. ISBN 978-0-230-50577-3.