Kafriya
Kafriya كفريا | |
|---|---|
| Qishloq | |
| Mamlakat | Suriya |
| Muhofaza | Idlib |
| Okrug | Idlib okrugi |
| Nohiya | Maarrat Misrin |
| Aholisi (2004) |
4 404[1] |
| Vaqt mintaqasi | UTCEET +2; +3 |
Kafriya (arabcha: كفريا, shuningdek, Kifarya yoki Kefraya) – Suriya shimolidagi qishloq. Maʼmuriy jihatdan Idlib muhofazasi tarkibiga kiradi. Idlibning shimoli-gʻarbida joylashgan. Shimolda Maarrat Misrin, shimoli-sharqda Zardana, sharqda Taftanaz, janubda esa al-Fuʼah va Binnish bilan chegaradosh. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda Kafriya aholisi 4 404 kishini tashkil qilgan[1]. Yaqin atrofdagi al-Fu’ah shahri kabi Kafriya aholisining ham aksariyati shia mazhabidagi musulmonlar boʻlib, atrofdagi boshqa hududlarda esa asosan sunniy mazhabidagi musulmonlar istiqomat qiladi[2].
Suriya fuqarolar urushi
Suriyadagi fuqarolar urushi vaqtida qishloqni isyonchilar qamal qilgan. 2016-yil 11-yanvarda Xalqaro Qizil xoch qoʻmitasi va Jahon oziq-ovqat dasturi mazkur qishloq va Al-Fu’ah shahriga oziq-ovqat, dori-darmon va boshqa yordam yetkazib berish uchun yordam karvoni tashkil qilgan[3].
2018-yil 19-iyulda Kafriya va Fuʼah aholisi va qamaldagi ikki shaharda joylashgan hukumat jangchilari Eron, Suriya hukumati va Hayʼat Tahrir ash-Shom guruhi oʻrtasidagi kelishuvga koʻra, Turkiya vositachiligida hukumat nazorati ostidagi Halabga avtobuslarda evakuatsiya qilindi. Evakuatsiya natijasida boʻshagan hudud HTS tomonidan harbiy hudud deya eʼlon qilindi[4].
Evakuatsiya jarayonida hukumat hududlariga kirishni kutayotgan avtobuslarni olib oʻtishda sodir boʻlgan terakt oqibatida 126 kishi, jumladan 68 bola halok boʻldi[5].
Manbalar
- ↑ 1,0 1,1 General Census of Population and Housing 2004 (Wayback Machine saytida 2013-02-06 sanasida arxivlangan). Syria Central Bureau of Statistics (CBS). Idlib Governorate. Archived at [1]. (arabcha)
- ↑ Hubbard, Ben. Rebel-held Syrian town struggles to keep the peace (Wayback Machine saytida 2012-08-30 sanasida arxivlangan). Associated Press. 2012-06-25.
- ↑ Kareem Shaheen.. „Trucks from aid convoy enter besieged Syrian town of Madaya“ (2016-yil 11-yanvar). Qaraldi: 2016-yil 11-yanvar.
- ↑ „Rebel siege of two Shiite-majority Idlib towns ends with total evacuation of residents, militiamen“. Syria Direct (2018-yil 19-iyul).
- ↑ „Syria war: 'At least 68 children among 126 killed' in bus bombing“. BBC News Online (2017-yil 16-aprel). Qaraldi: 2017-yil 16-aprel.
.svg){kind=small} | Suriya geografiyasiga oid ushbu maqola chaladir. Siz uni boyitib, ZiyoSferaga yordam berishingiz mumkin. |