Kachayte
| „Kachayte“ | |
|---|---|
| Fayl:Kachayte.jpg | |
| Jahongir Otajonov qoʻshigʻi | |
| Til | ruscha |
| Chiqarilgan sanasi | 2024-yil |
| Nashr qilingan | 2024-yil 23-aprel |
| Davomiyligi | 3:51 |
| Qoʻshiq muallif(lar)i | Galina Barskaya |
| Bastakor(lar) | Begzod Aytbayev |
„Kachayte“ (ruscha: „Качайте“) — 2024-yilda Jahongir Otajonov tomonidan ijro etilgan va omma orasida turli xil tanqidlarga uchragan qoʻshiq[1].
Tarixi
Jahongir Otajonov qoʻshiq matnini Yuliya Morozovaning Youtube kanalida koʻrib qoladi[2][3]. Qoʻshiq musiqasi Behzod Aytboyev tomonidan oʻzbekcha musiqiy ladda yozilgan[4]. Matni esa rus tilida boʻlib, uning muallifi Galina Barskaya (ruscha: Галина Барская) hisoblanadi va unda oʻz tanasini sunʼiy tarzda oʻzgartirayotgan ayollar, hozirgi yoshlar orasida tarqalgan „yot gʻoyalar“ hamda ularning tashqi koʻrinishlari tanqid ostiga olinadi[5][4]. Xonandaning oʻzi esa bu qoʻshiq haqida quyidagilarni aytgan:[6]
— “Kachayte” — bu afsus. Qizlarimiz operatsiyalardan zarar ko‘rmasin. Klipda shunaqa “epatajniy” ishlasam, odamlarning e’tiborini tortadi, deb o‘yladim. Chunki qo‘shiq rus tilida, rus tilini bilmaydiganlar unda nima haqida gap ketayotganini harakatlarimdan bilishini xohladim. Boshida tinglovchilar meni so‘ksa ham, keyinchalik foydasi bo‘ladi, deb o‘yladim. Qo‘shiqning tizeri chiqqanidan so‘ng shu zahoti menga la’natlar yog‘ila boshladi. Shunday bo‘lishini bilardim. Tanqidlarni o‘rinsiz deb bilaman. Qo‘shiq orqali men hech narsani o‘zgartira olmayman. Lekin buning zararli ekanligini kimdir aytishi kerak. Bu menga Allohning oldida foydali. To‘ylarda shu qo‘shiqni so‘rashyapti, prinsip qilib aytmayapman. Bu mening prinsipimga qarshi bo‘ladi. Odamlar o‘ynayveradi, lekin bu qo‘shiqni u maqsadda kuylamadim.
Musiqiy klip
Qoʻshiq va musiqiy klip gʻoyasi Otajonovning oʻziga tegishli boʻlib, musiqiy klip Doniyor Abdurahmonov tomonidan tasvirga olingan[4]. Keyinchalik ushbu matn asosida boshqa qoʻshiqlar ham aytilgan[7][8].
Tanqidlar va eʼtiroflar
Ozodlik radiosining „Ozod Nazar“ koʻrsatuvida „bu qoʻshiq „instaoyim“ yoki „instaniso“larga qaratilgan“ deb eʼtirof etilgan[2]. Boshqalar tomonidan Jahongir Otajonovning ayollar obraziga kirishi va „yasama tana aʼzolarini silkitishi“ kabi qiliqlari qoralangan[5].
Manbalar
- ↑ Humo Music (2024-04-23), Jahongir Otajonov - Kachayte | Жахонгир Отажонов - Качайте 2024, qaraldi: 2024-10-19
- ↑ 2,0 2,1 Ozodlik Radiosi (2024-04-24), OzodNazar: Jahongir Otajonovning “instaoyim”larga atalgan qo’shig’i, qaraldi: 2024-10-19
- ↑ MORROZOVA (2023-10-15), MORROZOVA - жопы, qaraldi: 2024-10-19
- ↑ 4,0 4,1 4,2 Afisha.uz. „«Качайте»: Jahongir Otajonov yangi musiqiy klipini taqdim etdi“ (2024-yil 24-aprel). Qaraldi: 2024-yil 19-oktyabr.
- ↑ 5,0 5,1 Xabar.uz. „Jahongir Otajonovdan o‘zgacha klip: Bu «ijod»lardan maqsad nima?“ (2024-yil 24-aprel). Qaraldi: 2024-yil 19-oktyabr.
- ↑ „“Qo‘shiq chiqishi bilan menga la’natlar yog‘ila boshladi”. Jahongir Otajonov “Kachayte” atrofidagi tanqidlar va Ozoda bilan munosabati haqida“. Daryo.uz (2024-yil 10-may). Qaraldi: 28-iyun 2025-yil.
- ↑ MORROZOVA (2024-09-12), MORROZOVA - КАЧАЙТЕ, qaraldi: 2024-10-19
- ↑ „КАЧАЙТЕ“.
