KOʻKJAR
Koʻkjar | |
|---|---|
Qishloq | |
| Mamlakat | Oʻzbekiston |
| Viloyat | Jizzax viloyati |
| Tuman | Baxmal tumani |
Koʻkjar — Jizzax viloyati Baxmal tumanidagi qishloq aholi punkti. U Oʻrmonchi mahalla fuqarolar yigʻini hududida joylashgan.
Etimologiyasi
Togʻli hududlarda kulrang yoki ko‘kish rangdagi tuproq va qum aralashmalaridan iborat joylar uchraydi. Bunday hududlarda o‘simlik kam o‘sadi va yer ko‘chkisi sodir bo‘lishi mumkin. Koʻkjar so‘zi ko‘k yoki ko‘kish rangdagi tuproq va qum aralashmasidan hosil bo‘lgan jar ma’nosini anglatadi.
Toponim jar nomidan qishloq nomiga o‘tish hodisasi asosida shakllangan. Ayrim tadqiqotchilarga ko‘ra, qadimiy turkiy tillarda ko‘k so‘zi sharq, yaʼni kun chiqish tomon ma’nosini ham bildirgan[1]. Shu bois Koʻkjar kunchiqar tomondagi jar maʼnosini ham anglatishi mumkin.
Tilshunos olim V. Gukasyan fikricha, koʻkjar etnonim ham bo‘lib, qirg‘izlarning ayrim urug‘lari koʻkjar (koʻk yor yoki koʻkyorgan) nomi bilan atalgan[2]. Qishloq aholi punkti ana shunday jarlik yonida joylashganligi sababli shu nom bilan atalgan.