Jump Cut

*Jump Cut*
Yoʻnalish	Kino, televideniye, media
Til	ingliz tili
Tahrirchi	Julia Lesage
Nashr tafsilotlari
Tarixi	1974–hozirgacha
Nashriyot	Jump Cut Associates (AQSh)
ISO 4	Bu yerdan topasiz
Indekslanishi;
OCLC no.	613432664

Jump Cut: A Review of Contemporary Media — kino, televideniye, video va ular bilan bogʻliq media tahliliga bagʻishlangan Amerika jurnali^[1]. Jurnal 1974-yilda John Hess, Chuck Kleinhans (Northwestern University) va Julia Lesage (University of Oregon) tomonidan tashkil etilgan. Uning nomi tasvirning keskin almashishi yuz beradigan jump cut kino montaji usulidan olingan ^[2]. Nashr oʻz mavzulariga „sektantlikdan xoli soʻl, feministik va antiimperialistik“ nuqtai nazardan yondashishni maqsad qilgan^[3].

Tarixi

Hess, Kleinhans va Lesage taxminan 1970-yilda Indiana Universityda aspiranturada tahsil olayotgan paytlarida Bloomington shahrida tanishgan ^[4]. Kleinhansning eslashicha, ular universitet kutubxonasida qahva ichib oʻtirib, kino jurnalini tashkil etish gʻoyasini muhokama qilgan. Bunga Hessning Film Quarterly jurnalida, Kleinhans va Lesagening esa boshqa nashrlarda maqolalari chop etilgani turtki boʻlgan^[4].

1973-yilda jurnal tamoyillari shakllantirilib, maqolalar toʻplanganidan soʻng, Jump Cutning ilk soni 1974-yilda nashr etilgan. Jurnalda reklama joylashtirmaslik uchun har bir muharrir har bir son uchun 1000 AQSh dollaridan mablagʻ ajratgan. Xarajatlarni kamaytirish maqsadida jurnal gazeta qogʻozida, tabloid formatida chop etilgan, matnlar esa professional terish oʻrniga elektr yozuv mashinkasida tayyorlangan. Dastlab nashr nusxalari koʻngillilar tomonidan Chicagodagi gazeta doʻkonlariga, shuningdek Hess yashagan San Francisco va Berkeley hududlariga yetkazilgan^[4].

Jump Cut 2001-yilgacha bosma shaklda nashr etilgan. Shundan soʻng jurnal onlayn nashrga oʻtgan. Uning barcha sonlari jurnal veb-sayti va Internet Archiveda mavjud.^[3]

Yana qarang

Siyosiy kino

Manbalar

↑ Hudson, Dave „Jump Cut 55, Ulmer, Hanoun“. Fandor (2013-yil 25-noyabr). 2014-yil 5-mayda asl nusxadan arxivlangan. Qaraldi: 2014-yil 5-may.
↑ Samer, Rox. "The History of Jump Cut: 2013 Interview with Julia Lesage and Chuck Kleinhans". Jump Cut 60. Archived from the original on 2021-06-07. https://web.archive.org/web/20210607154509/https://ejumpcut.org/currentissue/SamerInterview-JChistory/4.html. Qaraldi: 2021-06-07. Jump Cut]]
↑ ^3,0 ^3,1 „About us“. Jump Cut. Qaraldi: 2015-yil 15-sentyabr.
↑ ^4,0 ^4,1 ^4,2 Winston, Brian (2019). "Interview with Chuck Kleinhans". Jump Cut 59: 18. https://archive.org/details/jumpcut59/page/n17/mode/1up.

Tashqi havolalar

[1] Hudson, Dave „Jump Cut 55, Ulmer, Hanoun“. Fandor (2013-yil 25-noyabr). 2014-yil 5-mayda asl nusxadan arxivlangan. Qaraldi: 2014-yil 5-may.

[history-2] Samer, Rox. "The History of Jump Cut: 2013 Interview with Julia Lesage and Chuck Kleinhans". Jump Cut 60. Archived from the original on 2021-06-07. https://web.archive.org/web/20210607154509/https://ejumpcut.org/currentissue/SamerInterview-JChistory/4.html. Qaraldi: 2021-06-07. Jump Cut]]

[aboutus-3] 3,0 ^3,1 „About us“. Jump Cut. Qaraldi: 2015-yil 15-sentyabr.

[Winston-4] 4,0 ^4,1 ^4,2 Winston, Brian (2019). "Interview with Chuck Kleinhans". Jump Cut 59: 18. https://archive.org/details/jumpcut59/page/n17/mode/1up.

[1]

[2]

[3]

[4]