Kontent qismiga oʻtish

Julia Hoyt

ZiyoSfera, erkin ensiklopediya
Julia Hoyt

Hoytning 1922-yil Tatler jurnalida chop etilgan surati
Tavalludi
Julia Wainwright Robbins

15-sentyabr 1897-yil
Vafoti 31-oktyabr 1955-yil(1955-10-31)
(58 yoshda)
Turmush oʻrtogʻi
  • Lydig Hoyt
    (turm. 1914; ajr. 1924)
  • Louis Calhern
    (turm. 1927; ajr. 1932)
  • Aquila C. Giles (turm. 1935)
Ota-onasi Julian W. Robbins
Sarah G. Jewett
Qarindoshlari Hugh J. Jewett (bobosi)
Imzosi

Julia Hoyt (1897-yil 15-sentabr — 1955-yil 31-oktyabr) — amerikalik aktrisa va tadbirkor.

Hayoti

Mrs. Lydig Hoyt, 1922-yilgi portret, E. O. Hoppé tomonidan

Julia Wainwright Robbins 1897-yilda tugʻilgan. U Julian W. Robbins va Sarah Guthrie (qizlik familiyasi: Jewett) Robbins oilasida dunyoga kelgan. Aktrisaning bobosi Hugh J. Jewett Erie Railroad kompaniyasining prezidenti hamda AQSh Kongressi aʼzosi boʻlgan[1].

Faoliyati

Julia Robbins dastlab xayriya tadbirlarida sahnaga chiqib, aktrisalik faoliyatini boshlagan[2]. U 1921-yilda The Wonderful Thing, 1925-yilda The Man Who Found Himself va 1926-yilda Camille filmlarida turli xil rollarni ijro etgan.

U Broadway sahnasida ham faol boʻlib, The Squaw Man (1921), Rose Briar (1922), The Virgin of Bethulia (1925), The School for Scandal (1925), The Pearl of Great Price (1926), The Dark (1927), Mrs. Daneʼs Defense (1928), Within the Law (1928), Sherlock Holmes (1928), Serena Blandish (1929), The Rhapsody (1930), The Wiser they Are (1931) va Hay Fever (1931–32) kabi spektakllarda rol ijro etgan[3].

Uning moda biznesi — Julia Hoyt Modes — AQShdagi yirik doʻkonlar uchun liboslar va paltolar ishlab chiqargan. Shuningdek, u moda va odob-axloq mavzularida maqolalar ham yozgan[4][5].

1924-yilda u Yevropaga qilgan safari haqida Bridgeport Post gazetasida maqolalar turkumini chop ettirgan[6].

Shaxsiy hayoti

Julia Hoyt portreti, Neysa McMein tomonidan, 1921-yil

Julia Hoytning goʻzalligi yuqori baholangan va Paul Helleu, Neysa McMein (1921-yilda Womanʼs Home Companion hamda 1923-yil may oyida McCall’s jurnali muqovalari uchun), John Singer Sargent va Carl Van Vechten singari rasom va fotograflar tomonidan uning turli xil portretlari yaratilga[7].

U uch marta turmush qurgan. 1914-yilda advokat Lydig Hoyt bilan turmush qurgan, biroq 1924-yilda ajrashgan[8]. Keyinchalik u aktyor Louis Calhern bilan 1927-yilda turmush qurib, 1932-yilda ajrashgan. 1935-yilda esa Aquila C. Giles bilan turmush qurgan[9].

1930-yillarning oxirida u sogʻligʻi bilan bogʻliq muammolarga duch kelgan. 1935-yilda dengiz safariga chiqqanida pnevmoniya bilan ogʻrigan[10]. Keyinchalik ogʻir koʻkrak kasalligi sabab jarrohlik amaliyoti oʻtkazilgan[11].

Julia Hoyt 1955-yilda yurak xurujidan vafot etgan[12].

Manbalar

  1. ↑ „Hugh J. Jewett Dead“. The New York Times (1898-yil 7-mart).
  2. ↑ „Miss Julia Robbins to Wed Lydig Hoyt“. The New York Times (1914-yil 25-mart).
  3. ↑ Merely Julia Hoyt of Broadway. Detroit Free Press (1922-yil 17-dekabr).
  4. ↑ Good Etiquette is Worth the Time and Trouble. Pittsburgh Gazette Times (1924-yil 13-yanvar).
  5. ↑ Julia Hoyt Says Chic is Instinct. Pittsburgh Press (1930-yil 22-iyun).
  6. ↑ Take a Little Jaunt to Europe with Julia Hoyt. Bridgeport Telegram (1924-yil 4-iyul).
  7. ↑ Julia Hoyt Loses in Beauty Contest. Columbia Spectator (1925-yil 26-fevral).
  8. ↑ Miss Julia Robbins Marries Lydig Hoyt. The New York Times (1914-yil 4-iyun).
  9. ↑ Ex-Actress Julia Hoyt Dies. Corpus Christi Times (1955-yil 1-noyabr).
  10. ↑ Noted Beauty Gravely Ill on Sea Voyage. Fresno Bee (1935-yil 22-may).
  11. ↑ Julia Hoyt Loses Ribs. Wilkes-Barre Evening News (1937-yil 4-iyun).
  12. ↑ Julia Hoyt Dead. Chicago Tribune (1955-yil 1-noyabr).

Tashqi havolalar

Vikiomborda „Julia Hoyt“ mavzusi boʻyicha mediafayllar bor. 
"https://ziyosfera.uz/index.php?title=Julia_Hoyt&oldid=527278" dan olindi