Julia Grabher
| Julia Grabher | |
|---|---|
_(52191187203).jpg) Grabher 2022-yilgi Wimbledon chempionatida | |
| Mamlakat |
 Avstriya |
| Tugʻilishi |
1996-yil 2-iyul Dornbirn, Avstriya |
| Boʻyi | 1.70 sm |
| Murabbiy | Matthew Hair |
| Olgan jami pul mukofot(lar)i miqdori | $1 358 476 |
| Yakkalik bahslar | |
| Jami titullari | 2 ta WTA 125, 16 ta ITF |
| Eng yuqori pozitsiyasi | 54-oʻrin (26-iyun 2023) |
| Joriy pozitsiyasi | 93-oʻrin (27-oktyabr 2025) |
| „Katta dubulgʻa“ turniri yakkalik bahslari natijalari | |
| Australian Open | 2R (2026) |
| French Open | 2R (2023) |
| Wimbledon | 1R (2023) |
| US Open | 1R (2024) |
| Boshqa turnirlar | |
| Olympic Games | 1R (2024) |
| Juftlik bahslari | |
| Jami titullari | 8 ITF |
| Eng yuqori pozitsiyasi | 387-oʻrin (29-avgust 2016) |
| Joriy pozitsiyasi | 521-oʻrin (27-oktyabr 2025) |
| „Katta dubulgʻa“ turniri juftlik bahslari natijalari | |
| Australian Open | 1R (2025) |
| Wimbledon | 1R (2023) |
| Jamoa musobaqalari | |
| Soʻnggi marta yangilandi: 27-oktyabr 2025. | |
Julia Grabher (1996-yil 2-iyulda tugʻilgan) — avstriyalik professional tennischi. 2023-yil 26-iyunda yakkalik bahslari reytingida faoliyatidagi eng yuqori natija — 54-oʻringa koʻtarilgan. 2016-yil 29-avgustda juftlik bahslari reytingida eng yuqori natijasi — 387-oʻrinni band qilgan[1].
Grabher WTA Challenger Tour musobaqalarida yakkalik yoʻnalishi boʻyicha 2 ta unvonni, shuningdek, ITF ayollar turi yakkalik bahsida 16 ta va juftlik bahsida 8 ta unvonni qoʻlga kiritgan.
Avstriya Fed Cup jamoasi safida oʻynagan Grabher 2024-yil noyabr holatiga koʻra yakkalik yoʻnalishida 6 ta gʻalaba, 14 ta magʻlubiyat, juftlik yoʻnalishida esa 2 ta gʻalaba, 9 ta magʻlubiyat (jami 8–23) koʻrsatkichini qayd etgan.
Sport faoliyati
2019–2022
Grabher 2019 Ladies Linz turnirining asosiy toʻr bahsiga yoʻllanma olgan, biroq birinchi davrada slovakiyalik tennischi Viktória Kužmovága ketma-ket setlarda oʻyinni boy bergan[2].
2022-yil sentyabr oyida u Bari ochiq turniri finalida Nuria Brancaccioni ketma-ket setlarda magʻlub etib, sport faoliyatidagi ilk WTA 125 unvonini qoʻlga kiritdi[3]. Natijada, sportchi 2022-yil 12-sentyabrda 97-oʻrin bilan ilk bor top-100 talikka kirishga muvaffaq boʻldi[1]. Oradan uch hafta oʻtib, birinchi raqamda saralangan tennischi sifatida Grabher Aliona Bolsovani magʻlub etib, sovrin jamgʻarmasi $60 boʻlgan Open de San Sebastián musobaqasi finalida gʻolib chiqdi. Bu uning 2022-yildagi uchinchi ITF turidagi unvoni hisoblanadi[4].
2023
Grabher Katta dubulgʻa turniridagi debyut ishtirokini Avstraliya ochiq chempionatida oʻtkazdi[5]. Biroq birinchi davrada 16-raqamda saralangan Anett Kontaveitga oʻyinni boy berdi[6]. Shundan soʻng sportchi Dubay chempionatida WTA 1000 darajasidagi ilk ishtirokini oʻtkazish uchun saralash bosqichidan oʻtishga muvaffaq boʻdi. Ammo yana birinchi davrada Leyla Fernandezga magʻlub boʻldi[7].
WTA 500 toifasidagi Charleston ochiq turnirida Grabher uchinchi davragacha yetib bordi. U 10-raqamda saralangan Zhang Shuaini magʻlub etib, faoliyatidagi ilk top-30 talik tennischi ustidan gʻalabani qayd etdi[8]. Shuningdek, saralash bosqichidan chiqqan Sachia Vickeryni ham yengishga erishdi[9], ammo keyinchalik 7-raqamda saralangan tennischi Ekaterina Alexandrovaga yutqazdi[10]. 2023-yilgi Madrid ochiq turniriga yoʻllanma olgan Grabher WTA 1000 darajasidagi ilk uchrashuvida bolgariyalik tennischi Viktoriya Tomovaga qarshi oʻtkazdi va uni magʻlub etdi[11]. Biroq ikkinchi davrada birinchi raqamda saralangan Iga Świątekka yutqazdi[12]. 2023-yilgi Italiya ochiq turnirida sportchi faoliyatida ilk bor WTA 1000 musobaqasining uchinchi davrasiga chiqib, Nuria Brancaccio[13] hamda 26-raqamda saralangan Jil Teichmannni sensatsion tarzda magʻlub etdi[14][15]. Biroq ulardan keyin 8-raqamda saralangan Daria Kasatkinaga oʻyinni boy berdi[16]. Natijada Grabher reytingda 15 pogʻona koʻtarilib, 22-may kuni yangi shaxsiy rekordi — 74-oʻrinni band qildi[17].
Manbalar
- ↑ 1,0 1,1 „Julia Grabher | Player Stats & More — WTA Official“. Women's Tennis Association. Qaraldi: 2023-yil 6-aprel.
- ↑ „WTA Linz: German Joy Day, Julia Grabher fails“, tennisnet.com, 7 October 2010
- ↑ „Grabher defeats Brancaccio to claim first WTA 125 title in Bari“. Women's Tennis Association.
- ↑ „W60 San Sebastian“. www.itftennis.com.
- ↑ „AO2023's Grand Slam debuts: Brenda Fruhvirtova, Lys, Shnaider and more“. Women's Tennis Association.
- ↑ „Australian Open: Julia Grabher is defeated by Anett Kontaveit in two sets“. tennisnet.com (2023-yil 17-yanvar). Qaraldi: 2024-yil 19-noyabr.
- ↑ „Dubai Duty Free Championships: Fernandez sets up clash with world No 1 Swiatek“. Tennis Majors (2023-yil 19-fevral). Qaraldi: 2024-yil 19-noyabr.
- ↑ „Charleston: Grabher upsets Zhang for first Top 30 win“. Women's Tennis Association. Qaraldi: 2024-yil 19-noyabr.
- ↑ „Charleston Open: Grabher moves into last 16“. Tennis Majors (2023-yil 5-aprel). Qaraldi: 2024-yil 19-noyabr.
- ↑ „WTA Charleston: Julia Grabher fails against Ekaterina Alexandrova“. tennisnet.com (2023-yil 6-aprel). Qaraldi: 2024-yil 19-noyabr.
- ↑ „Madrid Open: Grabher advances to face Swiatek in round 2“. Tennis Majors (2023-yil 26-aprel). Qaraldi: 2024-yil 19-noyabr.
- ↑ „Iga Swiatek breezes past lucky loser Julia Grabher in straight sets to reach third round of Madrid Open“. Women's Tennis Association. Qaraldi: 2024-yil 19-noyabr.
- ↑ „Rome: Grabher triumphs over wild card Brancaccio in three sets“. Women's Tennis Association. Qaraldi: 2024-yil 19-noyabr.
- ↑ „Rome: Grabher bests Teichmann, makes first WTA 1000 third round“. Women's Tennis Association. Qaraldi: 2023-yil 25-iyun.
- ↑ „WTA Rome: Julia Grabher fights in round three!“. tennisnet.com (2023-yil 12-may). Qaraldi: 2023-yil 25-iyun.
- ↑ „Italian Open: Kasatkina makes fourth round with win over Grabher“. Tennis Majors (2023-yil 14-may). Qaraldi: 2024-yil 19-noyabr.
- ↑ „Rankings Watch: Rybakina hits Top 5 for first time; Zheng makes Top 20 debut“. Women's Tennis Association. Qaraldi: 2023-yil 25-iyun.