Julia Gaffney
| Julia Gaffney | |
|---|---|
| Shaxsiy maʼlumotlari | |
| Tavallud sanasi |
2000-yil 1-may Rossiya |
| Boʻyi | 5ft 3in (protez oyoqlar bilan) |
| Vazni | 100 funt (taxminan 45 kilogramm) |
| Sport | |
| Mamlakat |
 AQSH |
| Qaysi sport | para suzish |
| Klubi | AquaKids suzish jamoasi, Conway, Arkansas |
| Murabbiy(lar)i | Tony Marleneanu |
Julia Kay Gaffney (2000-yil 1 mayda tugʻilgan) – xalqaro miqyosdagi musobaqalarda ishtirok etuvchi amerikalik para suzuvchi. Tugʻma holda son suyagi rivojlanishining yetishmovchiligi bilan dunyoga kelgan boʻlib, oʻng oyogʻi tizzadan yuqoridan, chap oyogʻi fibula gemimeliyasi sababli tizzadan pastdan amputatsiya qilingan[1][2].
Gaffney Rossiyadagi bolalar uyida tarbiyalangan, besh yoshida uni AQShning Arkansas shtatidan boʻlgan oila asrab olgan.
Sport faoliyati
Gaffney dastlab softbol bilan shugʻullanishni xohlagan, biroq nogironligi sababli bunga qodir emasligini tushunib yetgan. Shundan soʻng uni suzish mashgʻulotlariga qatnashishga undashgan va Gaffney 2014-yilda musobaqalarda ishtirok eta boshlagan. Uning xalqaro darajadagi ilk musobaqasi Kaliforniyada boʻlib oʻtgan para suzish boʻyicha jahon seriyasi edi. U yerda sportchi oʻzining kumiri Jessica Long va para suzish boʻyicha murabbiy Queenie Nichols bilan tanishgan. Ularning ilhom berishi va qoʻllab-quvvatlashi Gaffneyga suzish faoliyatini davom ettirishiga katta turtki boʻlgan.
2017-yilda Mexiko shahrida oʻtkazilgan para suzish boʻyicha jahon chempionatida Gaffney oʻzining ilk medallarini qoʻlga kiritdi, u jami 5 ta kumush medalga sazovor boʻldi. Oradan ikki yil oʻtib, 2019-yilda Londonda boʻlib oʻtgan para suzish boʻyicha jahon chempionatida Gaffney ayollar oʻrtasida SM7 toifasida 200 metrga kompleks suzish bahsida jahon chempioni boʻldi. U amaldagi chempion Tess Routliffe va Mallory Weggemannni ortda qoldirib, atigi 0.02 soniya farq bilan gʻalaba qozondi[3].
2022-yil 14-aprelda Gaffney AQSh terma jamoasi tarkibida 2022-yilgi para suzish boʻyicha jahon chempionatida ishtirok etish uchun nomzod sportchi sifatida eʼlon qilindi[4]. 2023-yil 29-aprelda esa sportchi yana AQSh terma jamoasi tarkibida 2023-yilgi para suzish boʻyicha jahon chempionatida qatnashishi rasman maʼlum qilindi[5].
Manbalar
- ↑ „Julia Gaffney - IPC Athlete Bio“. ipc.infostradasports.com (2020-yil 29-iyun). 2021-yil 31-avgustda asl nusxadan arxivlangan.
- ↑ „Julia Gaffney - Team USA“. United States Olympic Committee (2020-yil 29-iyun). 2018-yil 30-noyabrda asl nusxadan arxivlangan.
- ↑ „At Just 18, Swimmer Julia Gaffney is Already a Six-Time World Championship Medalist“. United States Olympic Committee (2018-yil 7-avgust).
- ↑ Gowdy. „U.S. Paralympics Swimming Nominates 25 athletes to World Championship Roster“. teamusa.org (2022-yil 14-aprel). 2022-yil 16-mayda asl nusxadan arxivlangan. Qaraldi: 2022-yil 14-aprel.
- ↑ Overend. „U.S. Paralympics Swimming Selects 22 (Including Just 6 Men) for 2023 Worlds Roster“. swimswam.com (2023-yil 29-aprel). Qaraldi: 2023-yil 29-aprel.