Journal of Media Economics
| Yoʻnalish | Media iqtisodiyoti |
|---|---|
Koʻrib chiqilgan |
ha |
| Til | ingliz tili |
| Tahrirchi | Michel Clement, Jan U. Becker |
| Nashr tafsilotlari | |
| Tarixi | 1988–hozirgacha |
| Nashriyot |
Routledge |
| Chastota | Har chorakda |
Ta'sir omili |
0.417 (2018) |
| ISO 4 | Bu yerdan topasiz |
| Indekslanishi | |
| LCCN | sf96090646 |
| OCLC no. | 18128413 |
Journal of Media Economics — media iqtisodiyoti sohasiga ixtisoslashgan, har chorakda nashr etiladigan, taqrizdan oʻtkaziladigan ilmiy jurnal. U Routledge nashriyoti tomonidan chop etiladi.
Jurnal media iqtisodiyoti, media siyosati, media menejmenti, ekonometrika, media strategiyasi, koʻngilochar industriya marketingi, innovatsion menejment, raqamli media hamda texnologiyalar menejmentiga oid ilmiy tadqiqotlarni eʼlon qiladi.
Jurnal 1988-yilda Robert G. Picard tomonidan asos solingan. Hozirgi bosh muharrirlari Hamburg universiteti professori Michel Clement hamda Kühne Logistics University professori Jan U. Becker hisoblanadi.
Maqsadi va qamrovi
Journal of Media Economics media iqtisodiyoti va ommaviy kommunikatsiya siyosatiga oid nazariy hamda amaliy tadqiqotlarni chop etadi. Jurnal ommaviy axborot vositalari bozori, media korxonalari, iqtisodiy siyosat va media institutlari faoliyatiga bagʻishlangan maqolalarni qabul qiladi.
Jurnal iqtisodiyot, media tadqiqotlari va boshqa turdosh fanlar kesishmasida olib borilgan empirik hamda nazariy tadqiqotlarni nashr etishga alohida eʼtibor qaratadi.
Idea Forum
Jurnal tarkibidagi Idea Forum boʻlimida media iqtisodiyotining yangi va dolzarb yoʻnalishlariga bagʻishlangan maqolalar chop etiladi. Ushbu boʻlimda COVID-19 pandemiyasining media sanoatiga taʼsiri kabi yangi paydo boʻlgan mavzularga oid nazariy va empirik tadqiqotlar ham yoritiladi.
Mukofotlari
Jurnal har ikki yilda bir marta media iqtisodiyoti sohasining rivojiga katta hissa qoʻshgan olimlarga Journal of Media Economics Award of Honor mukofotini topshiradi.
Shuningdek, oldingi kalendar yilida chop etilgan eng yaxshi ilmiy maqola uchun Journal of Media Economics Best Paper Award mukofoti beriladi. Mukofotlar World Media Economics Conference doirasida topshiriladi.