Josh Samanski
| Josh Samanski | |||
|---|---|---|---|
| Tugʻilgan joyi |
2002-yil 22-mart Erding, Germaniya | ||
| Boʻyi | 6 ft 2 in (188 cm) | ||
| Ogʻirligi | 195 lb (88 kg; 13 st 13 lb) | ||
| Pozitsiyasi | Markaz | ||
| Maydondagi joylashgan oʻrni | Chap | ||
| NHL Sobiq jamoalar |
Edmonton Oilers Ravensburg Towerstars Straubing Tigers EV Landshut | ||
| Jamoalardagi faoliyat | 2020—hozirgacha | ||
Joshua Samanski (2002-yil 22-martda tugʻilgan) – germaniyalik professional xokkeychi boʻlib, Milliy xokkey ligasining (NHL) „Edmonton Oilers“ klubi safida toʻp suradi. U faoliyati davomida „Ravensburg Towerstars“, „EV Landshut“ hamda „Straubing Tigers“ klublarida ham oʻynagan.
Yoshlik yillari
Samanski 2002-yil 22-mart kuni Germaniyaning Erding shahrida tugʻilgan[1]. Uning otasi John – sobiq professional xokkeychi boʻlgani sababli u Kanada fuqaroligiga ham ega[2]. Samanskining olti nafar aka-ukasi va opa-singillari bor boʻlib, ularning barchasi sport bilan shugʻullanadi[3].
Faoliyati
Yoshlar jamoasida
Samanski yoshligida Schüler-BL ligasida ishtirok etuvchi „Jungadler Mannheim“ jamoasida toʻp surgan. Ushbu jamoa safidagi eng muvaffaqiyatli mavsumida u 36 ta oʻyinda 106 ochko jamgʻargan[1]. Keyinchalik u bir mavsum davomida Ontario Xokkey Ligasida (OHL) „Owen Sound Attack“ jamoasi safida oʻynagan.
Professional faoliyati
Samanski 2021–2022-yilgi mavsumda Germaniyaning Deutsche Eishockey Ligasida (DEL) ishtirok etuvchi „Straubing Tigers“ klubiga qoʻshilgan. U 2024–2025-yilgi mavsum uchun jamoa vitse-sardori etib tayinlangan[1].
2025-yil 2-aprel kuni Samanski „Edmonton Oilers“ klubi bilan ikki yillik, 1 950 000 AQSh dollari qiymatidagi shartnoma imzolagan[4].
U 2026-yil 26-yanvar kuni [[NHLdagi ilk oʻyinini oʻtkazgan[5]. Samanski uchinchi uchrashuvida jamoa safidagi ilk foydali ish – golli uzatmani qayd etgan; mazkur bahs „Minnesota Wild“ga qarshi boʻlib, jamoasi 3:7 hisobida magʻlub boʻlgan[6].
Terma jamoadagi faoliyati
Samanski xalqaro maydonda Germaniya terma jamoasi sharafini himoya qiladi. U 2021 va 2022-yillarda o‘tkazilgan Jahon yoshlar chempionatlarida Germaniya yoshlar terma jamoasi safida ishtirok etgan hamda 2022-yilgi musobaqada jamoa vitse-sardori bo‘lgan.
Shuningdek, u 2025-yilgi Jahon chempionati uchun Germaniya kattalar terma jamoasi tarkibiga kiritilgan. 2026-yilgi Qishki Olimpiya o‘yinlarida ham u Germaniya sharafini himoya qilmoqda.
Manbalar
- ↑ 1,0 1,1 1,2 „Josh Samanski“. Elite Prospects. Qaraldi: 2026-yil 30-yanvar.
- ↑ „John Samanski“. Elite Prospects. Qaraldi: 2026-yil 30-yanvar.
- ↑ „‘VERY STRONG IMPRESSION’“. Edmonton Sun. Qaraldi: 2026-yil 30-yanvar.
- ↑ „RELEASE: Oilers sign German forward Josh Samanski“. Edmonton Oilers. Qaraldi: 2026-yil 30-yanvar.
- ↑ „Anaheim Ducks - Edmonton Oilers - Jan 26, 2026“. NHL.com (2026-yil 26-yanvar). Qaraldi: 2026-yil 30-yanvar.
- ↑ „Minnesota Wild - Edmonton Oilers - Jan 31, 2026“. NHL.com (2026-yil 31-yanvar). Qaraldi: 2026-yil 1-fevral.