Jomiʼa Siddiqiya

Jomiʼa Dorul Ulum Siddiqiya (urducha: جامعہ دارالعلوم صدیقیہ‎‎) — Pokistonning Karachi shahri shimoliy qismida joylashgan islomiy madrasa^[1]. Qur’on, sunnat va fiqh boʻyicha bilimlarni anʼanaviy usullarda zamonaviy taʼlim metodlaridan foydalangan holda oʻrgatadigan muvaffaqiyatli islomiy taʼlim muassasalaridan biri sifatida eʼtirof etiladi.

Mazkur madrasaga hanafiylik mazhabiga mansub, anʼanaviy diniy qarashlari bilan tanilgan Mavlono Mashkur Hoshimiy asos solgan va hozirda uning mudiri hamdir^[2]. Madrasada qariyb 1 000 nafar talaba diniy va zamonaviy taʼlim oladi va bepul yotoqxona bilan taʼminlanadi.

Asos solinishi

Jomi’a Dorul Ulum Siddiqiya 1990-yil 12-fevralda diniy ulamo Mavlono Mashkur Hoshimiy tomonidan tashkil etilgan. Mashkur Hoshimiy oʻzining sevimli ustozi, ulamo Mavlono Siddiq Ahmad Bandviy sharafiga madrasaga „Siddiqiya“ nomini bergan^[3].

Hamkorlik

Jomi’a Dorul Ulum Siddiqiya sunniy taʼlim muassasasi hisoblanadi. Ushbu muassasaning barcha oʻqituvchi va talabalari Hindiston yarimorolida shakllangan islohotchi deobandiylik harakati taʼlimotiga sodiq.

Jomi’a Dorul Ulum Siddiqiya Pokistondagi islomiy madrasalarning mahalliy kengashi — dunyo boʻylab eng yirik islomiy seminariyalar kengashi hisoblangan Vifaq-ul-Madaris al-Arabiya al-Arabiyya Pokiston bilan rasmiy hamkorlik qiladi. Mazkur tashkilot dunyodagi eng yirik islomiy madrasalar birlashmasi hisoblanadi. Shu sababli, Jomi’a Dorul Ulum Siddiqiya barcha taʼlim bosqichlarida yillik imtihonlarni tashkil etishda Vifaq-ul-Madaris xizmatlaridan foydalanadi.

Madrasa maʼmuriyati, shuningdek, Karachi shahridagi Oʻrta taʼlim kengashi va Yuqori oʻrta taʼlim kengashi bilan hamkorlik aloqalarini oʻrnatish uchun muhim qadamlarni tashlamoqda^[4].

Ahamiyati

Jomi’a Dorululum Siddiqiya anʼanaviy Darsi Nizomiy dasturi asosida Qur’on, hadis va fiqh fanlarini oʻqitish bilan bir qatorda maktabdan kollej bosqichigacha boʻlgan zamonaviy umumiy taʼlim beriladigan islomiy madrasalar qatoriga kiradi.