Kontent qismiga oʻtish

Jojo Moyes

ZiyoSfera, erkin ensiklopediya

 

Pauline Sara Jo Moyes (1969-yil 4 avgustda tugʻilgan), yozuvchi sifatida Jojo Moyes nomi bilan tanilgan, ingliz jurnalisti va 2002 -yildan beri koʻplab mukofotlarga sazovor boʻlgan ishqiy romanlar muallifi, [1]New York Timesda eng koʻp kitoblari sotilgan muallif hamda ssenariy muallifi hisoblanadi [2][3]. U romantik romanchilar uyushmasi tomonidan ikki marta "Yilning romantik romani" mukofotini qoʻlga kiritgan kam sonli mualliflardan biri va uning asarlari 28 tilga [4] tarjima qilingan va butun dunyo boʻylab 40 milliondan ortiq nusxada sotilgan[5].

Hayoti

Jojo Moyes 1969-yilning 4-avgustida [6] Meydstonda, [7] Angliyada tug‘ilgan[8].

Universitetda oʻqishidan oldin, Moyes bir necha ishlarda ishlagan. U NatWestda koʻzi ojizlar uchun brayl alifbosidagi soʻzlarni terish boʻyicha mashinist, Club 18-30 da risolalar muallifi va qisqa vaqt davomida minikab boshqaruvchisi boʻlgan. Moyes London universiteti Royal Hollowayda bakalavriatida tahsil olayotgan paytda Egham va Staines News gazetalarida ishlagan[9].

U Siti universitetida [10] jurnalistika, shuningdek, London universitetining Royal Holloway va Bedford Nyu-kollejida tahsil olgan[11].

Moyes The Independent gazetasi tomonidan moliyalashtirilgan stipendiya yutib oldi, bu unga 1992-yilda Siti universitetida gazeta jurnalistikasi aspiranturasida qatnashish imkonini berdi[12]. U keyingi 10 yil davomida The Independent gazetasida turli lavozimlarda ishladi, 1998-yilda yangiliklar muharriri yordamchisi hamda 2002-yilda gazetaning San'at va OAV muxbiri boʻldi[13].

Ijodi

Yozuvchilik faoliyatining boshida [14] Moyes uchta kitob yozgan, ular dastlab rad etilgan. Agar uning toʻrtinchi kitobi rad etilsa, u sa'y-harakatlarini toʻxtatishga va'da bergan. Toʻrtinchi kitobining dastlabki uchta bobini turli nashriyotlarga topshirgandan soʻng, huquqlar uchun kurash boshladi.


Moyesning nashriyoti Hodder & Stoughton 2012-yilda chop etilgan "Me Before You" romanini qabul qilmadi va Moyes uni Penguinga sotdi. U olti million nusxada sotilgan, toʻqqizta mamlakatda birinchi oʻrinni egalladi va bir vaqtning oʻzida uning uchta romani New York Times bestsellerlari roʻyxatiga kiritildi[15][16]. Keyinroq Moyes 2015-yilda “ After you ” va 2018-yilda esa “Still me” kitobini yozdi.

2013-yilda Maykl X. Veber va Skott Noyshtedter “Me before you” nomli filmni yozish uchun yollanganini e’lon qildi[17]. 2016-yilda “Me Before You” filmi suratga olingan va ssenariysi Moyes tomonidan yozilgan[18].

2018-yilda Moyes kattalar savodxonligini oshirish loyihasi bo‘lgan Quick Reads Initiative loyihasiga 120 ming funt sterling sarmoya kiritdi. Uning sarmoyasi dasturni yana uch yillik moliyalashtirish imkonini berdi.

Mukofotlar va yutuqlar

  • Moyesning kitoblari qirq olti tilga tarjima qilingan, oʻn ikki mamlakatda birinchi oʻrinni egallagan va dunyo boʻylab qirq milliondan [5] ortiq nusxada sotilgan[1]
  • Yilning romantik romani mukofoti sovrindori (2004): "Foreign fruit" [19].
  • Yilning romantik romani mukofoti sovrindori(2008): "Silver Bay" [19]
  • “Yilning eng yaxshi romantik romani” mukofoti sovrindori (2011): “The last letter from your lover”. [19]
  • Moyes ilk bor 2004-yilda “Foreign fruit” [20] va 2011-yilda “The last letter from your love” uchun “Romantik romanchilar uyushmasi”ning “Yilning romantik romani” mukofotini qo‘lga kiritgan[21]. U bu mukofotni ikki marta olgan kam sonli mualliflardan biridir[22].
  • “Me Before You” 2016-yilda “Nyu-York Tayms”ning eng ko‘p sotilgan “Top o‘ntalik” ro‘yxatiga kirdi [23]
  • Amerika kutubxonalar assotsiatsiyasi gʻolibi "Me before you", 2014[24].
  • Eng yaxshi fantastika mukofoti sovrindori (2018): "Me before you". [25]
  • Yil kitobi gʻolibi (2007) mukofoti, "Silver Bay". [26]asari uchun taqdirlangan.
  • “Me Before You” kitobi Buyuk Britaniyaning Galaxy Book mukofotlari marosimida “Yil kitobi” nominatsiyasiga nomzod bo‘ldi[27].
  • "Me Before You" butun dunyo boʻylab 14 milliondan ortiq nusxada sotilgan[28].
  • “Me Before You” filmiga mukofotlari: Sevimli dramatik film uchun “Xalq tanlovi” mukofoti sovrindori (2017); [29][30] Eng yaxshi kassa filmlari uchun ASCAP mukofoti sovrindori (2017); [29] Eng yaxshi romantika uchun Oltin treyler mukofoti sovrindori (2017) [29]ni qoʻlga kiritgan.

Kitoblar

  • Yomgʻirdan boshpana - 2002-yil
  • Chet el mevalari - 2003-yil
  • Kelinlar kemasi - 2005-yil
  • Otlar bilan raqs- 2009-yil
  • Sevganingizning soʻnggi maktubi - 2011-yil
  • Sen bilan uchrashuvdan oldin- 2012
  • Parijdagi asal oyi - 2013-yil
  • Siz qoldirgan qiz - 2013-yil
  • Kelinlar kema - 2014-yil
  • Sizdan keyin - 2015-yil
  • Bir kishi uchun Parij - 2016
  • Hali men - 2018-yil yanvar
  • Yulduzlar sovgʻasi - 2019-yil oktyabr

Adabiy ta'sirlar

Moyesning bolalikdagi sevimli kitobi Enid Bagnoldning "National Velvet" kitobi boʻlgan. U Kate Atkinsonning "Muzeydagi sahnalar orqasi" kitobini Moyesni yaxshiroq yozuvchi boʻlishga undagan kitob sifatida keltiradi [14] va u Nora Efron, [31] Marian Keyes, Liza Jewell, Jonatan Tropper kabi mualliflarning asarlaridan ilhomlangan.

Manba

  1. ↑ 1,0 1,1 „About Jojo“ (en). JoJo Moyes. Qaraldi: 2022-yil 10-avgust.
  2. ↑ „Jojo Moyes on Creating "Me Before You" From Book to Film“ (en-US). womenandhollywood.com. 2022-yil 2-dekabrda asl nusxadan arxivlangan. Qaraldi: 2022-yil 10-avgust.
  3. ↑ „Jojo Moyes“. IMDb. Qaraldi: 2022-yil 10-avgust.
  4. ↑ „jojo moyes red chat“ (en). Qaraldi: 2017-yil 15-noyabr.
  5. ↑ 5,0 5,1 Kroll. „Universal Taps Catalina Aguilar-Mastretta To Direct Adaptation Of Jojo Moyes Bestseller ‘The Giver Of Stars’“ (en-US). Deadline (2020-yil 8-dekabr). Qaraldi: 2022-yil 10-avgust.
  6. ↑ „Jojo Moyes: Biography“. webbiography.com. Qaraldi: 2015-yil 5-noyabr.
  7. ↑ „Index entry“. FreeBMD. ONS. Qaraldi: 2017-yil 28-fevral.
  8. ↑ „Jojo Moyes“. The Open Library.
  9. ↑ „Jojo Moyes“. The Telegraph.
  10. ↑ GradeSaver. „Jojo Moyes Biography | List of Works, Study Guides & Essays | GradeSaver“ (en). www.gradesaver.com. Qaraldi: 2022-yil 10-avgust.
  11. ↑ BookBrowse. „Jojo Moyes author biography“ (en). BookBrowse.com. Qaraldi: 2022-yil 10-avgust.
  12. ↑ http://www.freshfiction.com. „Jojo Moyes“. freshfiction.com. Qaraldi: 2022-yil 10-avgust.
  13. ↑ „Jojo Moyes“. jojomoyes.com. Qaraldi: 2015-yil 5-noyabr.
  14. ↑ 14,0 14,1 „Interview with Jojo Moyes“. Goodreads (2013-yil 31-iyul). Qaraldi: 2017-yil 14-noyabr.
  15. ↑ „Moyes interview“. Irish Independent.
  16. ↑ Beckerman, Hannah. „Jojo Moyes: 'I'd like to be the Puccini of fiction'“ (en-GB). The Guardian (2015-yil 21-sentyabr). Qaraldi: 2017-yil 14-noyabr.
  17. ↑ „ME BEFORE YOU to Be Adapted by Scott Neustadter and Michael H. Weber“. Collider (2013-yil 23-oktyabr). Qaraldi: 2015-yil 5-noyabr.
  18. ↑ „Me Before You (film 2016)“. IMDB.
  19. ↑ 19,0 19,1 19,2 „Jojo Moyes“. www.fantasticfiction.com. Qaraldi: 2022-yil 10-avgust.
  20. ↑ „Welcome – The Romantic Novelists' Association“. rna-uk.org. 2017-yil 15-noyabrda asl nusxadan arxivlangan. Qaraldi: 2015-yil 5-noyabr.
  21. ↑ „Jojo Moyes“. TheBookseller.com. Qaraldi: 2015-yil 5-noyabr.
  22. ↑ „Jojo Moyes wins Romantic Novel of the Year“ (en-GB). BBC News (2011-yil 9-mart). Qaraldi: 2022-yil 10-avgust.
  23. ↑ „Best Sellers - June 26, 2016 - The New York Times“. The New York Times. Qaraldi: 2017-yil 13-dekabr.
  24. ↑ „Me Before You | Awards & Grants“. www.ala.org. Qaraldi: 2022-yil 10-avgust.
  25. ↑ „Announcing the Goodreads Choice Winner in Best Fiction!“. Goodreads. Qaraldi: 2022-yil 10-avgust.
  26. ↑ „Jojo Moyes“. Book Series in Order (2014-yil 14-aprel). Qaraldi: 2022-yil 10-avgust.
  27. ↑ „Book Review: Me Before You by Jojo Moyes“ (en). Ethereal Jinxed (2018-yil 1-sentyabr). Qaraldi: 2022-yil 10-avgust.
  28. ↑ Finney. „The 10 best Jojo Moyes books, rated by us“ (en-GB). Good Housekeeping (2020-yil 13-avgust). Qaraldi: 2022-yil 10-avgust.
  29. ↑ 29,0 29,1 29,2 Me Before You - IMDb, qaraldi: 2022-08-10
  30. ↑ „2017 People's Choice Awards“ (en-US). www.warnerbros.com. 2022-yil 5-iyulda asl nusxadan arxivlangan. Qaraldi: 2022-yil 10-avgust.
  31. ↑ BookBrowse. „Jojo Moyes author interview“. BookBrowse.com. Qaraldi: 2017-yil 15-noyabr.

Havolalar

"https://ziyosfera.uz/index.php?title=Jojo_Moyes&oldid=524795" dan olindi