Kontent qismiga oʻtish

Johannes Høsflot Klæbo

ZiyoSfera, erkin ensiklopediya
Johannes Høsflot Klæbo

Klæbo 2019-yilgi Shimoliy changʻi boʻyicha jahon chempionatida sovrindorlarni taqdirlash marosimida
Shaxsiy maʼlumotlari
Fuqaroligi Norvegiya
Tavallud sanasi 1996-yil 22-oktyabr (1996-10-22) (29 yosh)
Oslo, Norvegiya
Boʻyi 183.5 cm[1][2]
Sport
Qaysi sport Changʻi poygasi
Klubi Byåsen IL

Johannes Høsflot Klæbo (1996-yil 22-oktyabrda tugʻilgan) – norvegiyalik changʻi poygachisi, Byåsen IL klubi sharafini himoya qiladi[3]. U bir nechta rekordlar sohibi boʻlib, eng mashhuri changʻi poygasi boʻyicha FIS Jahon kubogi, „Tour de Ski“, Jahon chempionati va Olimpiya oʻyinlarida gʻolib chiqqan tarixdagi eng yosh erkak sportchi ekanligidir[4][5][6][7].

2019–2020-yilgi Jahon kubogi mavsumida Klæbo yakkalik poygalardagi gʻalabalar soni boʻyicha Jahon kubogi tarixidagi eng muvaffaqiyatli erkak sprinterga aylangan va umumiy hisobda 4 ta sprint chempionligi bilan yangi rekord oʻrnatgan[8]. Ayni paytda u ushbu musobaqa tarixidagi umumiy poygalarda eng koʻp gʻalaba qozongan erkak sportchi hisoblanadi[9][10].

Klæbo oʻzining ilk Olimpiadasida, yaʼni 2018-yilgi Qishki Olimpiada oʻyinlarida uchta oltin medalni qoʻlga kiritgan[11][12]. 2026-yil 18-fevral holatiga koʻra, u oʻnta oltin medal bilan 12 karra Olimpiada sovrindori hisoblanadi. 2026-yilgi Qishki Olimpiya oʻyinlarida u qishki olimpiadachi qoʻlga kiritgan oltin medallar soni boʻyicha rekordni yangilagan va eng koʻp Olimpiya oltin medaliga ega sportchilar orasida suzuvchi Michael Phelpsdan keyin ikkinchi oʻrinda turadi[13].

Shaxsiy hayoti

Klæbo Norvegiya poytaxti Oslo shahrida tugʻilgan. Johannes oilasi bila besh yoshga to'lganda Trondheimga koʻchib oʻtishgan. U Trondheimda ulgʻaygan va hozir ham shu yerda istiqomat qiladi. Klæbo oilasi bilan juda yaqin va ular bilan koʻp vaqt oʻtkazadi[14]. Uning otasi Haakon Klæbo menejeri, bobosi Kåre Høsflot esa murabbiyidir[15].

Sportdan tashqari, Klæbo ukasi Ola bilan birga YouTube kanali yuritadi va u yerga sportchi sifatidagi kundalik hayoti haqida haftalik vloglar yuklab boradi. U oʻz kanalini odamlar changʻichilarning musobaqalardan va mavsumdan tashqari vaqtlarda nima bilan shugʻullanishini koʻrishlarini istagani uchun ochgan. Videolarni tahrirlash va tarjima qilishda unga aka-ukalari yordam beradi. 2019-yil oktyabr holatiga koʻra, Klæboning YouTube kanalida 102 000 dan ortiq obunachi boʻlib, 100 dan ortiq videolari jami 12 million martadan koʻp koʻrilgan[16].

U 2019-yilning oʻrtalariga qadar Norvegiyaning elita sprint jamoasining bir qismi boʻlgan, oʻshanda u Norvegiya erkaklar elita koʻpkurash jamoasining bir qismiga aylangan[17]. U 2020-21-yilgi FIS kross boʻyicha jahon chempionati mavsumi oldidan elita sprint jamoasiga qaytdi[18].

Klæbo 2019-yil 5-martda Sør-Trøndelag okrug sudi tomonidan 2018-yil 12-dekabrda piyodalar oʻtish joyida toʻxtab turgan avtomobil bilan toʻqnashgan yoʻl-transport hodisasidan soʻng 16 kunlik qamoq jazosi va 10 000 NOK miqdorida jarimaga tortildi.

Manbalar

  1. ↑ PyeongChang 2018 – The Norwegian Team – Athletes – Cross Country. Olympiatoppen. Retrieved 9 February 2018.
  2. ↑ Høsflot Klæbo, Johannes „Q&A with my girlfriend Vlog 21³“. Johannes Høsflot Klæbo (2019-yil 3-iyun). Qaraldi: 2020-yil 12-yanvar.
  3. ↑ „KLAEBO Johannes Hoesflot“. FIS. Qaraldi: 2017-yil 23-fevral.
  4. ↑ Løfaldli, Reidar „Klæbo ble tidenes yngste mannlige verdenscupvinner i langrenn“. Aftenposten.no. Aftenposten (2018-yil 18-mart). Qaraldi: 2019-yil 3-mart.
  5. ↑ Tinius Folvik, Herman „Klæbo hadde vonde drømmer om Tour-avslutningen i natt: -Var sikkert opp monsterbakken ti ganger“. vg.no (2019-yil 6-yanvar). Qaraldi: 2019-yil 3-mart.
  6. ↑ Tinius Folvik, Herman „Klæbo hyller morfaren etter historisk gull“. vg.no (2019-yil 21-fevral). Qaraldi: 2019-yil 3-mart.
  7. ↑ „Tidenes yngste vinner av OL-gull“. Langrenn.com. Qaraldi: 2019-yil 3-mart.
  8. ↑ „KLABO Johannes Hoesflot – Athlete Information“. FIS-SKI.com. FIS. Qaraldi: 2020-yil 14-mart.
  9. ↑ „Cup Standings“. FIS-SKI.com. FIS. Qaraldi: 2020-yil 14-mart.
  10. ↑ „KLAEBO Johannes Hoesflot – Athlete Information“. FIS-SKI.com. FIS. Qaraldi: 2020-yil 14-mart.
  11. ↑ Berglund, Nina „Klæbo headed home from a 'golden OL'“ (en). Norway's News in English (2018-yil 22-fevral). 2022-yil 7-fevralda asl nusxadan arxivlangan. Qaraldi: 2018-yil 22-fevral.
  12. ↑ „KLÆBO Johannes Høsflot“ (en). Eurosport. Qaraldi: 2018-yil 22-fevral.
  13. ↑ Hampton, Liz; Lund, Tommy „Nine golds and counting: Norway's Johannes Klaebo and the chase for Winter Olympics history“ (en). The Independent (2026-yil 15-fevral). Qaraldi: 2026-yil 15-fevral.
  14. ↑ „Markets sponser Johannes H. Klæbo“ [Markets sponsors Johannes H. Klæbo]. Sparebank 1 Markets. 2018-yil 31-martda asl nusxadan arxivlangan. Qaraldi: 2018-yil 23-avgust.
  15. ↑ Skjerdingstad, Anders „Slik ble han millionær og superstjerne“ [How he became a millionaire and superstar] (no). NRK (2017-yil 19-mart). Qaraldi: 2018-yil 23-avgust.
  16. ↑ Sundberg, Charlotte Ø.; Andersen, Robin. „Klæbo kjedet seg på hotellrommet. Da fikk han en smart idé.“ (no). Aftenposten (2018-yil 11-may). Qaraldi: 2018-yil 23-avgust.
  17. ↑ HØIDALEN, IDA „TV 2: KLÆBO BYTTER FRA SPRINTLAGET TIL ALLROUNDLANDSLAGET“. VG. VG.no (2019-yil 10-aprel). Qaraldi: 2019-yil 8-avgust.
  18. ↑ „Mener de har funnet årsaken til Klæbos distanse-svikt“. Aftenposten (2020-yil 2-oktyabr). Qaraldi: 2020-yil 29-noyabr.

Havolalar

Vikiomborda „Johannes Høsflot Klæbo“ mavzusi boʻyicha mediafayllar bor. 

"https://ziyosfera.uz/index.php?title=Johannes_Høsflot_Klæbo&oldid=523302" dan olindi