Joan Shakespeare
Joan Shekespeare (1569-yil 15-aprelda choʻqintirilgan - 1646-yil 4-noyabrda dafn etilgan) Uilyam Shekspirning singlisi edi. U oilaning yagona a'zosi boʻlib, uning avlodlari hozirgi kungacha davom etmoqda.
Hayoti
Joan Shakespearning singlisi edi. U William Hart ismli shlyapa tikuvchiga turmushga chiqib, toʻrt nafar farzadn koʻrgan: William ( 1600–1639 ), Mary (1603–1606), Thomas (1605–1661) va Michael (1608–1618).
Joanning turmush oʻrtogʻi William haqida u 1600 va 1601-yillarda qarzdorlik uchun sudga tortilganidan tashqari biror aytarli ma'lumot mavjud emas. U 1616-yil aprelda vafot etgan va William Shakespeare vafotidan bir hafta oldin, 17-aprelda dafn etilgan. Yozuvchi vasiyatnomasida unga 20 funt sterling, kiyim-kechak va Stratfordning Henli koʻchasidagi ikki kishilik uyning gʻarbiy qismida bir shilling nominal yillik ijara haqi evaziga yashash huquqini meros qilib qoldirdi. U umrining oxirigacha shu yerda yashashni davom ettirdi va 77 yoshida vafot etdi.
Uning oʻgʻli William hech qachon turmush qurmagan. Joan Shakespearening avlodi Thomas orqali davom etib, 1806-yilgacha Stratfordda yashagan. Thomas Shakespeare tugʻilgan joy sifatida taniilgan Xenli koʻchasidagi uyni meros qilib oldi[1]. Uning koʻp avlodlari boʻlgan. 18-asrga kelib, Joanning avlodlari oʻzlarini shoirning nasl-nasabini olib yurishgan deb bilishgan. Jon Hartning (1755–1800) Glostershir shtatidagi Tewskesbury Abbey Cherkov hovlisidagi qabr toshida "shoir Shekspirning 6-avlodi" yorligʻi yozilgan. .
Adabiyotda
Virginia Woolf oʻzining "A Room of One's Own" inshosida Shakespearening singlisi boʻlishi kerak boʻlgan "Judith Shakespeare" personajini yaratdi. Aslida Judith uning qizi edi. Bu xatomi yoki ikki ayol obrazini ataylab aralashtirib yuborishmi, bunisi noma'lum. Woolfning hikoyasida Shakespearening singlisi yozuvchi sifatida iste'dodiga ega ekanligiga qaramay, unga akasidek ta'lim olishga imkoniyat berilmaydi..Otasi uni turmushga bermoqchi boʻlganida, u teatr truppasiga qoʻshilish uchun qochib ketadi, lekin oxir-oqibat jinsi sababli uni ishga qabul qilishmaydi. U homilador boʻladi va jufti uni tashlab ketgach, oʻz joniga qasd qiladi.
Laurie Lawlorning "Two Loves of Will Shakespeare" (2006) romanida Joanning oʻsmirlik davrlari aks ettirilgan, Romanda u ayol sifatida oʻziga qoʻyilgan cheklovlardan norozi shoira sifatida tasvirlanadi. U sonetlar yozadi, hatto ulardan biri akasi tomonidan oʻzlashtiriladi. U Richard Fieldni sevib qoladi, lekin yigit Ann Whateley ismli qizning ortidan ketadi. Vern Thissenning Ann Hattaway haqidagi Shakespeare's Will nomli spekulyativ biografik pyesasida Joan Annaning hayotiga doimiy ravishda aralashib yuradigan yoqimsiz ayol sifatida tasvirlangan[2].
Bibliografiya
- A Shakespeare Encyclopaedia. Methuen, 1966. ISBN 978-0416951806. OCLC 263538090.
- Chambers, E.K.. William Shakespeare: A Study of Facts and Problems. Oxford: Clarendon Press, 1930. OCLC 353406.
- Ezell, Margaret J. M.. Writing Women's Literary History. Baltimore and London: Johns Hopkins University Press, 1993. ISBN 978-0801844324.
- Lawlor, Laurie. The Two Loves of Will Shakespeare: A Novel. Holiday House, 2006. ISBN 978-0823419012.
- Nestruck, J. Kelly. „Shakespeare's Will: In bed with the Shakespeares“. The Globe and Mail (2011-yil 15-iyul). Qaraldi: 2018-yil 17-iyun.
- Schoenbaum, S.. William Shakespeare: A Compact Documentary Life. Oxford: Clarendon Press, 1977. ISBN 0195051610.
- Wood, Michael „His Mother Mary Shakespeare“, . The Shakespeare Circle: An Alternative Biography. Cambridge: Cambridge University Press, 2015 — 13–25-bet. DOI:10.1017/CBO9781107286580.004. ISBN 978-1107286580.