Joʻra Mahmudov (rejissyor)

Ziyosferada ismi Joʻra va familiyasi Mahmudov boʻlgan boshqa kishilar haqida ham maqolalar mavjud.

Joʻra Mahmudov (1942-yil 4-yanvar, Toshkent - 2022-yil 23-yanvar) — rejissyor, Oʻzbekistonda xizmat koʻrsatgan sanʼat arbobi (1992). Toshkent teatr va rassomlik sanʼati institutini tugatgan (1971). 1971—1975-yillar Oʻsh, 1975—1978-yillar Samarqand, 1983—1994-yillar Sirdaryo teatrlarida bosh rejissyor, 1978—1983-yillar televideniyeda, 1997— 2002-yillar Yosh tomoshabinlar teatrida rejissyor, 1994—1997-yillar Madaniyat ishlari vazirligida yetakchi mutaxassis boʻlib ishlagan. Sahnalashtirgan spektakllari: "Ona" (K. Chapek), "Qiyomat qarz" (Oʻ. Umarbekov). "Insonlikka nomzod" (M. Karimov), "Ogʻriqtishlar" (A. Qahhor), "Soxta oqsuyak" (J. Molyer), "Qayerdasan, jon bolam" (M. Boboyev), "Qirol Lir" (U. Shekspir) va boshqalar Mahmudov har bir spektaklni badiiy-gʻoyaviy yuksakligi, taʼsir kuchini oshirishda tasviriy musiqiy, texnik vositalardan unumli foydalangan. Mahmudovning "Adolat kuni", "Ovsinlar", „Sohibjamol“, "Sadoqat" kabi sahna asarlari. "Osmondan tanga yoqqan kun", "Tomchi", "Alpomish", "Ikkivoy va Beshvoy" kabi kichik tomoshabinlarga bagʻishlangan ertak-pyesalari ham bor.