Jillibuloq

Jillibuloq
Qishloq
Mamlakat	Oʻzbekiston
Viloyat	Jizzax viloyati
Tuman	Baxmal tumani

Jillibuloq — Jizzax viloyati Baxmal tumanidagi qishloq aholi punkti. U Muzbuloq mahalla fuqarolar yigʻini hududida joylashgan.

Etimologiyasi

Qishloq nomi tarkibidagi jilli soʻzi mahalliy xalq shevasida ishlatiladigan iliq yoki ilmiq soʻzlari bilan maʼnodosh hisoblanadi. Bu atama sovuq emas, aksincha iliq yoki ilmiq suvli buloqni anglatadi. Shuning uchun dastlab Jillibuloq yoki Jilibuloq gidronimi paydo boʻlib, keyinchalik shu buloq yonida joylashgan qishloq ham shu nom bilan atalgan.

Nom gidronim sifatida shakllangan boʻlib, buloq suvining xususiyati — yaʼni uning iliq yoki moʻʼtadil haroratda boʻlishi inobatga olingan.

Ayrim tadqiqotchilar esa nom tarkibidagi jili soʻzi tovush oʻzgarishiga uchragan yasama shakl boʻlishi mumkinligini qayd etadi. Ularning fikricha, nomning dastlabki shakli Jillibuloq boʻlib, u yer ostidan sizib chiqib doimiy ravishda oqib turadigan buloq maʼnosini bildirgan. Qadimgi turkiy tillarda ham jilibuloq doimo oqib turadigan buloq maʼnosini anglatgan.