Jihod muzeyi
Jihod muzeyi Afgʻonistonning gʻarbiy viloyat markazi Hirot shahrida joylashgan. U 2010-yilda afgʻonlar oʻtmishdagi mojarolar va oʻz tarixlarini anglab yetishlari uchun barpo etilgan. Ochilganidan beri muzeyni koʻplab tashrif buyuruvchilar, jumladan AQSh kongress aʼzolari va Afgʻonistondagi NATO kuchlari qoʻmondonining oʻrinbosari ham ziyorat qilgan[1]. Muzey tashrif buyuruvchilarga mujohidlarning ahvoli haqida maʼlumot berish va afgʻonlarni maʼrifat qilishni maqsad qiladi[2]. Shuningdek, u 70–80-yillarda sovetlarga qarshi jang qilgan mujohid qahramonlar va shu yoʻlda hayotini yoʻqotgan afgʻonlarga bagʻishlangan yodgorlikdir.
Arxitektura
Muzey koʻk, yashil va oq rangli rotonda shaklida loyihalashtirilgan. Bino tashqi qismida urush qurbonlari — erkaklar va ayollarning baʼzi ismlari bitib qoʻyilgan[2]. Rotondaning yuzasida shahidlarga bagʻishlangan bir qancha sheʼrlar ham bor[3]. Tepalikdagi bogʻ ichida joylashgan Jihod muzeyi atrofida gulzorlar va favvorali bogʻ barpo etilgan.
Ekspozitsiyalar
Jihod muzeyida mujohidlarning sovetlarga qarshi janglariga oid turli mavzularni yorituvchi va doimiy ochiq boʻlgan bir nechta ekspozitsiyalar mavjud.
Manbalar
- ↑ „Grisly Afghan Museum Honors Anti-Soviet Jihad“. reuters.com. Qaraldi: 2013-yil 21-mart.
- ↑ 2,0 2,1 „Where War Still Echoes, Recalling Earlier Battles“. nytimes.com. Qaraldi: 2013-yil 19-mart.
- ↑ „Politics of Memory, The Jihad Museum in Herat“. 2013-yil 27-dekabrda asl nusxadan arxivlangan. Qaraldi: 2013-yil 19-mart.