Jessie Buckley

Jessie Buckley
Tavalludi	1989 (dekabr); Killarney, Irlandiya
Taʼlimi	Qirollik drama san'at akademiyasi (BA darajasi)
Kasbi	Aktrisa, qoʻshiqchi
Faoliyat yillari	2008-yildan hozirgacha
Turmush oʻrtogʻi	Freddi Sorensen
Bolalari	1
Qarindoshlari	Madj Klifford(katta buvisi)

Jessie Buckley (1989-yil dekabr oyida tugʻilgan^[1]) — irlandiyalik aktrisa va qoʻshiqchi. U faoliyati davomida Oscar, ikki marotaba Bafta, Actor, Oltin globus, Critics' Choice hamda Laurence Olivier kabi mukofotlarga sazovor boʻlgan. Buckley aktrisalik faoliyatini

2008-yilda I'd Do Anything nomli BBC isteʼdodlar tanlovi orqali boshlab unda ikkinchi oʻrinni egallagan^[2]. U Qirollik dramma sanʼat akademiyasini tugatgan. Dastlabki ekran rollarini War & Peace (2016) hamda Taboo (2017) kabi BBC teleseriallarida ijro etgan. Buckley kino sohasidagi debyutini bosh rol bilan Beast (2017) filmida amalga oshirdi. Shundan soʻng u Wild Rose (2018) musiqiy filmida qishloq musiqachisi boʻlishni orzu qilgan qahramon rolini ijro etib, eʼtirofga sazovor boʻldi. Mazkur rol unga „Eng yaxshi bosh roldagi aktrisa“ nominatsiyasida BAFTA mukofotiga nomzodlik keltirdi.

Buckley faoliyati I’m Thinking of Ending Things (2020), Men (2022), Women Talking (2022) hamda Wicked Little Letters (2023) filmlaridagi bosh rollari orqali rivojlandi. U The Lost Daughter (2021) psixologik drama filmida muammoli ona obrazi uchun „Eng yaxshi ikkinchi plandagi aktrisa“ nominatsiyasida BAFTA hamda Oscar mukofotlari uchun nomzod qilib koʻrsatildi. Buckley tarixiy drama Hamnet (2025) filmida Agnes Shakespeare obrazini ijro etib, keng eʼtirofga sazovor boʻldi. U „Eng yaxshi aktrisa“ yoʻnalishida Oltin globus, BAFTA, Actor va Oscar qoʻlga kiritdi.

Buckley televideniya sohasida HBOning Chernobyl mini seriali (2019) va Fargo (2020) serialining toʻrtinchi mavsumida suratga tushgan. Sahna faoliyati davomida 2021-yilgi West End sahnasining yangilangan talqinda namoyish etilgan Cabaret musiqiy spektaklida Sally Bowles obrazini ijro etgan. Shu roli uchun u „Musiqiy filmdagi eng yaxshi aktrisa uchun Laurence Olivier mukofoti“ yoʻnalishida Laurence Olivier mukofotini qoʻlga kiritgan. 2022-yilda Bernard Butler bilan hamkorlikda For All Our Days That Tear the Heart nomli albomni chiqardi. Mazkur albom 2022-yilgi Mercury mukofoti qisqa roʻyxatiga kiritilgan.

Hayoti va taʼlimi

Jessie Buckley 1989-yil dekabr oyida Kerry okrugining Killarney shahrida Marina va Tim Buckley oilasida tugʻilgan^[1]. Uning bir ukasi va uch singlisi bor. U irlandiyalik Madge Cliffordning chevarasi hisoblanadi.

U Thurles shahridagi Ursuline nomli qizlar oʼrta maktabida tahsil olgan. Ushbu maktabda uning onasi vokal murabbiyi boʻlib ishlaydi. Buckley maktab davridayoq sahna asarlarida ishtirok etgan. Oʻquv jarayonida bir qator erkak rollarini ham ijro etgan, jumladan, West Side Story musiqiy asaridagi Toni hamda Chess spektaklidagi Freddi Tramper rollari shular jumlasidandir. U Irlandiya qirollik musiqa akademiyasi fortepiano, klarnet va arfa yoʻnalishlarida sakkizinchi darajagacha tahsil olgan va Tipperary Millennium Orchestra orkestri aʼzosi boʻlgan. Qoʻshiqchilik va aktyorlik mahoratini oshirish maqsadida Association of Irish Musical Societies tomonidan tashkil etilgan yozgi mashgʻulotlarda qatnashgan. Aynan shu yerda isteʼdodli aktrisa sifatida tan olindi va Londondagi drama maktablariga hujjat topshirishga ragʻbatlandirildi. Biroq I’d Do Anything tanlovida ishtirok etishdan avval ikki drama maktabiga qabul qilinmagan, ulardan biri tanlovdagi ilk saralashdan bir kun oldin rad javobini bergan.

Buckley keyinchalik Qirollik drama sanʼat akademiyasi tahsil olib, 2013-yil yanvar oyida uni muvaffaqiyatli tamomlagan.

Manbalar

↑ ^1,0 ^1,1 Murphy, Greg. „Who is Jessie Buckley? Kerry star gets first Oscar nod for 'The Lost Daughter'“ (en). Irish Examiner (2022-yil 9-fevral). 2022-yil 4-sentyabrda asl nusxadan arxivlangan. Qaraldi: 2022-yil 4-sentyabr. „Jessie Buckley was born in Killarney, Co Kerry, in December 1989 and is the eldest of one brother and three sisters.“.
↑ Iftikhar, Asyia „Fans rediscover Oscar frontrunner Jessie Buckley's reality TV show aged 17“ (en). Metro (2026-yil 15-mart). Qaraldi: 2026-yil 16-mart.

Havolalar

Jessie Buckley at the British Film Institute
Jessie Buckley diskografiyasi Discogsda
Jessie Buckley at IMDb

[murphy2022-1] 1,0 ^1,1 Murphy, Greg. „Who is Jessie Buckley? Kerry star gets first Oscar nod for 'The Lost Daughter'“ (en). Irish Examiner (2022-yil 9-fevral). 2022-yil 4-sentyabrda asl nusxadan arxivlangan. Qaraldi: 2022-yil 4-sentyabr. „Jessie Buckley was born in Killarney, Co Kerry, in December 1989 and is the eldest of one brother and three sisters.“.

[2] Iftikhar, Asyia „Fans rediscover Oscar frontrunner Jessie Buckley's reality TV show aged 17“ (en). Metro (2026-yil 15-mart). Qaraldi: 2026-yil 16-mart.

[1]

[2]