Jeļena Prokopčuka
| Jeļena Prokopčuka | |
|---|---|
|
Fayl:2015 New York City Marathon 9961 (22533876200).jpg Jeļena Prokopčuka 2015-yilgi Nyu-York shahar marafonida | |
| Shaxsiy maʼlumotlari | |
| Tavallud sanasi |
1976-yil 21-sentyabr Riga, Latviya |
| Turmush oʻrtogʻi | Aleksandrs Prokopčuks |
| Sport | |
| Qaysi sport | yengil atletika |
.jpg){kind=link}
Jeļena Prokopčuka (qizlik familiyasi: Čelnova; 1976-yil 21-sentyabrda tugʻilgan) – nafaqadagi latviyalik uzoq masofaga yuguruvchi sportchi. 2005 va 2006-yillarda Nyu-York shahar marafonida gʻolib chiqqan va shu orqali tanilgan.
Biografiyasi
Prokopčuka 3000 metr masofadan tortib marafongacha boʻlgan yoʻnalishlarda jami oltita ochiq havoda va bitta yopiq inshootda oʻtkazilgan musobaqalarda Latviya rekordini oʻrnatgan. Uning turmush oʻrtogʻi Aleksandrs Prokopčuks erkaklar oʻrtasida marafon bahslarida Latviya rekordi (2 soat 15 daqiqa 56 soniya) sohibi hisoblanadi. Prokopčuka uch karra Yozgi Olimpiada oʻyinlari ishtirokchisi hisoblanadi, sportchi 1996, 2000 va 2004-yilgi oʻyinlarining trek bahslarida Latviya sharafini himoya qilgan[1].
Prokopčuka 2001-yilgi Tallinn marafonida gʻalaba qozongan. Bundan tashqari 2002, 2003[2] va 2009-yillarda Parij yarim marafonida ham gʻoliblikni qoʻlga kiritgan[3]. 2003-yilda Harbiy xizmatchilar oʻrtasida kross yoʻnalishi boʻyicha Jahon chempionatida shohsupaning yuqori pogʻonasiga koʻtarilgan. 2005-yildan 2007-yilga qadar ketma-ket uch marta Great Edinburgh Run (Buyuk Edinburg yugurishi)da gʻalaba qozongan. Shuningdek, Prokopčuka Kuldīga yarim marafonida besh marta, Almond Blossom Cross Country musobaqasida esa ikki marta 1-oʻrinni egallagan. Shuningdek, 2002-yilda Parijda 20 kilometr masofaga yugurish musobaqasida, 2005-yilda Osaka xalqaro ayollar marafonida (shu musobaqada u 2 soat 22 daqiqa 56 soniyalik natija bilan Latviya milliy rekordini oʻrnatgan) va 2006-yilda San Silvestre Vallecana musobaqasida gʻolib chiqqan.
Prokopčuka 2012 yilgi Lissabon yarim marafonida eng yaxshi natija koʻrsatgan yevropalik sportchi boʻlib, umumiy hisobda beshinchi oʻrinni egallagan[4]. 2012-yilgi London marafonida oʻninchi oʻrinni egallagan boʻlsa, Riga yarim marafonida gʻoliblikni qoʻlga kiritgan. Great North Run musobaqasida esa musobaqada ishtirok etayotgan eng kuchli, tajribali va yuqori darajadagi professional ayol sportchilar orasida yetakchilik qilib, kutilmagan natija koʻrsatgan. Musobaqa soʻngida garchi toʻrtinchi oʻringa tushib qolgan boʻlsa-da, 68 daqiqa 9 soniya natija bilan milliy rekordni oʻrnatgan[5]. Oʻsha yili boʻlib oʻtgan Yokohama marafoni sportchining faoliyati davomidagi soʻnggi ishtiroki boʻlib, 2 soat 26 daqiqa 55 soniya bilan mavsumdagi eng yaxshi natijasisini koʻrsatgan va musobaqada toʻrtinchi oʻrinni egallagan.
2013-yilgi Nagoya marafonida yaxshi natija qayd etgan holda sportchi 16-oʻrindan 4-oʻringa koʻtarilib oldi. Ushbu musobaqada yuguruvchi 2 soat 25 daqiqa 46 soniyada masofani bosib oʻtdi va oʻzining soʻnggi olti yildagi eng yaxshi natijasini qayd etdi[6]. Prokopčuka may oyida boʻlib oʻtgan Great Manchester Run musobaqasida faqatgina Tirunesh Dibabadan ortda qolgan va ikkinchi oʻrinni egallagan[7].
Manbalar
- ↑ Evans, Hilary; Gjerde, Arild; Heijmans, Jeroen; Mallon, Bill „Jeļena Čelnova-Prokopčuka“. Olympics at Sports-Reference.com. Sports Reference LLC. 2012-yil 15-dekabrda asl nusxadan arxivlangan. Qaraldi: 2012-yil 26-mart.
- ↑ „Paris Half Marathon – List of Winners“. 2018-yil 9-dekabrda asl nusxadan arxivlangan. Qaraldi: 2025-yil 31-may.
- ↑ IAAF, 8 March 2009: Prokopcuka and Worku win in Paris
- ↑ Fernandes, Antonio Manuel (25 March 2012). Tadese collects third consecutive win in Lisbon. IAAF. Retrieved on 26 March 2012.
- ↑ Wenig, Jorg (16 September 2012). Dibaba and Kipsang take Great North Run victories – REPORT. IAAF. Retrieved on 21 January 2013.
- ↑ Kizaki clinches World Championships berth with Nagoya victory as Noguchi returns. IAAF (10 March 2013). Retrieved on 17 March 2013.
- ↑ Wenig, Jörg (26 May 2013). World lead and course record for Tirunesh Dibaba over 10km in Manchester. IAAF. Retrieved on 1 June 2013.