Javlon Jovliyev

Javlon Jovliyev
Tavalludi	1991-yil 24-iyul (35 yosh); Qashqadaryo viloyati, Qamashi tumani
Fuqaroligi	Oʻzbekiston
Taʼlimi	Oʻzbekiston davlat sanʼat va madaniyat instituti
Kasbi	Yozuvchi va dramaturg
Mukofotlari	„Kelajak bunyodkori“ medali ; „Tahsin – 2021“ ; „Oltin qalam“ (Afgʻoniston)

Ziyosferada ismi Javlon va familiyasi Jovliyev boʻlgan boshqa kishilar haqida ham maqolalar mavjud.

Javlon Jovliyev (1991-yil 24-iyul; Qashqadaryo viloyati, Qamashi tumani, Gʻishtli qishlogʻi) — yozuvchi va dramaturg. Oʻzbekiston Yozuvchilar uyushmasi aʼzosi. „Oltin qalam“, „Tahsin“ hamda „Kelajak bunyodkori“ davlat mukofotlari bilan taqdirlangan.

Faoliyati

Javlon Jovliyev Oʻzbekiston davlat sanʼat va madaniyat institutining sanʼatshunoslik jurnalistikasi yoʻnalishini tamomlagan. Alisher Navoiy nomidagi Oʻzbekiston Milliy kutubxonasida muharrir va FA Alisher Navoiy nomidagi Davlat Adabiyot muzeyida tayanch doktarant. Jovliyev 2021-yilning bestseller kitobi sanalgan „Qoʻrqma“ romani muallifidir. Romanda 1922-yilda Turkistondan Germaniyaga yuborilgan talabalarning ayanchli taqdiri va bugungi kun yoshlari fojiasi tilga olingan.

Ijodi

Yozuvchining hikoyalardan iborat „Ikki qalb uchrashuvi“ (2019) va „Qoʻrqma“ kitoblari chop etilgan. „Issiq qor“ (Usmon Nosir haqida) dramasi Muqimiy teatrida sahnalashtirilgan. Asarlari rus, ingliz va turk tillariga tarjima qilingan.

Qoʻrqma asari

„Qoʻrqma“ asari uchun yozuvchi Javlon Jovliyev 2021-yil Tahsin mukofoti va Shavkat Mirziyoyev tomonidan „Kelajak bunyodkori“ davlat mukofoti bilan taqdirlangan. Bundan tashqari, yozuvchiga Qashqadaryo viloyati hokimi Zoir Mirzayev tomonidan 30 million soʻmlik sertifikat ham topshirilgan. Asar muallifiga Afgʻonistonning „Oltin qalam“ mukofoti berilgan. Asar „Yosh kitobxon“ respublika koʻrik tanlovining oʻqilishi lozim boʻlgan kitoblar roʻyxatiga kiritilgan^[1].

Tanqid

Oʻzbekiston Axborot va ommaviy kommunikatsiyalar agentligi (AOKA) tomonidan monitoring qilinib, „Qoʻrqma“ romanida kelgan ayrim jumlalar oʻquvchi ongiga salbiy taʼsir oʻtkazishi haqida aytib oʻtilgan^[1]^[2]. Lekin AOKAning xulosasi ijtimoiy tarmoqlarda koʻplab kitobxonlar, blogerlar va adabiyotshunoslarning tanqidiga sabab boʻlgan^[3].

Manbalar

↑ ^1,0 ^1,1 „«Қўрқма» кимларни қўрқитди? Роман атрофидаги шов-шувли воқеалар ҳақида“. Bugun.uz. 2021-yil 6-avgustda asl nusxadan arxivlangan. Qaraldi: 2021 йил 6 август. „arxiv nusxasi“. 2021-yil 6-avgustda asl nusxadan arxivlangan. Qaraldi: 2022-yil 24-may.
↑ „“Қўрқма” китобида қандай имловий, услубий хатолар, нотўғри маълумотлар ва ўқувчи онгига салбий таъсирли лавҳалар бор?“. Human.uz. 2022-yil 24-mayda asl nusxadan arxivlangan. Qaraldi: 2021 йил 30 июль.
↑ Фахриддин Низом, Акром Малик. „"Қўрқма" кимни қўрқитди?! - Сўз мутахассисларга“. Human.uz. 2022-yil 28-aprelda asl nusxadan arxivlangan. Qaraldi: 2021 йил 30 июль.

Havolalar

[bgnqrq-1] 1,0 ^1,1 „«Қўрқма» кимларни қўрқитди? Роман атрофидаги шов-шувли воқеалар ҳақида“. Bugun.uz. 2021-yil 6-avgustda asl nusxadan arxivlangan. Qaraldi: 2021 йил 6 август. „arxiv nusxasi“. 2021-yil 6-avgustda asl nusxadan arxivlangan. Qaraldi: 2022-yil 24-may.

[2] „“Қўрқма” китобида қандай имловий, услубий хатолар, нотўғри маълумотлар ва ўқувчи онгига салбий таъсирли лавҳалар бор?“. Human.uz. 2022-yil 24-mayda asl nusxadan arxivlangan. Qaraldi: 2021 йил 30 июль.

[3] Фахриддин Низом, Акром Малик. „"Қўрқма" кимни қўрқитди?! - Сўз мутахассисларга“. Human.uz. 2022-yil 28-aprelda asl nusxadan arxivlangan. Qaraldi: 2021 йил 30 июль.

[1]

[2]

[3]