Java grafikli foydalanuvchi interfeysi uskunalari

Swing uskunalar toʻplami

Swing bu Java dasturlash tili^[1] ning grafikli foydalanuvchi interfeysi uskunalar toʻplamidir. javax.swing oʻrami^[2] interfeys elementlari xisoblanadigan oynalar, tugmalar, combo qutilari, katalog daraxtlari, jadvallar, menyular va zamonaviy grafikli dastur tuzish uchun kerak boʻladigan boshqa elementlarni oʻz ichiga oladi.

Swing uskunalar toʻplami yordamida dasturning foydalanuvchi interfeysini yaratishda oldindan tayyorlangan komponentlardan foydalaniladi. Ushbu komponentalar maxsus konteynerlar ichiga joylashtiriladi. Konteynerlar ichida komponentlarni tartibli joylashtirish uchun joylashuv menedjerlar ishlatiladi. Joylashuv menedjerlari foydalanuvchi interfeys elementlarini joylashish strategiyasini belgilab beradi.

JFrame Java dasturlash tilining yuqori darajali oynasi xisoblanadi. Ushbu oyna barcha grafikli foydalanuvchi interfeysi elementlarini oʻz ichiga oladi. JFrame Swing oʻramining JFrame klassi yordamida yaratiladi. Java dasturlash tilida JFrame boshqa foydalanuvchi interfeysi elementlari uchun konteyner vazifasini bajaradi. Foydalanuvchi interfeysi elementlari JPanel elementiga chiziladi keyin esa ushbu JPanel JFrame oynasiga joylashtiriladi.

AWT uskunalar toʻplami

Swing uskunalar toʻplamidan oldin grafikli foydalanuvchi interfeysini yaratish uchun Java dasturlash tilida Abstract Window Toolkit (AWT)^[3] nomli uskunalar toʻplami ishlatilgan. AWT uskunalar toʻplami grafikli foydalanuvchi interfeysi elementlarini yaratishni dastur moʻljallanayotgan platformaning (Windows^[4], Macintosh^[5], Solaris^[6]) grafikli foydalanuvchi interfeysi uskunalar toʻplamiga yoʻnaltirgan. Natijada har bir platforma uchun dastur koʻrinishi ushbu platformaga xos boʻlgan. Shu orqali Java dasturlarni portativligi taʼminlangan.

AWT uskunalar toʻplami qoʻllaydigan printsipni oʻziga xos kamchiliklari xam mavjud. Ushbu uskunalar toʻplami grafikli foydalanuvchi interfeys elementlarini yaratishni dastur bajarilayotgan platformaga yoʻnaltirayotganligi sababli har xil platformalarda interfeys elemetlari bajarayotgan amallari farq qiladi. Bundan tashqari, hamma platformalar xam bir xil grafikli interfeys elementlar toʻplamiga ega emas. Shu va boshqa kamchiliklarni oldini olish maqsadida grafikli foydalanuvchi interfeys elementlari mustaqil hosil qilish boʻlib ushbu printsip Swing uskunalar toʻplamida qoʻllanilgan.

Manbalar

[1] „Java“.

[2] „Package javax.swing“.

[3] „Abstract Window Toolkit (AWT)“.

[4] „Microsoft Windows“.

[5] „Macintosh“.

[6] „Solaris“.

[1]

[2]

[3]

[4]

[5]

[6]