Jasur Umirov
 | Bu maqolaning betarafligi shubha ostidadir. Batafsilroq maʼlumot uchun maqola munozarasiga qarang. (2023-11) |
| Jasur Umirov | |
|---|---|
| Tavalludi |
1986-yil 30-mart |
| Fuqaroligi |
 Oʻzbekiston |
| Kasbi | Xonanda |
| Faoliyat yillari | 2009-yildan hozirgacha |
Jasur Umirov — oʻzining lirik va raqsli kompozitsiyalari bilan mashhur boʻlgan oʻzbek estradasining eng yorqin xonandalaridan biri hisoblanadi. U 1986-yil 30-martda Oʻzbekistonning Samarqand viloyati, Kattaqurgʻon tumani, Kattakoʻrpa qishloqchasida tugʻilgan. Onasi uy bekasi va otasi muvaffaqiyatli tadbirkor oilasida tugʻilgan, Jasur otasining yoʻlini tanlamaydi u rassomlik yoʻlini tanlaydi.
Faoliyati
Ijodi
Jasur Umirov bolalik chog‘laridayoq sanʼatga qiziqqan. Shu sababli u musiqa maktabida taʼlim olgan, so‘ngra O‘zbekiston Davlat konservatoriyasining estrada xonandalik fakultetiga o‘qishga kirgan. Ijodiy faoliyatini 2009-yildan boshlagan. Uning ko‘plab qo‘shiqlari, jumladan, «Billuram», «Oysha», «Derdiya», «Jon-jon», «Daryolar» va «Yuribmande» kabi taronalari tinglovchilar orasida katta mashhurlikka erishgan. Xonandaning 15 dan ortiq qo‘shiq kliplari va «Oysha» nomli albomi muxlislar tomonidan ijobiy qabul qilingan. 2010-yil 21-dekabrda «Istiqlol sanʼat saroyi»da yakkaxon konsert dasturini namoyish etgan.
Yosh ijrochi o‘z faoliyatini lirik qo‘shiqlar yozishdan boshlagan. «Jumagul» qo‘shig‘i unga keng shuhrat keltirgan va har yoshdagi tinglovchilar tomonidan sevib tinglangan. Ushbu qo‘shiqdan so‘ng «Odamning to‘ylari» nomli tarona ham yozib olinib, muxlislar tomonidan iliq kutib olingan.
Huquqiy hodisalar
2018-yil 18-noyabr kuni soat taxminan 03:00 da Jasur Umirov Captivaʼsida tanishi H.Q.ga pichoq bilan tahdid qilgan. 2019-yil 24-aprelda Toshkent shahar Olmazor tumani maʼmuriy sudi tomonidan ko‘rib chiqilgan ish yakunida unga 15 sutkalik maʼmuriy qamoq jazosi tayinlangan[1].
2021-yil 2-fevralda Jinoyat ishlari bo‘yicha Kattaqo‘rg‘on shahar sudi hukmiga ko‘ra, Jasur Umirov O‘zbekiston Respublikasi Jinoyat kodeksining 118-moddasi (nomusga tegish) 1-qismi bilan aybli deb topilib, unga 5 yil muddatga ozodlikdan mahrum qilish jazosi tayinlangan. Sud jarayoni Jinoyat-protsessual kodeksining 19-moddasi 1-qismi talablariga muvofiq yopiq tarzda o‘tkazilgan[2].
Manbalar
- ↑ „Xonanda Jasur Umirov o‘zi yoqtirgan qizni unga erga berishmayotgani uchun o‘z tanishiga tahdid qildi va 15 sutkaga qamaldi“ (O'zbekcha). Daryo (26-aprel 2019-yil). Qaraldi: 3-avgust 2022-yil.
- ↑ „Xonanda Jasur Umirov 5 yilga qamaldi“ (O'zbekcha). Gazeta.uz (2-fevral 2021-yil). Qaraldi: 3-avgust 2022-yil.