Janet L. Kavandi
| Janet Kavandi | |
|---|---|
| Fayl:JanetLKavandi-NASA.jpg | |
| Tavalludi |
1959-yil 17-iyul |
| Kasbi | Astronavt |
| Millati | amerikalik |
| Kosmik karyera | |
Kosmosdagi vaqt |
33 kun 20 soat 08 min |
| Missiyalar | STS-91, STS-99, STS-104 |
Missiya belgisi |
Tasvir yaratishda xatolik: Fayl:Sts-99-patch.png Fayl:Sts-104-patch.png |
| Tavalludi |
|
| Sohasi | Physics |
| Tezis sarlavhasi | Luminescene imaging for aerodynamic pressure measurements |
Janet Kavandi (talaffuzi: Janet Kevandi) 1959-yil 17-iyulda Karfagen, Missuri shahrida tugʻilgan. U amerikalik olim va NASA astronavtidir. U uchta kosmik kemada parvoz qilgan. Kavandi NASA Astronavtlar idorasi boshligʻining oʻrinbosari boʻlgan[1]. 2016-yil mart oyidan 2019-yil sentyabr oyigacha Ogayo shtatining Klivlend shahridagi NASA Glenn tadqiqot markazi direktori boʻlgan[2]. U 2019-yilda Qoʻshma Shtatlar astronavtlari shon-sharaf zaliga kiritildi.
Kavandi Sierra Space prezidenti[3][4].
Ta'lim
Kavandi 1977-yilda Missuri shtatidagi Karfagen oʻrta maktabini tamomlagan. U Missuri janubiy shtat kollejida (bakalavr, 1980), Missuri fan va texnologiya universitetida (magistratura, 1982) va Vashington universitetida (doktorlik, 1990) kimyo boʻyicha ilmiy darajalarni oldi[5].
Karyera
1982-yilda oʻqishni tamomlagandan soʻng, Kavandi Missuri shtatining Joplin shahridagi Eagle-Picher Industries kompaniyasida muhandis sifatida ishga qabul qilindi. 1984-yilda u Vashington shtatining Sietl shahridagi Boeing mudofaa, kosmik va xavfsizlik boʻlimining energiya tizimlari texnologiyasi boʻlimida muhandis lavozimiga qabul qilindi. U qisqa masofaga moʻljallangan raketa II boʻyicha yetakchi muhandis boʻlib ishlagan. Sea Lance va yengil ekzo-atmosfera raketasi uchun termal batareyalarni loyihalash va ishlab chiqishda ishtirok etgan. U qoʻllab-quvvatlagan boshqa dasturlarga kosmik stansiya, Oy va Mars bazasini oʻrganish, inertial yuqori bosqich, ilgʻor orbital uzatish transporti, qochish uchun maxsus vositalar, havodan uchirilgan kruiz raketasi, kiradi.
1986-yilda, Boeing kompaniyasida ishlab,Vashington universitetining aspiranturasiga qabul qilindi va u yerda analitik kimyo boʻyicha doktorlik dissertatsiyasini himoya qiladi. Uning doktorlik dissertatsiyasi shamol tunnellarida aerodinamik sinov modellarining doimiy sirt bosimni koʻrsatuvchi qoplamani ishlab chiqishni oʻz ichiga oladi. U ikkita patent muallifi hisoblanadi.
NASA faoliyati
Kavandi 1994-yil dekabr oyida NASA tomonidan astronavt nomzodi sifatida tanlangan. 1995-yil mart oyida Jonson kosmik markazga kelib qoʻshilgan. Ta'limning dastlabki yilidan soʻng u foydali yuklar va yashash qobiliyati boʻlimiga nazoratchi sifatida tayinlandi. Kavandi STS-91 (1998-yil 2-12 iyun), 9-chi va oxirgi Shuttle-Mir missiyasida mutaxassis boʻlib ishladi.
Oʻzining soʻnggi missiyasida u STS-104/ISS Assambleyasining 7A reysi bortida (2001-yil 12-24-iyul) xizmat qildi.
Oʻzining oxirgi missiyasidan soʻng, Kavandi yana foydali yuklar va yashash boʻlimida rahbar, soʻngra Xalqaro kosmik stansiya (XKS) boʻlimi boshligʻi boʻlib ishladi. U ISS bortida ekipajlarni tayyorlash, ishlatish, xavfsizlik va yashash imkoniyati, shuningdek, apparat va dasturiy ta'minotni ishlab chiqish va dizaynni baholash boʻyicha javobgar shaxs boʻlgan.
U, shuningdek, ISS ekipajlari va ular bilan bogʻliq operatsiyalarni muvofiqlashtirish uchun javobgar edi. 2005-yilda Kavandi Astronavtlar idorasi boshligʻining oʻrinbosari lavozimini egalladi va bu lavozimda 2008-yil fevraligacha ishladi. Ushbu topshiriqdan soʻng u parvoz ekipaji operatsiyalari boʻyicha direktor oʻrinbosari, soʻngra Jonson kosmik markazining parvoz ekipaji operatsiyalari direktori boʻldi.
Uch parvoz faxriysi Kavandi 535 Yer orbitasida 13,1 million milya masofani bosib oʻtib, 33 kundan ortiq koinotda boʻldi.
2016-yil mart oyida Kavandi Jim Freedan keyin Ogayo shtatining Klivlend shahridagi NASA Glenn tadqiqot markazi direktori lavozimini egalladi.
2019-yil sentyabr oyida u NASAdan nafaqaga chiqdi [1] va Sierra Nevada korporatsiyasida ish boshladi.
Mukofot va unvonlar
- Milliy sharaf jamiyati, 1977-yil.
- Karfagen oʻrta maktabining valedikatori, 1977 -yil.
- Missuri Janubiy Davlat Universitetining Prezident stipendiyasi, 1977-yil.
- Missuri janubiy shtat universitetini 1980-yilda yuqori saviyada tamomlagan.
- Boeing raketa tizimlaridan jamoaning mukammalligi va ishlashi uchun sertifikatlar, 1991-yil.
- NASA kosmik parvoz medallari
- NASAning maxsus xizmatlari medallari, 2001 va 2002-yillar.
- NASAning eng yaxshi yetakchilik medali, 2006 -yil.
- Amerika Qoʻshma Shtatlari astronavtlar shon-sharaf zali, 2019-yil.
Manbalar
- ↑ 1,0 1,1 „Astronaut Bio:Janet L. Kavandi“. NASA (2019-yil oktyabr). Qaraldi: 2021-yil 3-aprel.
- ↑ „NASA Glenn Director and Veteran Astronaut, Janet Kavandi, to Retire After 25 Years of Service“. NASA (2019-yil 10-sentyabr). Qaraldi: 2020-yil 11-iyun.
- ↑ „SNC Welcomes Janet Kavandi to Lead Space Programs“. Sierra Nevada Corporation (2019-yil 16-sentyabr). Qaraldi: 2020-yil 11-iyun.
- ↑ „Astronaut Kavandi's new mission“. Aerospace America. AIAA (2019-yil yanvar). Qaraldi: 2020-yil 11-iyun.
- ↑ „Encyclopedia Astronautica: Kavandi“. Mark Wade (1997-yil fevral). 2016-yil 3-martda asl nusxadan arxivlangan. Qaraldi: 2014-yil 30-mart.